[قطب الورد]

اقتباس:     المشاركة الأصلية كتبت بواسطة MasterPilot  

عظيم يا قطب الورد ... أصبحت رائعة فعلا..

بالله خبرنا بالنتائج ...

بس خلي بالك من مركز الجاذبية ... أين موقعه بالضبط من مقدمة الجناح؟؟

أشوف أن المروحة كبيرة نسبيا ... كم مقاسها وكم مقاس المحرك والبطارية؟؟

أتمنى لك التوفيق من كل قلبي..

حيالله الاخ ماستر بايلوت

لي اسبوعين دخلت مرحلة البيات الشتوي هههههههههه

امزح بس زي ماذكرت سابقاً اني انتقلت لمنزل جديد وتخبر الزوار كل يوم او يومين جايين للبيت

ومافي مكان اشتغل فيه الا مجلس الرجال اللي هو مشغول الفتره الماضيه

بالاضافه الى نزلة برد وحراره قويه استمرت لاسبوع

==============

امس كملت شغلي ووزنت الاجزاء المتحركه وكل شي صار تمام

جربت المحرك كتشييك شبه نهائي وخليته شغال لفتره مع رفع الثروتل قليلا قليلاً الى ان وصل لأعلى سرعه اتأكد من الحراره ولله الحمد كل شي عال العال

طبعاً المروحه
APC style propeller 12x6-E

وهي الانسب مع بطاريه 4s 4000 mah بعد الاطلاع على الدسكشن الموجود بموقع الهوبي كنق الخاص بالموتور

NTM Prop Drive 35-48 Series 900KV / 815W

وعلشان اكون في السيف سايد اخذت بنصيحة اخوي ابو عبدالله للسبيد كنترول اخذت اعلى من المطلوب بقليل بدل 60 امبير اخذت 70 امبير

--------------

مركز الجاذبيه زي ماقلت حخليه اخر حاجه واعتقد بأني وصلت لمرحلة وزن الطائره الان

طبعاً انا كل فتره اشيك بسرعه على موقع الجاذبيه فين صار

اخر مره كان بعد بداية الجناح بـ 8.5 سم

مع العلم بأن طول الجناح واقعياً حدود 27سم

بمعنى اخر ان اخر مره كان مركز الجاذبيه 31% من مقدمة الجناح

من خلال خبرتك

ماهي حدود النسبه المقبوله لمركز الجاذبيه من مقدمة الجناح والنسبه الافضل ؟

دمت بود