كلهم فيهم الخير البركة
اهم شي يشترون
محسسني الكويتية عندها ما يقارب مئة طائرة 
:poster_dont:
السالفه مو سالفة عدد
يعني مو أشتر طيارات وبس
الموضوع أن هالطيارات لازم تضل شغاله طول السنه وما توقف إلا للصيانه ولا راح تكون عبئ على الشركة
35 طياره تغطي ما لا يقل عن 80 وجهه
والمواطن الكويتي وجهات سفره محدوده ومعروفه لا تزيد عن 15 - 20 وجهه
والوافدين بحد أقصى 15 وجهه
الكويتيه لازالت بعيده جداً عن جذب ركاب ترانزيت من الدول الأوروبيه وأستراليا وشرق آسيا وأمريكا في ضل سوء المطار الحالي وعدم الاستقرار على موضوع المطار الجديد الي لغاية الآن مو عارفين وين يبنونه !
فمن وين بتييب ركاب حق الـ 80 وجهه ؟؟!!
خلاصة الكلام أن التوسع بالأسطول والوجهات يجب أن يكون بعد الاستقرار على موضوع المطار الجديد