[bandar]

مرحبـا وسهـلاا اخـوي العميــد .أنا فخدمتك بالاشياء اللي اعرفهـا وبإذن الله ما بقصـر ..

متطلبات التأشيـره هي ثابته او محدده ف جميع الاقطار وهي كالتالي :
تراسل الاكاديميه وترسلهم مبلغ معين للتسجيل عندهم وهم بدورهم بيرسلون لك رساله قبول لديهم وانت تعطيها السفاره النقطه الثانيه تعطيهم كشف حساب عن رصيدك ف البنك هل المبلغ اللي عندك يكفي دراستك ومعيشتك هناك ولا لا بالاضافه للفحص الطبي اللي تجريه في بلدك يساهم بقدر كبير في أخذ التاشيره المقابله يجيك واحد من عندهم وعادي يسألك اسئله مثلا شو هدفك من زياره الولايات المتحده قصده يعرف مبتغاك من الرحله مش لتقييم لغتك لانك لو ماتعرف انجليزي بيكون في مترجم عندهم اوريدي ليش هالتخصص بالتحديد اخترته ومن هالكلام الامور طيبه لا تخاف بالاضافه انك تجيب لهم براءه ذمـه ان ماعليك اي احكام او قضايا(ملفك ابيض) .. هالامور كلها مطلوبه عشان تاخذ التأشيره ..بعدما تاخذها ذيك الساعه نسق مع الاكاديميه عن موعد وصولك .
بدايه الدراسه بيسوون لك اختبار تحديد مستوى في اللغه ان شافوا نتيجتك جيده بيدخلونك دايركت على مصطلحات الطيران (Termionology ) بعدما تخلص هالقسم بتدخل بعدين على القراوند اسكول اللي هي دراسه كتاب الجبسون الخاص بالبي بي إل قد يخلونك اطير مع الدراسه او يخلون الطيران الى ما بعد انتهاءك من هذا الكتاب .بعدما تجمع العدد المحدد من الساعات للبي بي إل تمتحن في سلطه الطيران (written +oral) اعتقد لازم تجيب اقل شي 70% في امتحانك عشان تستخرج الرخصه ونفس الشي بالنسبه للكميرشال والآي آر لكن الاآي آر لازم تركز فيه اكثر لان الطيران كله يعتمد عليه .
وقبل ما تقدم لشركات الطيران تحول الرخصه حقك للرخصه المحليه لنفس البلد بأداء امتحان كتابي في هيئه او سلطه الطيران المدني وبعدين تروح تقدم ف الشركات الرخصه واللوق بوك.وهم بدورهم يجرون لك اختبارات لغه وشخصيه ونفسيه واجتماعيه وذهنيه هذيلا اخر اربع اختبارات المهمه عندهم واللي الكثير يرسبون فيهـا .
أتمنى ان الصوره واضحه الحين ,واذا في اي استفسار انا حاضر وبالخدمه .
اخـوك بندر ..