[Rona]

السلام عليكم
أخى ديماس
أشكرك لصراحتك ورايك وأشكرك على نصيحتك وأحترمها بس أحب أعلق على كلامك

طيب أختي العزيزة فما بالك إذا كانت بعيدة عن أهلها

..

سيكون الوضع أسوء

كلامك دة بيؤكد الكلام الى قولتة قبل كدة وهوة أنكو بتعاقبو المرأة على ما يحدث لها من أذى من أصحاب النفوس الضعيفة بدل ما بتعاقبو صاحب الفعل المؤذى وكمان مينفعش نقول للمرأة متخرجيش ومتشتغليش عشان متتعرضيش للأذى والأساءة وطبعا مينفعش فى كل مرة تخرج فيها المرأة تصطحب حد من أهلها معاها عشان يدافع عنها وأظن من الأصلح أن نعلم المرأة المسلمة كيفية التعامل فى المواقف دة والطريقة المناسبة للدفاع عن نفسها بدل ما نقولها لا خليكى فى البيت ولا شغل ولا رايحة ولا جاية يعنى لازم أعطائها الثقة فى النفس وأمكانية الدفاع عن نفسها بنفسها بدل ما تكون ضعيفة وتستنى حد يدافع عنها ,وكون المرأة شخص يقدر يدافع عن نفسة بنفسة فدة لا يلغى شئ من أنوثتها ولا هوة شى محرم وأكرر الكلام مرة أخرى

أرجو أن مجتمعنا يبطل يرمى الذنب على المرأة حتى لو كانت هية الى بتتعرض للأساءة من الرجل ,لو المرأة تعرضت للأساءة فلملام هوة الشخص الى أساء أليها

الله يسامحك ويغفر لك ... نسائنا وبناتنا دُمى؟؟

أخى العزيز أرى من كلامك أنك أنسان صالح وربنا يوفقك ويجزيك خيرا وعشان كدة أنت بتستعجب من كلامى مع أنى لم أقصد أحد بعينة ولاكن أنا أسفة فعلا لوجود رجال فى مجتمعنا الشرقى بيعاملو النساء كدمى وأظن حضرتك أخى العزيز تكبرنى فى السن بكثير وتعرف أن فعلا فى رجال بيعاملو المرأة كأنها دمية أو قطعة من أثاث المنزل والناس دة موجودة فى كل مكان فى مصر والسعودية والعالم كلة يعن متكونش فهمت كلامى غلط او انى أقصد بلد عن غيرة,يمكن أحيا نا بيكون تصرفهم دة بدافع خوفهم على المرأة او بهدف حمايتها لاكن للأسف بيكونو غلطانين فبدل ما يحموها بيقمعوها ويهمشوها,ولو كنت بقول أن النساء بتكون دمى على يد بعض الرجال فصدقنى والله أنى بقولها وأنا أدرك مدى المعاناه الى بيشعرو بيها ومدى أحساسهم بلعجز والقهر

الرجُل قد يُطيق ذلك .. المرأة .. لها تركيبة فسيولوجية مُختلفة

.
... فأنا لا اتخيل أمرأة .. تقوم بدفع عربة مليئة بالعصيرات والمياة...
وتقوم بخدمة منطقة العمل الخاصة بها والتي تحوي 80 راكب

أخى العزيز أعتقد أن المراة بتكون على علم عندما تختار اى وظيفة بما يكون مطلوب منها فى هذة الوظيفة ولو كانت لا تعلم ما هى متطلبات وظيفتها فبيكون أختيارها طائش او متهور , والحمد لله أنا على علم أن الوظيفة دة بتتطلب مواصفات خاصة وصحة وبنية جسدية سليمة خالية من اى أمراض ومعتقدش أن المراة بتكون غير قادرة على دفع العربة المليئة بلطعام او المشروبات , أخى الكريم المرأة فى منزلها بتقوم بأعمال تنظيف وترتيب للمنزل وبتكون قادرة على حمل أو سحب أو دفع أشيا ثقيلة أعتقد أنها ممكن تكون بثقل عربة الطعام أو المشروبات فى الطائرة ومحدش بيقولها لا متعمليش واجباتك المنزلية عشان بعيدة عن تركيبك الفسيولوجى دة غير أن فى وظائف أخرى بتحتم على المراة القيام بأشياءصعبة ( العمليات الجراحية واسعاف المرضى ودفع عربة المرضى أو سرير المرضى) فمع أحترامى لرأيك مازال دة مش عزر لتحريم عمل المرأة كمضيفة,أنا عارفة انو كلامك دة نابع من خوفك على بناتك وزوجتك ولاكن أرجو منكم معاملة المرأة على انها فرد لة أمكانياتة ومميزاتة فى المجتمع وعدم معاملتها على أنها فرد ضعيف

