معلش سؤال كمان انت بتقولى هيسالونى كمان عن لية عاوزة اشتغل مضيفة الاسئلة دى بالعربى ولا انجليزى و الرد برضو ازاى؟
مش كل الاسئله انجليزي بس انتي جهزي نفسك للاسئله الشائعه بالانجليزي علشان تعرفي تردي على اي حاجه لو اتسألتي
الاسئله دي في جميع الشركات بتكون:
- ليه عايزه تشتغلي مضيفه
- اشتغلتي حاجه قبل كده؟
- بتشتغلي ايه دلوقتي؟
- ليه هتسيبي مجال شغلك
- شايفه في نفسك ايه يؤهلك تبقي مضيفه
- عارفه انها مهنه متعبه وهتقدري على تعبها ولا لا؟
- لو حد ضايقك على الطياره هتعملي ايه
- لو قابلتي راكب متعصب هتتصرفي ازاي
- شفتي الاعلان فين
- قدمتي من امتى
- قدمتي عندنا قبل كده ولا لا
- باباكي ومامتك بيشتغلو ايه
- شايفه الانجليش بتاعك كويس ولا لا
لكن متقلقيش هم مش بيسألو حاجات كتير يعني ممكن سؤال او اتنين من دول بس
واهم حاجه زي ما سادنس قال الابتسامه وخير الكلام ما قل ودل
الحلسه الصحيحه واللبس المناسب هم مش بيحيو اللبس الاوفر
متتكلميش وانتي بتحركي ايديك كتير حاولي تقللي من العاده دي لو عندك
الرجلين مضمومين وعلى الجنب اليمينمش رجل على رجل
الميك اب الكامل لكن الهادي في نفس الوقت يعني بلاش الوان كتير