[ahmedman]

أزي الشباب

اللي يقول طيران على طول بعد الثانويه أنا مش معاه خالص

ليه ؟

أفرض درست ولا قدر الله حصل شيء يمنع الطيران

تقعد في البيت مالكش لازمه!!!!!!

مستحيل طبعا

لكن أنا أقترح الاتي

خش هندسة طيران وادرسها وبعد ماتخلص تكون كبرت شويه( يعني ممكن تسافر تتعلم طيران بره واهلك يبقو مش خايفين اوي)

او بعد سنتين تلاته من دراس ةالهندسه تعمل أيقاف قيد ( بالنسبه لمصر) وتسافر تتعلم طيران وبعد كده ترجع تكمل دراسه وتقدم على شركات طيران قبل ما يجي الشغل تكون خلصت دراسه وتبقى زي الفل

بس انا مبنصحش بكده

طب ليه ؟؟!!!!

طبعا بعد الهندسه فيه جيش واللذي منه ( وكل واحد ونصيبه )
كما انك لما تقدم على شغل ومعاك شهاده جامعيه أفضل بكتير ويتيح لك فرص عالميه

خشو على مواقه الاتحاد والاماراتيه والقطريه وشوفو الناس دي عايزه إيه

طيب مجبتش مجموع هندسه

خش إدارة أعمال أو بيزنس والحاجات دي
وسوري انا مش فاهم فيها اوي

بس قرأت في أحد المرات ان الامراتيه تفضل هذه الشهادات

وخلال وقت الدراسه الجامعيه طور لغتك حاول تتابع المدارس العالميه للطيران
شوف شركات الطيران عايزه إيه
حاول تجيب كتب طيران وتقرأ فيها


وأخيرا

هات الخبز من خبازه

بمعنى اتعلم الطيران في مكانه

نفس السعر في مصر أو أرخص وجوده أعلى وشهاده أفضل

وانصح انك تبحثو عن موضوع شهادة ICAO

لاني شفت الاماراتيه والقطريه بيطلوبها

ودي شركات محترمه جدا

أتمنى اكون أفدت الجميع


( للعلم انا طالب في كلية الطب وعايز ادرس طيران ومش عارف أزاي !!!!!!! بس ربنا يسهل)