[mohammad alajmi]

بصراحة!! وهذي اقولها على نفسي.
يمكن كاتب الخبر مازار الكويت او حتى اللي مصنف.
لكن يجب ان اتكلم عن ماشاهدته.
زرت مطار جدة من بين القائمة. وزرت مطار غوديز الصغير في فرنسا .. مبناه اصغر من البيت العادي لكنه كان ممتاز جدا جدا جدا ! وافضل مليون مرة من مطار الكويت الدولي.
انا اسافر كثير وأسواء مطار شاهدته بحياتي مطار الكويت الدولي :
مافي موقف للسيارة. هذا حق قانوني اقل شي يعني واسهل شي مفروض انت بتروح مطار ماتلاقي موقف.. وين توقف سيارتك؟ جاوبني بالله؟ افحمني ياخي. لا انت قادر تستقبل ضيف ولا انت قادر توقف سيارتك وتسافر. وتخالفني اذا وقفت عالرصيف!
مافي اماكن للراحة المسافرين في المبنى.
صعوبة بأستلام الحقائب..تصل احيانا الي ساعه.
صعوبة بالخروج من المطار الي البيت تصل الي ساعتين وثلاث.
لايوجد بالغالب جسر لصعود الركاب لقلتها.
صغر حجم المطار وكثافة الرحلات يؤدي الي تكدس المسافرين مما يسبب شد اعصاب وبعض المشاكل بين المسافرين والعاملين وبين المسافرين انفسهم.
صغر الاجهزة الامنية (اجهزة التفتيش وغيرها) وقلتها .. تقريبا عند كل منطقة 1!! مما يسبب هو الاخر بالزحمة فوق علة المطار بحجمة ومشاكله!
تهالك المبنى واضح ويتضح جليا عند هطول الامطار.
عدم وجود عدد مناسب من الكباين بمنطقة الجوازات .. 7 او 8 و5 منهم اللي يشتغلون. ولا مرة شفتهم كلهم شغالين مادري يعني نقص عاملين مثلا؟
المسائل اعلاه تؤدي الي اصطفاف المسافرين بالضبط مثل طابور الخبز طبعا بالمئات.
خلال اخر سفرتين لاحظت عدم وجود موقف للمدى الطويل مما يجعل المسافر بوقف سيارته بالمواقف العادية واخذ مبلغ طائل منه ! مع انه انتو ياشركة مو موفرين لي الخدمة مفروض يحسبونها نفس سعر المدى الطويل دامها 3 او 4 ايام. يعني اكيد مسافر.
اصلا انا قبل السفر بيومين اكتئب لأني بروح مطار الكويت! حتى المسافر بدرجة رجال اعمال المشاكل فيك فيك.
يعني مادري.. أسواء من كدة ايه؟