[TCAS]

شوف يا خونا الفاضل


مالك ومال وزارة ولا بطيخ


الوزارة ممكن تدلك او تعطيك اسماء الجامعات الي معترف بيها تخصص الطيران كتخصص

يعني دراسة اكاديمية اقل شي 4 ولا 5 سنوات


لكن المطلوب هنا في السعودية رخص فقط

يعني كانك سواق سيارة جيب رخصة سواقة السيارة رخصة بس مو لازم تدرس وتجيب شهادة اكاديميه انك تعرف تسوق سيارة


المهم لا اطول عليك

اي رخصة تمشي في السعودية ما عندك مشكلة اهم شي انها تكون تحت نظام الي كاو وهو اتحاد للطيران المدني في العالم

يعني انتا لو جبت رخصة من السعودية تقدر تحولها في اي بلد يتبع للاي كاو طبعا بنظامهم وطريقتهم
بس المهم انك في النهاية تقدر تحول الرخصة وخلاص


نفس الفلم الطلاب الي راحوا امريكا او في امريكا راح يجي ويحول رخصته زيه زي حق كندا زي حق الفلبين زي حق الصومال كلهم واحد طالما انهم متخرجين ومعاهم رخص من طيران مدني في دولة ثانيه داخل في الي كاو

هذا الموضوع بساطة

اما عن كندا انا ما انصحك تعقيد على الفاضي روح امريكا اصرف لك واقل في الوقت يعني ارخص

بدل ما تجلس في كندا سنتين يرنوك فيها اشكال وانواع الكتب روح امريكا في سنه بالكثير وانتا مخلص

وترا هي وجهات نظر فقط لا غير


لا تاخذ الكلام ذا كله الي فوق باي طريقة رسميه

اذا تبغا الطريقة الرسميه اتوجه الى الخطوط السعودية ورئاسة الطيران المدني يعطوك العلم الاكييد

تحياتي