[sadnESS_heart]

بتقبل من ثانوية عامة طبعا ومتخرجين كمان والأنترفيو بيبقي الأول مع ال H-R لتقييمك وبعد كدة مقابلة شخصية مع ادارة الضيافة والاسئلة العادية جدا كالأتي:

الاسئله دي في جميع الشركات بتكون:
- ليه عايزه تشتغلي مضيفه
- اشتغلتي حاجه قبل كده؟
- بتشتغلي ايه دلوقتي؟
- ليه هتسيبي مجال شغلك
- شايفه في نفسك ايه يؤهلك تبقي مضيفه
- عارفه انها مهنه متعبه وهتقدري على تعبها ولا لا؟
- لو حد ضايقك على الطياره هتعملي ايه
- لو قابلتي راكب متعصب هتتصرفي ازاي
- شفتي الاعلان فين
- قدمتي من امتى
- قدمتي عندنا قبل كده ولا لا
- باباكي ومامتك بيشتغلو ايه
- شايفه الانجليش بتاعك كويس ولا لا
لكن متقلقيش هم مش بيسألو حاجات كتير يعني ممكن سؤال او اتنين من دول بس وطبعا الأبتسامة الدائمة وخير الكلام ما قل ودل والأجابة بتجر سؤال فناخد بلنا ومنفتحش علينا فاتحة احنا مش قدها ومن الأخر هو عايز مواصافات المضيفة فيكي والمواصفات كالأتي:

0:كل الشارتر المصري مش بيقدم خمرة فهو بيسألك عشان يعرف انتي عادي ولا لا ممكن تقولي زي معظم الناش مش أمانع بس أنا كنت دايما مش اديلة رد وأقولة انتوا اصلا مش بتقدموا خمرة واخدوا فحتي تانية أعرف اتكلم فيها.
1:ابتسامة داذمة
2:تركيز غير عادي
3:قليل الكلام كثير السمع
4: تركيز مستوي العين علي المتكلم
5: التفاعل في فريق العمل
6:ترتيب وتنسيق الكلام ولباقة وثقافة مش اكلم وخلاص ومش اكلم عشان يعرفوا ان انا بعرف اتكلم او عشان الكلام في حد
ذاتةا.زيما قالت اختنا ديزرت الأجابة بتجر مش سؤال لا 50 سؤال فخد بالك اوي ومتنساش نفسك لحسن يطلعك عالمسرح
ولكن المطلوب خير الكلام ما قل ودل
7:الوقفة والماشية تكون ايدك مقفولة ولو التفت فلاحظ انك مراقب
الكلام ماقل ودل والمرونة العقلية والمحايدة وليس المحاذاة8
9:حاول تعرف اي معلومات عن الشركة
10:اربط الكلام بلباقة مش تقفلوا
11:سرعة بديهة وقوة صبر
12:اوعي تزنق نفسك
خدوا يا جماعة فنقط قوة تعرفوا تكلموا فيها يعني خدوا فملعبكوا
13:تروح رايق ونايم وزي الجلاش
14:فورمال ها محدش يروح بشرط زي صاحبنا قالة انت فاكر رايح النادي واتحرج ومشي