السلام عليكم
اراني احد الزملاء الشكوى المقدمة من المراقبين الجويين لخادم الحرمين
لكن مع الاسف هناك الكثير من المغالطات والتى تحسب على المراقبين وليس لهم
1-التجريح في الاخرين. يا اخواني اعرضوا مشاكلكم ومطالبكم بدون التهكم والافتراء على زملائكم في الممرات الجوية او اي ادارة اخرى.
انتم كاتبين في الشكوى ان الاجهزة الملاحية تتعطل في بعض الاحيان لـ24ساعة...!!!
معليش ....بس اذا المتكلم مجنون يكون المستمع عاقل..الواحد يفتري ،، بش يقول شي ينبلع..
2- ايش حكاية بدل السكن والاعاشة لموظفي الممرات دون سواهم.....!!! والله لو قلتها لواحد في الشارع يضحك عليكم.
3-بصرف النظر عن التسكين وعدد المراقبين - اللي هو اساس المشكلة - ما هو معيار الكفاءة الوظيفية في نظركم حتي تقرون بعدم استحقاق موظفي الممرات الجوية على المناصب التي نالوها...
لا تجيني ببكالوريوس لغة عربية او ماجستير في العلوم الشرعية ودكتوراة في التاريخ البيزنطي وتطالب تكون مدير...
يا حبيبي وللمعلومية فان معظم شهادات موظفي الممرات الجوية من الخارج وعلى مستوى عالي..
انا اتحداكم تجيبوا لي عشرة مراقبين جويين يعرفوا يتكلموا انجليزي!!!!
و ارجعوا للاختبارات اللي صارت في جده من مده للمراقبين الجويين وفنني الممرات الجوية اثناء تكيب احد الانظمة، وشوفو مستواكم الحقيقي في اللغة وبعدها اتكلموا..ويكفي فضايحكم في دورات الحاسب الالي.الواحد فيكم يناظر الشاشة ويحسبها تلفزيون ويدور على الرسيفر..
اثبات اخر ،،، ممكن لاي موظف في الممرات الجوية ان يكون مراقب جوي في مدة قصيرة...ولكن اتحدى ان يفقه اكبر مراقب عندكم مادة فنية واحد من مواد الصيانة التي تدرس لموظفي المرات الجوية..
4- الكل عارف ان تاخير سلم الرواتب الجديد مرهون بالسلم الموحد للهيئات وكلنا منتظرين الفرج ونقول ربنا يستر...
فرئيس الهيئة ماله علاقة .. وايضا موضوع التامينات الاجتماعية،،الجماعة ماعندهم في نظامهم اضافة بدلات على الراتب ،، خاصة زي بدلاتكم إللي مافي احد في الطيرات المدني ياخذ زيها..استحوا..
5-عيب عليكم تتهجموا على رئيسكم...صحيح هو من الممرات لكن ماقصر معاكم..بل بالعكس كلمتكم مسموعة عنده على حساب موظفي الممرات الجوية...
السلام عليكم
اسمحلي عضو الكونجرس اتكلم معك بالعربي لان مستواي باللغة الانجليزيه لا يرتقي لمستواكم اهل الممرات الجويه !!!!!!!
بصراحه اللي يقرا ما كتبت يقول انا اقرا لاحد اعضاء وكالة ناسا لعلوم الفضاء . مواد يصعب على احد اجتيازها اذا لم يكن موظف ممرات جويه . والدليل يوم يتعطل جهاز يجيك موظف الممرات الجويه حاط يده في جيبه ويقول خلوها الى بكره ( وهذا والله العظيم اللي حااااصل ) او اذا اراد الاستعجال وحل المشكلة اتصل على المشرف وبدوره يتصل على الموضف الصيني اللي شايل كل شي على راسه ولو يموت مات جزء كبير من المعلومات الي يحتاجونها الممرات الجوية معاه
ويوم تقول نائب الرئيس الموقر عامل شغل كبير للتطوير . ليش اذا راحوا له الموظفين ما يقابلهم واذا قابل احد يكون اما معرف او داخل بواسطه.
تم وضع سلم رواتب جديد بنظام التأمينات وتم استحداث مسمى للبدل اللي تقول عليه وله اكثر من سنتين لم يطبق مع العلم ان فيه ناس لهم وضعهم بالطيران المدني شافوا السلم الجديد ولكن سعادته مو عاجبه ليش؟ الله اعلم
تم عرض المشاكل مرة ومرتين وثلاث الى الرئيس ونائبه ولم يتم التجاوب وبالتالي تم عرضها الى اهل الحل والربط لعلهم يجدوا لها حلول واذا كان اعتبرتم معنى التقاعس اللي بالشكوى تجريح او كما قيل انها قذف فهذا اكبر دليل على ضعف لغتكم العربية(الام) وعلو كعبكم باللغة الاخرى
الخي الكريم هذه المشاكل تهم المراقب الجوي اكثر من غيره مع العلم انها تهمكم ايضا ولكن يمكن النفس مليانه غل
والهدف واحد لو حصل تغيير ولكن مادري كيف تنظرون الى الامور
عموما تقبل تحياتي واعتذر على كتابة الرد بالعربي مرة اخرى !!!!!!!!!!!!!!!