لو سمحت يا كابتن عندي شوية اسئلة لو تقدر تساعدني لان معلوماتي ضعيفة جدا لسه أبيض =D .....
1- هل ديه كليه ولا اكاديمية ولا معهد ولا ايه بالظبط؟؟ و ايه الفرق بينها و بين أكاديمية أتيس لعلوم الطيران؟
دى اكاديمية بدرجة كلية ، بالنسبة لأتيس معرفش عنها حاجة حقيقة لكن لا أنصح انك تدرس فى الخارج عن طريق وكيل تواصل انتا مع الاكاديمية مباشرة يكون افضل ليك
2- ايه هي الشهاده اللي بأخدها لما اتخرج هل هي شهاده تساوي شهاده الجامعه العاديه ؟؟؟ يعني بكون معايا شهاده مؤهل عالي؟ ولا بعد ما اخلص ادخل جامعه عشان اخد شهاده؟؟
رخصة الطيار التجارى فى مصر بتعادل المؤهل العالى بالنسبة للتجنيد
3- لو سمحت عاوز اعرف المصاريف السنه الحالية2014 كام بالظبط؟؟؟ و بيدفعوا علي اقسام ولا مره واحده؟؟
المصاريف بتتغير بإستمرار و الموقع مش بيحدث
4- هي تابعه لأي جهه بالظبط؟؟ شركة مصر للطيران ولا وزارة الطيران المصرية ؟؟ ولا هي هيئة سياسية زي "الاكاديمية البحرية" ؟؟؟
تابعة لوزارة الطيران المدنى المصرى لكن فى إدارتها و كده هيا كيان قائم بذاتها ملهاش دعوة بأى حاجة تانى .
5- هل بعد ما اخلص بيكون معايا رخصه؟؟ و هل الرخصه ديه بس تقتصر علي شركة مصر للطيران فقط ؟؟
اى شركة طيران مدنى فى مصر
6- هل الشهاده بتكون معتمده في مصر بس؟؟؟ ولا ممكن اشتغل بيها في اي بلد تاني؟؟
الرخصة الى بتاخدها من الاكاديمية المصرية لعلوم الطيران بتكون معتمدة فى مصر و لا يمكن معادلتها برخص اخرى مثل الFAA
7- الكلية ديه بتأهلني اكون طيار مدني ولا تجاري؟؟ وايه الفرق بينهم لو سمحت؟؟
الطيران التجارى قسم من أقسام الطيران المدنى
8- ايه الفرق لو درست هنا في الكلية المصرية للطيران او درست في امريكا او اوروبا ؟؟؟؟ هل بتفرق في الرخصه؟؟؟ و الاولوليه في الشغل بشركة مصر للطيران بتكون لمين؟؟؟ و هل مرتبات مصر للطيران بتكون مجزيه تخليني اكون اسره من غير ما اشوف اي عمل حر بجانب شغلي؟ ... و اخر حاجه و اسف علي الاطاله ديه كلها
هنا فى مصر هتريح دماغك و مش هتعمل معادلة و هتبقى قاعد فى البيت فى وسط اهلك
الرخصة الى بتاخدها من هنا معتمدة بس فى مصر انما مثلا الFAA فى بعض الدول بتقبل انك تعادلها برخصتها زى مصر هنا لكن فى دول تانية كتير مش بتوافق على المعادلة و كمان فرص الشغل كمدرب فى امريكا افضل بكتير من الشرق الاوسط بس هتكون محتاج الgreen Card
مصر للطيران دلوقتى عندها الاولوية للكوسة
المرتبات حلوة و هتخليك تكون اسره .
لو اتعلمت في امريكا و اخدت رخصه هل اشتغل بالرخصه ديه علي طول هنا في مصر للطيران؟؟؟ و العكس برضو ايه نظامه؟
هتاخد الرخصة من امريكا هتيجى مصر هتعمل معادلة للرخصة المصرية بحوالى 8 الاف دولار و تستنى الاعلان زى باقى زملائك ، لو درست هنا و عاوز تشتغل فى امريكا مظنش انه ممكن
صعب جدا و هسئلك ناس فى امريكا ايه ردهم على الكلام ده .
وشكرا لحضرتك جدا ^_^
العفو ^_^