اول حاجة انا مدري كيف اشكرك اخ احمد الصراحه انتا من الناس الي يستحقو الواحد يوقف عشانهم ويرفعلهم القبعه يوحني راسه لهم شكر واحترام وتقدير.....
شوف يا الغالي انا موضوعي طويل ومسبب لي ازمة ما بعدها ازمة حتى النوم معرف انام...
انا يا طويل العمر والسلامة لي اسبوع تقريبا وانا الفلف في المنتدى موضوع موضوع.....عشان ما ابغا اكرر نفس الاسئلة بس اكتشفت محد متل حالتي
انا طالب في جامعة الملك عبدالعزيز من خريجين العام الماضي نسبتي التانوية 92 تانوية تجارية دخلت الجامعه بس للاسف ابدا الوضع مو عاجبني في الجامعه وانا حلم عمري اني اعمل حاجة ارفع بيها راس امي وابوية وشفت بالجامعه ما راح اقدر اسوي شى وانا اصلن من زمان احب الطيارات والمطارات حتى اي شخص مسافر انا اول واحد اودية المطار
وكمان ما ابغا اضيع سنوات عمري على الفاضي في الجامعه
طولي 160 ووزني 60 طولي جدا متناسق مع وزني مظهري حسن لبق جدا جدا جدا في التعامل والكلام وبالنسبة للانقلش انا لغتي الحمدلله متوسطة عام 2006 طلعت على نيوزلندا ودرست انقلش هناك لمدة تلات شهور....
وانا الصراحه متعبر نفسي زي اخوك الصغير وابغاك تنصحني هل اكمل في الجامعه او اسحب واقدم على الخطوط انتا بحكم نطرتك وخبراتك اش رايك
ولو تنصحني اقدم على الخطوط من فين اقدر اقدم ولو حتى الدرساة بفلوس مش مكشكلة مستعد ادفع
وانا اول كان حملي اكون مضيف بس لكن دحين حلمي اكون مضيف وبشرط متلك الصراحه انتا متال يقتدا به وانا عينتك قدوة لي رضيت او ما رضيت
وهاذي الدفعه الاولة من الاسئلة والتانية على حسب اجابتك تتحدد
الف شكر لك وجزك الله عن كل حرف تكتبه مليون حسنة
حياك الله حبيب قلبي ياولد المحفوظ ,, وصدقني نفس الموضوع هنا الاحترام متبادل بيننا كلنا في المنتدى والحمدلله واتشرف اني اكون قدوة وانك تكون زي اخويا ويسعدني والله ويرفع من معنوياتي كثير جدا ..
بالنسبة للشروط مطابقة لك تمااااما والحمدلله من الطول للغة والشهادة واللباقة وحسن المظهر ان شالله ..
نصيحتي لك زي ماقالك اخويا احمد فهد ( المعتز ) بإنك تكمل دراسة الجامعة واذا بدأ التقديم تحذف ترم ووتشوف هل الوظيفة تناسبك ولا لأ ,, اول الوظيفة راتبها حلو ولكن فيها ضغط نفسي رهيب وتحتاج شخص قوي الارادة ويتحمل ضغط العمل من طيران وتعامل مع عقليات وثقافات كثيرة وصدقني الموضع هذا مو سهل زي ماالناس تتصور ,, انا صدمت بهذا الشي لما دخلت الخطوط ولكن المهنة عزيزة على قلبي مررة وكثير من اهلي يقولولي مابتنزل ارضي ؟؟ اقلهم ماقدر اتخلى عن الطيرن والسفر لدرجة لو جلست في البيت الاوف حقي لمدة اسبوع اطفش لا درة العروس ولا الكباين والتحلية ماتسليني زي لما اسافر دايما ,, ولكن خلي بالك الامور هذي ممكن تؤثر عليك في الزواج اذا كانت البنت غيورة
انا بالنسبة ليا الوظيفة كانت تزيدني شوق ارجع بيتي واشتاق لزوجتي ونحل كثير من المشاكل مو زي لما نكون قدام بعض تزيد المشاكل ولكن كل واحد له وضعو الخاص ,, بس خلي بالك المضيف الجديد مايساافر دول اوروبا وامريكا على طول !! بالعكس يقعد فترة طويلة لمدة سنيتن بعض الاحيان رحلات الههند وباكستان واندونيسا ويدوب تجيه وحدة لندن ولا باريس بالحظ وهكذا
بالنسبة للتقديم ياسيدي ان شالله في شوال راح يكون فيه تقديم بإذن الواحد الاحد ,, واذا بدأ راح اعمل اعلان في المنتدى ان شالله للكل وبالشروط الجديدة ..
وان شالله ماكون قصرت معاك بشي ومستني الدفعة التانية ..