السلام عليكم ورحمه الله وبركاته
وأزيكو كلكم يارب تكونوا بخيير ان شاء الله
أولا اسفه علي التأخير.....
ثانيا : انا كنت عندي مقابله يوم الخميس مع شركه سحاب ورحت واول لما دخلت البنت اللي في الاستقبال وبجد كانت ذوووووووووووووووق جدا
_ قالتلي اسمك ايه؟ وقالتلي اني ميعادي الساعه 1 مضبوط واديتني ابليكيشن عشان اكتب فيه بياناتي ماعدا خانه الوزن والطول وكمان اخر صفحه اللي فيها صوره لييا 4*6 وكمان الصوره الكبيره اللي بالطول وملييت الابليكيشن وهو عباره عن (1بيانات شخصيه عنك يعني زي السن والاسم والتعليم والتليفون والايميل وكده ..........
2بيانات عن التعليم والخبره زي اتخرجت من اييه وبنسبه كام في الميه وكنت في جامعه اييه وكمان تقديرك اييه ولو عندك خبره ولا لا وكمان لو كنت تدربت في اي مكان واييه هووا
3بيانات عن الاشخاص اللي ممكن يرجعلهم عند اللزوم وعن الاب والاخوات اسماؤهم وتيليفوناتهم وكمان في جامعات ايييه
وبعدين بيانات اذا كنت عملت اي عمليات قبل كده او حتي عندك اي امراض او بتاخد اي ادويه او سبق لك عمليات
علي ما اذكر انا كتبت تقريبا كل البيانات اللي في الابليكشن كل اللي فاكراه دلوقتي واعذوروني لو نسيت حاجه ) وفضلت منتظره بتاع ساعه او ساعه ونصف الاول قبل ما يندهوا علييا عشان اقييس وزن وطول وبعدين حوالي نصف ساعه تقريبا وندهوا علييا عشان انا اللي عليا الدور في الانتر فيو اه وبالمناسبه احنا كنا تقريبا حوالي 30 تقريبا او اقل حاجه بسيطه وكلهم ولاد وحوالي 5 او6 بنات وانا من ضمنهم ........) (وبالمناسبه انا عرفت انهم مش بيقبلوا المحجبات لان كذا حد اتصل قدامي وكانت الموظفه بتسألولهم عن الحجاب وكمان النظر يعني 1حضرتك محجبه
2حضرتك لابسه نظاره وكمان ماينس كاااام لان المسموح لحد مايينس 2 بس)
والمهم دخلت الاتنر فيو وطبعا كنت خايفه وهتستغربوا لو قولتلكم اييه اللي طمنني فجاه قبل ما دخل وعلي فكره ده اول انترفيو ليا في حياتي .... المهم بالصدفه انا طبعا منتظره وفي ايدي الابليكيشن اللي مليته وبعدها راجعته الموظفه في الاستقبال وبعد ما دبست الصور بتاعتي فيهواديتهولي ....و بالصدفه بقرا البيانات اللي كتبتها شوفت بيانات في اخر صفحه اللي هييا قالتلي الموظفه ماليش دعوه بيها ...لاقيت فيها تقييم 1للظهور (هل سيء_جيد _ممتاز)
2لاستايل الشعر(سيء _جيد_ممتاز)
3لاستايل الميك آب (طبعا للبنات ههههه)(سيء_جيد_ممتاز)
4 لللغه (سيء _جيد_ممتاز)
فانا بصراحه لما عرفت هما بيقيموا اييه بالضبط في المقابله الاولي دي اطمنت شويه يعني وبقيت حريصه اني ماكنش خايفه عشان التقيمم بتاعي يبقي علي الاقل جيد كمان حاولت اراجع معلومات الضيافه اللي ذاكرتها من المنتدي هنا ...........
ودخلت والراجل كان ذوق معايا واول لما دخلت كان مبتسم وسألني عامله اييه وكمان لما اديته الابليكشن بتاعي قالي انا مش مصدق ان عندك 21 سنه طيب انتي لسه صغيره عايزه تشتغلي مضيفه ........وسكت .... وقالي لييه عايزه تبقي مضيفه .......؟
وبعدين قالي انا عارف انك معندكيش معلومات او خبره عن الضيافه بس ممكن تقوليلي تعرفي اييه عن الضيافه ؟
وانا جاوبت من خلال اللي اعرفه .....
وبعدين جيينا بقي للجد ..... وبص في خانه الوزن والطول وقالي بس انتا عندك وزن زياده عن طولك وكمان عن المثالي (انتا زي بنتي ) طب ممكن توقفي ....ممكن تروحي هناك وتيجي ...
وبعدين قالي انتا طويله ومش باين الزياده اللي عندك بس احنا طالبين وزن مثالي أو اقل لو قدرتي ب5كيلو لو ينفع
وحسيت بصراحه بسخريه بسيطه لما قالي طبعا انتي كده في الوايتنج ليست وحاولي في الوزن وشرفتينا...)
بس وخرجت من الشركه مش عارفه كده كويس يعني ولا وحش عموما انا ان شاء الله هعمل اللي عليا واللي فيه الخير يقدمه ربنا ان شاء الله
اللهم بلغت اللهم فاشهد
اتمني ان اكون افدتكم واسفه لو كنت طولت عليكم وبالتوفيق للجميع ان شاء الله
__________________
