انا اعتقد حاليا مفيش اعلانات طلب لضيافه بسبب الحاله العامه للسياحه في مصر وعدد الرحلات اقل من الاول بكتير لكن من الافضل ان الي يقدر يقدم يقدم ويسيب السي في في الاداره وهم لما بيحتاجو بيكلموا البنات الي قدمت ويبدأو في الانترفيو ..انا مش متأكده محتاجين ولا لأ خاصة ان بعد ما بقينا مثبتين مش بعقود زي زمان في بنات كتير بتاخد اجازات بدون مرتب وده ممكن يخليهم يحتاجوا بنات تاني بعد فتره
المكان هو المبنى الاداري لمصر للطيران المبنى الجنوبي ادارة اكسبريس
المبنى الاداري ده ورا محطة البنزين الي قبل فنادق novotel و le passsage
الشركه بتشغل بنات فقط مفيش مضيفين ولاد فيها خالص هي سياسة الشركه ان كلها بنات
بالنسبه للشروط متختلفش عن مصر للطيران للخطوط ولكن مش بتعتمد على الوساطه بالشكل المبالغ فيه زي الخطوط الموضوع في واسطه طبعا زي اي حاجه في مصر لكن البنات المؤهلين بيتقبلوا عادي من غير واسطه
اتمنى اكون جاوبت على اسئلتكم كلها
سلام عليكم
طيب بما انك الحمد لله اشتغلتى فى اكسبريس ممكن تعرفينا ايه المزايا والعيوب فيها والراتب وعدد الساعات وبكام وكده والفرق بينها وبين مرتب مصر للطيران نفسها وكل سنه وانتم طيبين :)