اولا السلام عليكم ورحمه الله وبركاته
اخي الفاضل هل انت متأكد من ان الاخوان اللي تقول عليهم من اكثر من خمس سنين في قائمه الانتظار امورهم مضبوطه وكل شي تمام يعني مكملين المتطلبات كامله ومو ناقصهم شي
لان اللي محمسني اني اطلع ادرس طيران ان كثير من الناس من نفس الخطوط السعوديه يقولوا ان قائمه الانتظار انسحبت وبشكل عجيب وغير متوقع وانه فيه احتياج كبير للطيارين
وانا حسب ماعرفت ان القائمه الى السنه اللي راحت كان فيها حول ال 500 شخص والحين العدد اقل من 80 والعدد في تنازل بشكل سريع
يمكن الشباب هذول ماعرفوا يوصلولهم ويحتاج يراجعوا مبنى التوظيف لتحديث بياناتهم او شي زي كذا
اما اذا كان الشي هذا صحيح وان سالفه الاحتياج هذي مجرد كلام ولسه الواحد يجي بعد الدراسه ويبلط البحر كم سنه فبلاش الواحد يتهور ويروح يدرس ويحط اللي قدامه واللي وراه خصوصا اذا الهرجه فيها استقاله من العمل وفراق زوجه واطفال
اتمنى احد من المطلعين يطلعنا على الخبر الاكيد بكل امانه لان الهرجه فيها مصائر ورقاب ناااااس
وعليكم السلام ورحمة الله وبركاته..الأخوان مستوفين كل الشروط والمتطلبات . والمشكلة ماهي في قبولهم أو عدم قبولهم المشكلة في موعد التدريب , يعني ممكن تشوف واحد معاه كل المتطلبات لكن متى يبدأ في التدريب وبعدها الإنخراط في الخدمة؟ وكلامك صحيح لازم نتأكد بالخبر اليقين عن القائمة وياليت من أحد الأخوان يفيدنا عن الموضوع . ألف شكر لك اخوي ويشرفني مرورك العطر