[Final Aproach]

الاخ vincent حياك الله اخوي والله يوفقك بأي مجال كنت فيه ..
لكن بالنسبة لموضوعك فانا اطير على السي 130 ومن خريجي الكلية ..

بالنسبة للجامعيين يتخرجون ضباط على نفس تخصصاتهم في الجامعه او شبيهه لها مثل مهندس تصير ملازم اول مهندس ,, طبيب تصير ملازم اول طبيب وهكذا ..
لكن لايدرس الجامعيين الطيران في الكلية ابدا .. وانما خريجي الثانوية العامة هم من تكون لديهم فرصة دراسة الطيران وعلى فكرة مثلا الدورة 100 شخص مايتخرج الا ثلاثين او عشرين طيار منهم فقط ... لان دراسة الطيران في الكلية مو مثل معاهد الطيران ,, فالمعاهد تروح تدرس قراوند سكول وتطير رحلتك وترجع تنام لكن الكلية تدرس وتطير وتطلع من جناح الطيران للكلية وتلقى قدامك من الامور والواجبات العسكرية مالله به عليم يعني لاتقدر تنام وترتاح ولاتقدر حتى تذاكر زي الناس الا باوقات قليلة ..
فانا انصحك اذا انت انسان تحلم بالطيران يااما انك تتنازل عن حلمك وتروح الكلية او انك تتحدى الظروف والعقبات وتقرر ان تدرس على حسابك وهذا طبعا قرار يتوقف عليه مستقبلك ولازم يكون قرار مدروس ... ودائما الشخص يشتغل في الشي اللي يحبه عشان يبدع فيه وأرجو انك فهمتني
الله يوفقك ويكتبلك اللي فيه الخير