[تأبط خيرا]

في أحد المقاهي في إحدى المدن :

المراقب / أنا متحرك وأنت ساكن ... !
الطيار / ذبحتنا بفلسفتك يا أبو الشباب .
المراقب / أنت ساكن فكلمة ( أنا طيار ) تخلي كل شي يجي إلى حدك , وكلمة ( أنا مراقب ) تخليني أطرد ورى كل شي .
الطيار / طيب قول الصدق تتمنى تكون طيار ؟
المراقب / إيه بس تدري ليه ؟
الطيار / ليه ؟
المراقب / لأننا من دول العالم الثالث ... !


الطيار .... يشرب ميكاتو .
المراقب .... يشرب شاهي .


الطيار / إلا على طاري السياسة ليش سموا الشرق الأوسط بهذا الإسم ؟
المراقب / الشرق ( الأوسط ) , ( الوسط ) الرياضي , ( الوسط ) الفني , ( وسط ) فيفي عبده , أربعة أشياء تثبت أن كل حاجه وسط ( مهزوزه ) .
الطيار / أقول أنت مسوي فيها مثقف بس ترى ثقافتك سطحية !
المراقب / طيب تدري وش وجه الشبة بين الثقافة السطحية والخطوط السعودية ؟
الطيار /
المراقب / لاعبين في حسبتنا .
الطيار / طيب تدري وش وجه الشبه بين هيئة الطيران المدني و الـ C 130 ؟
المراقب / ههههه حالت أمهم حالة
الطيار / أجهزتهم قديمة وعمرهم ما يوصلون FL 410 .
المراقب / صدقت
الطيار / أقول هيئتكم هذي سمعت إنها لبست ثوبها الجديد وحسنوا من رواتبكم وأعطوكم بدلات . صحيح ؟
المراقب / الرواتب والبدلات لا أما الثوب الجديد ففعلا لبست ثوبها الجديد بس طلع الثوب قصير وواااااااااااااسع والمقاسات غلط , والحين قاعدين يطولون ويظيقون فيه بس أخاف الهيئة تكبر كرشتها مع الميزانية الجديده والخياط قاعد يظيق في الثوب .... !
الطيار / وإذا طلع الثوب ظيق بعدين ..... !
المراقب / يا أخي أنا مستغرب من حاجة فيه ناس تفصل ثوب بـ 1000 ريال وناس تفصل بـ 80 ريال ومافية فرق بين الثوبين .... ليه ؟
الطيار / لأن ثقافتهم سطحية !
المراقب / أقول أنا بأسري والله لا يهينك حاسب عني
الطيار / إي والله وأنا باقي وراي بكرة طيران ( جدة _ الرياض , الرياض _ الدمام , الدمام _ جده , جده _ تبوك , تبوك _ الرياض , الرياض _ نجران , نجران _ جده ) .
المراقب / وأنا باقي وراي والله مراجعات ( المحكمة _ البنك , البنك _ بنك التسليف , بنك التسليف _ شركة التقصيد , شركة التقصيد _ الأحوال , الأحوال _ مكتب العقار , مكتب العقار _ سوق الصواريخ , سوق الصواريخ _ سوق الخضار ) .
الطيار / والخياط مراح تروح له ؟؟
المراقب / يا عم كبر المخده وتصبح على خير !

إنتهى .