[Abdelrhman]

اقتباس:     المشاركة الأصلية كتبت بواسطة PUYOL  

شكرا عزيزي على الرد :
من وين أركب موقف برج العرب
من الجيزة أم من رمسيس أم ....
وهل أركب السوبر جيت أم مايكروباص عادي

وشاكرا لكم

شوف يا سيدي الفاضل
انت تركب السوبر جيت من القاهرة من محطة التحرير او الجيزة او الماظة اللي اقرب لك اركب منه .... موقف السوبر جيت في الإسكندرية في منطقة القباري في اطراف اسكندرية
هو موقف كبير جدا أسمه الموقف الجديد من هناك أسال في موقف ميكروباص بتاع برج العرب الجديد .... حتعرف مكانه روح و اركب من هناك ميكروباص و حتلاقي الأجرة بـ 3 جنيه و المشوار حيآخد حوالي نص ساعة او 45 دقيقة , و لما توصل للمدينة اسأل هناك عن مواصلة توديك المطار و الناس حتقولك على مكان السيارات اللي بتروح المطار

يا اما تريح نفسك من كل الدوخة دي و تآخد تاكسي من الموقف الجديد بعد ما تنزل من السوبر جيت علطول يروح المطار مباشرة بس التكلفة يعني ممكن تكون مرتفة شوية 50 او 60 جنيه

و ربنا يوصلك بألف سلامة