|
عضو خط الطيران
|
|
تاريخ التسجيل: 04 - 03 - 2009
العمر: 46
المشاركات: 45
شكر غيره: 0
تم شكره 0 مرة في 0 مشاركة
معدل تقييم المستوى: 190
|
|
|
رد: شركة طيران جديدة اسمها سحاب فاتحة باب التقديم للمضيفات ومضيفين
لية يا جماعة الموضوع اتطور كدة وأخد اكتر من حقة...
احنا كلنا اخوات واصدقاء وبنحاول نساعد بعض وانا شايف بجد شباب وبنات زى العسل كلهم عايزين الخير لبعض ودى من الحاجات اللى مش شفتها فى منتديات كتير بالعكس فى معظم المنتديات التانية كل بياخد المعلومة وحتى مبيقولش شكرا...
فياريت نعدى الموضوع ونقفلة وكفاية كلام فية...
ومن كلامكم حسيت انة كان كلام مفيد وبشكر .sadness-heartعلى تعبة ومجهودة ومعلوماتة القيمة ومستنين منك المزيد وانت بتعمل كدة ابتغاء مرضات الله وربنا يجازيك كل خير..
بس للاسف انا مش قريتة لانى مش بعرف فى لغة الفرانكو اراب دى..
وياريت اى حد من الاخوة مشكورا يوضح لى هو كان يقصد اية فى كلامة...
عموما انا روحت الانترفيو وبصراحة الراجل كان ذوق ومحترم وقام وقف وسلم عليا وهو اسمة مستر يحى وكلمنى شوية عربى وشوية انجليش بس للاسف انا وزنى كان زيادة شوية وهو علق على النقطة دى قولتلة مش مشكلة اعمل دايت وانزل الوزن وفى الاخر قالى شرفتنا وانا قايم ماشى قولتلة ياريت اعرف النتيجة قالى انا حطيتك على الاستاند باى قولتلة يعنى اية؟؟ قالى يعنى على الطيارة التانية اللى جاية كمان شهرين ومش عارف معنى الكلام دة اية؟؟دة رفض بذوق!!! ولا هو هيعملى انترفيو تانى كمان شهرين ولا اية؟؟ وعلى فكرة موضوع الراتب دة تقريبا هيكون فى حدود 2000 جنية وانا مش متاكد ولو حد متاكد ياريت يبقى يبلغنا...
واتمنى حد من الاعضاء الكرام يفهمنى يعنى اية طيران شارتر بالتفصيل ؟؟؟
لانى سمعت كلام كتير عنة بس احب اسمعة من واحد اشتغل فية..
وبالنسبة لموضوع تقديم الخمور انا سالت فى التليفون قبل ما اروح وقالولى مفيش خمور وعلشان كدة مسالتوش فى الانترفيو ..بس لقيت اكتر من عضو بيقول انة فى تقديم خمور ومفيش حجاب!!
ولو الموضوع دة حقيقى يبقى هلغى الفكرة من اساسها.وانا اعرف ان مصر للطيران مش بتقدم خمور وكنت بحسب ان كل الشركات المصرية كدة وياريت نلاقى اى عضو يفيدنا..
انا اسف على الاطالة وحبيت اوضح وجهة نظرى ومشكورين ...
ومرة تانية انا فخور انى اشتركت فى المنتدى الجميل دة ..وزعلان انى اشتركت متاخر...
ودايما للامام يا احلى منتدى....
|