معليش لكن كلامكم مو مقنع .. يعني اذا السيارات الخليجية في مطار الدمام معناته انه الخطوط عندهم غالية !!
طيب ليش مانقول مافيه رحلات ؟؟
وبالعكس كثير من السعوديين او الاجانب في الدمام يطلعون من مطار البحرين ..
وبعدين انا جبت مثال واقع رحلة من تبوك للدمام مقارب جدا لرحلة من تبوك لدبي على فلاي دبي رغم بعد المسافة ..
وبعدين رجاء خذوا الموضوع من جهه كلام مسؤول الخطوط يقول ان باكستان والهند الرحلات الداخلية فيها اغلى من رحلاتنا بكثير .. وهذا مايدخل العقل ..
اذا دول مثل اندونسيا وماليزيا مشهورة في السياحة الرحلات الداخلية فيهم جدا رخيصة كيف الهند وباكستان الي ماعندك أحد !!
والله اخي رايك وله احترامه،
ولكن خذ باعتبارك ان الضغط على الرحلات الداخليه اكثر بكثير من الرحلات الي بين دول الخليج والسعودية، وامكانيه ايجاد مقعد على الرحلات الداخليه في الخطوط المهمه اصعب بكثير من ايجاده على رحلات تاتي من الكويت او دبي...وبالتالي الاعتقاد بان راكب خليجي يسافر عن طريق الدمام لعدم وجود مقعد شاغر من بلده هي خارج الحسبان.
كلامك خلاني اسوي دراسه على قدي قبل شوي
في كل من الهند واندونيسيا وباكستان
لدراسه اسعارها
وذلك على فترتين (7-14 يونيو) و (1-8 سبتمبر)
بين كل من:
بومبي-دلهي (الهند)- الخطوط الهنديه، طيران جيت
كانت الاسعار على الخطوط الهنديه في سبتمبر ب 570 ريال
كانت الاسعار على الخطوط الهنديه في يونيو ب 1120ريال
كانت الاسعار على طيران جيت في يونيو ب 644 ريال
كانت الاسعار على طيران جيت في سبتمبر ب 1108 ريال
جاكرتا-بالي(اندونيسيا)-الجارودا
كانت الاسعار على الجارودا في يونيو ب 857 ريال
كانت الاسعار على الجارودا في سبتمبر ب 875 ريال (اغلى)
كاراتشي-اسلام اباد (باكستان)- طيران شاهين (موقع PIA متعطل)
كانت الاسعار على شاهين في يونيو ب 578 ريال
كانت الاسعار على شاهين في سبتمبر ب 578 ريال
يلاحظ من الاعلى ان ازواج المدن المذكوره في الدول الثلاث المسافه بينها تتراوح بين 850 كم الى 1100 كم وهي مسافه تقارب المسافه بين الرياض وجده
وجميع الاسعار في الاعلى هي اغلى (((دائما))) من سعر تذكره الرياض-جده والبالغ 560 ريال وهو سعر ثابت لايتغير.
وهذا يؤيد ماقاله مسؤولي الخطوط ويثبت كلامهم على الاقل بالنسبه لي شخصيا
الاسعا اعلى هي دقيقه حتى ال10:30 صباح اليوم وهي قابله للتغيير في اي لحظه
طبعا تم اختيار الناقلات الرسميه وتجنبت الشركات الاقتصاديه لاعطاء دراسه اكثر عداله