السلام عليكم ورحمة الله وبركاتة
يا جماعة انا شغال فالخطوط الجوية القطرية وموقوف ودايما بحضر انترفيوهات الطيران انا كارة القطرية بسبب الوقف بتاعي وعايز اشتمهم .
بس دة مايمنعش ان انا اقول كلمة حق ان الخطوط الجوية القطرية دى شركة ممتازة ومن أحسن الشركات العالمية في كل حاجة وهي شركة محترمة جدا دونا عن شركات كتير
ومفيش وسايط للناس اللى بتقول بيدخلوا سي فيهات الوسايط
مفيش حاجة اسمها كدة دة بيقولوا اللى عايز يمشي ومستعجل يسيب ال سي في
وطبعا مش هيكلموك هما هيكلموا مين ولا مين اللى عايز يشتغل بيفضل للأخر ويجي فالميعاد 9 وقبل كمان
وبالنسبة للى بيبقو برا دولا ملهمش حق انهم يدخلوا اصلا عشان هما دايما بينبهوا علي الوقت
وكمان بيدخلكوا في الاخر دة كرم والله بس هو خطأ فردي ودايما نجيب الغلط علي الطرف التاني وهما بياخدوا مصرين واجانب الكفئات للشغل
وبعدين لية مش ياخدوا اجانب واسيويين
ولعلمكوا بقي الاسيوين احسن ناس بتوع شغل جامد وبيردوا بقليلهم
دي الناس دي بتسافر وبتتعب بلاش حقد بقي لو ليك نصيب هايخدوكي وهيخدوك ...
وبعدين ال اوبن داي ده بيبقي في الفئات مؤلفة
فهيمشوا مين هيمشوا اكيد الجاي متأخر والجاي غلط والمش عارف هو فين والجاي مش جايب معاة حاجتة
والانترفيو ياجماعة بانبه اهو مية مرة لجميع الجنسيات
مدام عرفت ان في انترفيو للقطرية او الامارتية او الاتحاد في اي مكان في العالم تقدر تحضر البنات والولاد من غير ماتسأل ومحدش يضل حد ومحدش يفتي ومحدش يكبت
مشاعر او احاسيس وبلاش اتهمات وبلاش نقض هدام
انتقض لكن في الصح اكتبوا حاجة ايجابية بقي جننتوني والله مش عارف اعلق علي اية ولا اية
وبعدين انا مبعرفش اكتب عربي انا بحاول اكتب كل ملاحظاتى فموضوع لوحدي عشان كلة يقراه
عموما للولاد بدلة والبنات تيير ودة مش شرط ولكن مستحب بالنسبة للأوبن داي
بس لكن فالانترفيو لازم فورمال بدلة وتيير
ولكن باقي الشركات مثل الجولف والسعودية والكويتية احيانا بيطلبوا بنات واحيانا ولاد والبنات المحجبة طبعا ومعلش دي سياسة الشركة
وبالنسبة بقي لموضوع الخمرة هما بيقصدوا يقولوا كدة عشان يمشوا باردوا ناس عشان العدد يخف وبعدين مفيش طيران مميز الا وعليه خمرة ودي سياسة انا انتقضها طبعا
بس هما الشياطين ملبسة عليهم الموضوع لازم ابقي عندي خمرة عشان ابقي شركة طيران ترتيب علي العالم دة كلام مش صحيح بس احنا معندناش شخصية ومتخلفين وهنفضل فالنازل
داحنا خلاص فالقاع هنروح فين تاني فوقوا بقي ولاقيم ولا مباديء ولا دين ولا نيلة انيل من النيلة
لا لازم نبقي أجانب طيب احنا ملنا بيهم هو احنا منعرفش نقلدهم الا فالمعاصي بس منعرفش نقلدهم في انضباطهم ونجاحم وكل حاجة اديها حقها هما ليهم حتي فكر احنا لينا دين بيوجهنا منهج صحيح كامل متكامل في النجاح والفلاح في الدنيا وفي الاخرة
ولكن نسأل الله ان يرد هذة الأمة لدينها ووالله لو شالوا الخمرة من الطيران ليكسبوا اكتر ولكن هما ميعرفوش البركة هما ليهم المنظرة والعين المجردة ولكن والله في الخبر ربني يكرم اليشيل الخمور من علي الطيران ومن ترك شيء لله في الحرام عوضة الله خير منة بالحلال
ومثل حي قريب مصر للطيران كانت بتقدم خمور ومن ساعة مارفعوا قضية علي الشركة الزملاء المعتدلين تم وقف الخمور علي الطيران المصري والأن ماشاء الله اشتروا طيارات جديدة وربنا كرمهم
ومبقاش في حوادث وأخر حلاوة
وبالنسبة بقي للفاشرين مش كل حاجة بقي تقولوا وسايط
بلاش شماعة الأخطاء دي بلاش السلبية اللى بيجتهد بيدخل فأي حاجة ولكل مجتهد نصيب والله من غير وسطة
ومصر للطيران الاخت الكاتبة موضوع مخصوص عن حقيقة مصر للطيران الله يهديها انا متأكد ان مفيش حدا قال كدة وادارة جنوب كلها اعرفها مين القال كدة كابتن حسني ولا ماناجر سامي ولا كاتي
