[Fransa]

الاوبن داى open day :

دة يوم اساسى ف كل الشركات الغير مصرية الى بتطلب مضيفين من مصر زى السعودية والامارتس والقطرية او حتى البريطانية وهوة بيبقى يوم مفتوح لكل الناس تروح بالسى فى والصور تقدم ف الشركة وتحط السى فى بتاعها واللى يروح اليوم دة يخلى باله من كذا حاجة وهى :

اليوم دة بيبقا يوم معاينة يعنى يفضل انه يروح فورمال ولو مش عنده يروح بلبس شيك ما يبينش اى ديفوهات عنده من الاخر يبقا مظهره كويس

لازم يفهم ان اليوم دة احيانا كتير بيتوقف عليه مكالمة الشركة ليه من عدمه بناءا على تصرفاته هناك او طريقة لبسه او مشيته او لغته او كلامه لا تكون متصنع ولا مستهتر وممكن تتسال فيه سؤالين وانتا بتحط السى فى عن شغلك او عملك او هاتعمل ايه لو اتقبلت ف الشركة وانتا لسة مخلصتش دراسة او سنك توقع اى سؤال شخصى او ف عملك او حتى ليه عايز تبقا مضيف/ة وهانعرف الاجابات الصحيحة لكل الاسئلة دى ف البوستات اللى جاية ان شاء الله

الاسكرين داى screen day :

شبيه اوى او بمعنى تانى وجه تانى ليوم الاوبن داى مع فرق ان الشركة هى اللى بتتصل بيك تحدد معاك اليوم دة بناءا على الايميل اللى انتا بعته للشركة او ورقك اللى وصلها الفرق ان اليوم دة بيبقا فى ناس محددة هى اللى رايحة بناءا على طلب الشركة مش من نفسها وهاتعمل فيه نفس خطوات الوبن داى مع زيادة قياس الوزن والطول ف بعض الشركات


الاسيسمنت داى assesment day :

ودة مرحلة تتبع مرحلة النجاح ف يوم الاوبن داى او الاسكرين داى وبيعتبر اليوم الاخير لشركات كتير زى الامارتس والقطرية او السعودية وف اليوم دة بيتصلوا بالناس اللى نجحت ف الاسكرين داى وبيجوا يمروا ب كذا مرحلة حسب خطة الشركة لكن لا تخرج عن

اولا تقديم عن الشركة ف اول اليوم وعرض اسطولها وتاريخها ومميزاتها وليه انتا احسنت باختيار الشركة دى .. بعدها بتاخد رقم تحطه على صدرك ودة الرقم اللى بيتحط عليه درجات .. بعدها بتعمل حاجة اسمها سيركل ديسكشن circle discussion وفيها بينقسم المتقدمين لمجموعات من خمس او عشر افراد حسب العدد الموجود وبيحطولكو موضوع تتكلموا فيه او موقف ترتبوه او تشوفوله حل على الطيارة وبيسيبوكوا مدة للنقاش حوالى 15 دقيقة خلى بالك :

ال15 دقيقة دول معدودة عليك حركاتك والبادى لانجوتش بتاعتك وهانحط ف بوست تانى ان شاء الله ازاى تتحكم فيها لانها ال80% من نسبة نجاحك ف شركات الطيران وهى اللى بتاخد الاسكور الاعلى .. علو الصوت من عدمه مشاركتك مع اصحابك وعدم انفرادك بالقيادة او القرار

طريقة قعدتك مصلوبة وجادة ولا مترهلة متحاولش ابدا تغلط وجهة نظر اى حد او تعترض عليها هتلاقى الناس واقفة بتتفرج وبس ودة معناه ان درجاتك بتتحط
متحاولش باى طريقة من الطرق الاستعراض سواء بلغتك او لبقتك او صوتك او حركاتك او انك تلفت النظر اليك .. درجة صوتك تكون مسموعة لكن مش عالية قعدتك جادة وحذار من حطة الرجل على رجل ف اى وقت من ساعة ما تدخل لمكان المقابلة
خلى بالك متحاولش تبص للمقيمين اللى واقفين ولا تتلفت عليهم ولا تاخد اى حديث جانبى مع اللى جنبك خارج الموضوع او تضحك بصوت عالى
خليك دائم الابتسام لكن من غير تصنع