أما بلنسبةأخى الكريم للرابط فشكرا جزيلا , وأنا دخلت قبل كدة على الموقع دة وشوفتة لاكن أكرر كلامى مع العلم أن الفتوى الى فى الموقع كانت بنأ على المضيفة الجوية تكون غير محجبة وطبعا أنا وضحت رأى فى مسالة الحجاب دة قبل كدة

بلنسبة لمسألة الحجاب طبعا عمل المضيفة من غير حجاب فهوة حرام لأن الحجاب واجب على المرأة وعشان كدة أتمنى أنى أعمل فى الخطوط السعودية أو أى شركة طيران سعودية لأن هية الوحيدة فى العالم الى تسمح بلحجاب للمرأة

ووالله انا سألت شيخ قبل كدة هل مهنة المضيفه الجوية حرام؟ وكان الرد أنة لأ مش حرام نظرا لأن بعض مهام هذة المهنة تحتم وجود المرأة لتأدية هذة المهام,

أختلاط المراة بلرجل فى العمل جائز بفتوى بعض الشيوخ والأمة الى بيتقو الله فعلا فى المرأة ولاكن بضوابط شرعية وحدود

يعنى حكم أختلاطها جائز لأنة أختلاط مشروع فى العمل ويخلو من اى نية محرمة, ولى يحرم وظيفة المضيفة بسبب الأختلاط يبقى لازم يحرم وظيفة الطبيبة والممرضة كمان والا كان عندة ازدواجية فى التفكير

أما بلنسبة للفتوى رقم 6693

أما بلنسبة لتحريم سفر المرأة بدون محرم حتى لو كان للحج,فلو كنتو متابعين لفتاوى الشيوخ ففية شيوخ أجازو سفر المرأة للحج بدون محرم مدام انها مع صحبة أمنة وأن كان سبب التحريم سابقا هوة طول المسافة والمدة فى السفر, وقياسا على ذالك سفر المرأة للعمل أو الدراسة بدون محرم جائز وبضوابط شرعية ودة مش كلامى دة كلام شيوخ وأئمة

أنا أسفة أذا كنت بكرر كلامى لاكن دة بسبب أن كلامكو يا أخوانى معناه أنكو لم تقرؤ كلامى بتمعن أو قرأتوة ومش مقتنعين أو مش عاوزين تقتنعو

أخى دماس شكرا على نصائحك الغالية وشكرا على الدعاء العظيم الى فعلا ححفظة

اللهُم أرني الحق حقا وأرزقني اتباعه

وأرني الباطل باطلا وأرزقني اجتنابه

أخى

دماس والله أنا أشتغلت فى وظيفتين قبل كدة وكان فيها مشاكل عديدة ومهام كبيرة وأى وظيفة لازم تكون فيها صعاب ومشاق ومتاعب يعنى الى عاوز يشتغل يبقى لازم يتحمل تعب أى وظيفة , وعلى لسان زميلة كانت بتعمل معايا قبل كدة وربنا وفقها وأصبحت مضيفة جوية لاكن ربنا يهديها من غير حجاب ( متاعب العمل كمضيفة جوية مش أكتر من متاعب الوظيفة السابقة)
أخى العزيز دراكولا شكرا على رأيك ولاكن أرجو منك تقبل الرأى الأخر حتى لو كان مخالف لرأيك, يعنى أنت مش عاوز تقتنع برأى الشيوخ الى أجازو عمل المضيفة وعاوز تقتنع بلرأى الأخر بلرغم من أن رأيهم مقنع ومحدش ينكر زالك والفتوى مكانتش علىشان الأختلاط بس لاكن وضحت كمان حكم السفر بدون محرم ,وعلى فكرة الأخ ديماس مقالش أن وجود المضيفة غير مهم أو أن المضيف ممكن يحل محلها لأكن أنت الى حبيت تفهم كدة أرجو تقرأ كلامة تانى, أنا أعزرك لأن كلامك بدافع حب الخير للمرأة المسلمة لاكن أرجو أنو حبك للخير لا يقودك للتفكير بطريقة فيها ظلم للمرأة
وأرجو من الأخوة أن لا يحكمو على المرأة بأنها لا تعرف الفرق ما بين الحلال والحرام , والله الحمد لله أنا دارسة دينى الأسلامى كويس وأخاف ربى جدا قبل أن أخاف من أى احد ولا أجادل فى الحلال والحرام ولو عرفت أن فى شئ حرام حكون أول واحد أبعد عنة وأظن كذالك باقى أخواتى , ومعتقدش أن زى ما بتقول يا أخى دراكولا أن الأعلام مأثر علينا ولا اى حاجة من الحاجات دة ,أعتقد أن أحنا عقولنا ناضجة ومدركة ومش عشان فية ناس بتزين الحرام يبقى أحنا نسدقهم لأن ببساطة عقولنا وتفكيرنا مش صطحى ولا مستهتر , أرجو أنكو متفكروش بتزمت وبتشدد وتتقبلو الرأى الأخر