ولكن هي تلاقيها سألت حد غلط مفيش حاجة اسمها عشان تدخلي مصر للطيران لازم واسطة كدب في كدب
هي اة الواسطة طبعا هي سبب وبتمشي حاجات كتير ومصر بالذات ام الوسايط من غير وسايط متبقاش مصر يعني بس دة مش معناها ان انا ارمي كل حاجة عليهم وابقي هدام واحبط غيري واقول لنفسي هي الوسايط اللى بتنفع لا هو ربنا اللى بينفع انا صحابي كلهم بنات وولاد
فمصر للطيران وجميع شركات الطيران ونادارا الدخل واسطة
بس طبعا مش فأي شركة اجنبية مصرية بس ومن غير واسطة بلاش حجج بقي لو عايزة روحي قدمي وهتشتغلي لو انت كفء
نرجع تاني لموضوعنا تقديم الخمرة عموما عشان انا تعبت من الموضوع دة معاهم وبعدين انا ملتزم مليش دعوة بالخمرة اللى على الطيارات
دة مش سبب يخليني اسيب الشغل زي بالظبط انا قاعد في هوتيل وفي خمرة طب انا مالي بس طبعا حاملها وساقيها فتظبط نفسك ومتقدمش خمر ولا تشربها
طبعا الكلام دة لاخوتنا واخواتنا المسلمين والمسلمات
وبردوا بيلعبوا علي اعصاب المرشحين يطولوا ويسبطوا الهمم كل دي سياسة يهودية عشان تملوا بس البيفضل هو بيبقي سعيد الحظ وهي دي مواصفات الكابن كرو
المضيف الجوي ان انا ابقي حد صبور ومحافظ علي مواعيدي وبعدين الانترفيو تاني يوم فالقطرية ...
بيبقي العدد 60 مرشح يمتحنوا اربع مستويات وكل مستوي ينقص التلت اول مستوي مهارات اللغة الانجليزية وتيم ورك وينزلوا النص
لية عشان يعرفوا مين المؤهل ماهو مش معقول هايخدوا حد مش عارف انجلش ولا يعرف يشتغل مع جروب
وبعد كدة مواضيع تطرح في جروب ديسكشن كتير لتحديد الأفضلية وانا هقول المطلوب في 4 مستويات وفي الفاينل
ودة في اي شركة طيران اجنبية من خبرتي في المجال مطلوب :
1:ابتسامة داذمة
2:تركيز غير عادي
3:قليل الكلام كثير السمع
4: تركيز مستوي العين علي المتكلم
5: التفاعل في فريق العمل
6:ترتيب وتنسيق الكلام ولباقة وثقافة مش اكلم وخلاص ومش اكلم عشان يعرفوا ان انا بعرف اتكلم او عشان الكلام في حد ذاتةا ولكن المطلوب خير الكلام ما قل ودل
7:الوقفة والماشية تكون ايدك مقفولة ولو التفت فلاحظ انك مراقب
*************
والفاينل فيس تو فيس أسئلة شخصية بس تكون رايح يقظ ومركز
وقبل معادك عشان كل دي سكور ليك هينفعك في التصفيات مش معني ال انت وصلت للفاينل يبقي انت نجحت
ومش معني ال انت نجحت يعني اشتغلت ولازم يبقي شكلك مريح وبعد كدة يرجعوا الدوحة ويشوفوا نتائج الانترفيوهات كلها زي مانتوا عارفين ويصفصفوا ويشوفوا اعلي درجات ويبعتوا لسعداء الحظ
وبعد كدة الطبي وبعد كدة السفر كل دة في اسبوعين
وبعد كدة توصل هناك وتعيد الطبي نجحت تبداءالتدريب موفق انشاء الله
سقطت لقدر الله ترجع البلد علي طيارة خمسة ونص زي كدة :)
وكن ايجابي ولا تحزن عشان هي فرصة قوية وعرض مغري وفلوس
ايضا فلازم يبقي الموضوع صعب جدا طبعا وانا متقبلتش الا بعد رابع مرة من تقديمي وكنت كل مرة اصبر نفسي واتعلم من غلطي لحد اما ربنا كرمني فأهم حاجة انبه عليها تاني ان انا ابقي شخص سوي وبعرف اعالج في الحوارات المفتوحة
والمشاكل وعندي ثقافة ويقظ وقليل الكلام كثير السمع مع التركيز والتفاعل بشكل اضافي يعني هشارك فالكلام يبقي هضيف حاجة مفيدة جديدة
غير كدة مش بكلم واركز يعيني مع المتكلم والملاحطة والتعليق الصائب وربط الكلام بمهارة فهذة هي الاسباب
وما التوفيق الا من عند الله و أهم حاجة الأبتسامة دي اساس الشغل
وعيش كل لحظة فحياتك كأنها اخر لحظة والابتساامة في وجة اخيك صدقة وأعلم ان لو الأمة اجتمعت علي ان ينفعوك بشيء لن ينفعوك بشء الا وقد كتبة الله لك ولو اجتمعت علي ان يضروك بشيء لن يضروك بشيء الا وقد كتبة الله لك رفعت الأقلام وجفت الصحف .
واتمني اني اكون مقصرتش ولو في أي اسئلة محدش يتردد وانا اسف لغيابي يا جماعة بس عندي مشاكل ادعولي ربنا يكرمني وارجع القطرية عشان انا بموت الابتسامة ياجماعة هاااا اهم حاجة SMILE :)