السلام عليكم ورحمه الله وبركاته
هااي ياجماعه ازيكو يارب تكونوا بخير جميعا ...
انا لسه جاييه حالا وقولت اطمنكم.....
انا روحت انهارده الانترفيو وكانت الساعه 12
واستنيت طبعا حوالي ساعه وشويه
وبعدين دخلت اه بالمناسبه قابلت شهرزان انهارده واتستنينا سوا هناك وكمان عايزه اقولكم انها عسل اوي.......
المهم بقي هقولكوا اييه اللي حصل.....
دخلت الانترفيو....
وكان في بنت من الاداره وكانت ذوق اوي
وكان معاها راجل تقريبا كده (كابتن طيار)
**وقيست طول ووزن وبعدين قعدت وقالولي قدمي نفسك؟؟.....(بالانجيليش)
وبعدين قالولي ممكن عادي تتكلمي عربي ما تازميش نفسك شويه انجيليش وشويه عربي
(بصراحه كانوا متعاونيين جدا جدا )
**وبعدين سالوني انا ليه عايزه اشتغل مضيفه؟؟؟
**وكمان ايه الفرق بين المضيفه ووظيفه تانيه كده؟؟؟؟ (بصراحه انا مكنتش فاهمه معناها بس من الكلام فهمت ) الوظيفه دي انك توقفي علي كونتر في المطار وتعملي تشييك علي الجوازات وتوصلي الركاب للطياره وانا حتي مش عارفه اسمها اييه بس فهمت ده من الكلام....
المهم انا اجاباتي كانت لا مافيش فرق من وجهه نظري لان الاثنيين بساعد فيهم الناس وكمان بيبقي في تعامل مباشر مع الجمهور......بس يمكن الضيافه فيها فرق عشان السفر اجاباتي دي كانت غلط لان في فرق( البنت قالتلي كده )
بس ما قالتش ايه الفرق يعني .....
بس **وبعدين سألوني عن أسرتي بس بالعربي يعني مهنه بابا وماما واخواتي..وكده وكمان ساكنه فيين ...؟؟؟؟؟
**واتناقشت في السي في نقطه نقطه ........مع الشرح ان وجد......؟؟؟؟
**وبعدين اخدت ورقه اترجمها للعربي واقراها وماكانتش صعبه اوي بس برضه مش سهله يعني انا عرفت حاجات وحاجات تانيه بالتخمين وكانوا عايزيين الترجمه بالعربيه الفصحي ......
والمقابله اخدت وقت حوالي ساعه الا ربع......
بس وانتهت المقابله علي كده والبنت قالتلي اني كده في الوايتنج ليست
وهيتصلوا بيا
ان شاء الله
خلال شهرين
يارب اكون افادتكم وبالتوفيق للجميع ان شاء الله واللي لسه مااتصلوش بيه ان شاء الله يتصلوا قريب
ودمتم بخير اللهم آميين
وتقبلوا فائق تحياتي
أختكم رووكا