[بنت الكويت]

بسم الله الرحمن الرحيم ابي اقول تجربتي المريره مع الطيران السوري لان بصراحه شي يزعل الي قاعد يصير و خصوصا التسيب
اول مره اركب على الطيران السوري كان من دمشق الى بيروت على 320 صدقوني و ولله العظيم ان الرحله كان فيها شخصين انا وزوجي فقط على الدرجه الاولى و طبعا الكل عارف ان الدرجه الاولى نفسها درجة رجال الاعمال بس يوم تكون الرحله اسمها درجه اولى و يوم رجال اعمال و لما سالت ليش قالولي عشان الوزن بس المهم للعلم فقط ان الدرجه الاولى نفس كراسي الدرجه السياحيه بالضبظ :/ المهم جه وقت الاقلاع الي اهو الساعه 8 الصبح لكن و احنا بالطياره شفت المظيفات كانوو وايد معصبين علينا و قالولنا شو يعني طياره مع طاقمها بدها تطير عشان اتنين بس طبعا انا و زوجي استغربنا ردة الفعل و قلت لها اوكي انا شنو ذنبي ولا المظيفه الثانيه تستدرك الموضوع وتبتسم في و يهنا و قالت هني يالكم كلنا تحت امركم طبعا الكلمه اثلجت صدري المهم فجاه ولا يركبون 3 اشخاص اعتقد انهم عمال بناء لان ادوات البناء كانت معاهم بالطياره و طرنا و خلال 45 ديقيه تقريبا كنا في مطار بيروت.
اما الرحله الثانيه فكانت على رجال الاعمال من الكويت الى دمشق على ال 320 ركبنا الطياره و طارة الطياره و طانت طوووووووووول الوقت تهتز اما الشيء المحزن الي صار بعد تناول وجبة الغداء التعيسه رز ودجاج بس كان بااااااااااااااااااااارد مادري ليش بصراحه الهم المظيفه شافت باكيت السجائر مال زوجي فقالت له بدك تدخن مافيه مشكله احنا طبعا خفنا لان كان الي جالس خلفنا حماية طائرات فقال لها زوجي ممنوع التدخين على الطياره فقالت له خليهم يصطفلو :/ دخن و انا رئيسة الطاقم بدي خليك تدخن طبعا احنا كنا مصدومين فجاه ولا نشم ريحة الدخان السجائر طالعنا الكرسي الي ورانا ولا حماية الشصيات قاعد يدخن @@ ولا المضيفه تجيب كوووب نايلون فيه ماي حق زوجي و تقوله بعد ماتخلص طفيها بالكوب :)))))))))))))))) طبعا كانت الستاره بين السياحيه و رجال الاعمال مسكره و كانو حاطين فتحات التكيف لجهة الكابتن الههم نكمل قصتنا :)
طلبنا من المظيفه تعلمنا كيف نستخدم خدمة التجوال في سوريا جان اتقول لنا ثواني ولا مظيف يقول لنا كيف اقدر اساعدكم فقلنا له الموضوع قال نطرو الهبوط و راح اسويلكم ياه تخيل اخي العزيز اثناء الهبوط بعد ما نزلنا الى مكان يكون فيه سيرفس شغل الموبايل و قام يبحث عن الشبكات الي بسوريا @@ و المشكله ان بعد ما حصل الشبكه اتصل على شركة سوريا تيل للتاكد من ان الشبكه شغاله:/ طبعا احنا كنا ميتين من الخوووووووف و قمنا نتصبب عرق خوفا من ان هالشي ياثر على اجهزة الملاحه و تطير الطياره الله لا يقول بس الحمدلله تم الهبوط بسلام و من بعد هالرحله حلقت اني ما اركب على السوريه الا اذا كانت اخر شركه موجوده بالعالم:/
اسفه اني طولت عليك