[Cpt.Ahmad]

السلام عليكم ,

اسعد الله اوقاتكم كباتن بكل خير ..اسمحلولي بس احكي كم نقطه ببالي :

بصراحه انا كتير مستغرب من مدى الجديه يلي عم ينطرح فيها الموضوع !! وعلى حد علمي انو مافيه ولا شخص من يلي مشاركين وعم يحكوا معاهم رخصة طيران وحده ولا حتى ال ppl !!!

انا نفسي افهم بس مين فيكم قدم وخلص وارتفض ؟ او ماوجد شغل ؟ كم ساعه عنده من ال 200 ساعه بس ؟؟ مابدي احكي من ال 1500 !!

ترا ياشباب لحتى نوصل للكلام يلي عم تحكوا عليه وعم تتشاؤموا وتنصدموا بلواقع بيحتاج شغل كتير كتيررر ودراسه وصبر وتعب ومتابعه وطيران ودراسه نظريه على مدى سنه ونص !!

انا مابطلب منكم تهملوا موضوع العمل وماتفكروا فيه بس بنفس الوقت ماينطرح بهلجديه بحيث انا حاسس انو الكل معاه frozen atp وصرلوا قاعد سنين وماعم بلاقي عمل !!

مره اول مافكرت بعالم الطيران وبلشت طير على السموليتر سالت كابتن طيار عنده الاف الساعات قلتلو كابتن صح صعب انو الواحد يلاقي عمل كطيار ؟؟ قام قلي وبكل بساطه سؤالك غلط ومابينطرح هلا ! انت معاك ال ppl لحتى قاعد عم تفكر بلعمل على الايرباص !

طبعا يلي بدو يسال عن العمل ويحطه هو الاساس بدراسه الطيران ويحدد انو يدرس او لا من البدايه فهاد دليل فشل مع احترامي وقلة نظر وعدم الايمان برب العالمين وبموضوع الارزاق ... وبنصحوا من البدايه انو لايدخل عالم الطيران لانو مو ناقص الطيران ..

الخطوط الوطنيه بكل العالم اول ملاذ للطيارين المتخرجين حديثا بحيث بتطلب اجتياز اختبارات نظريه وبتقبلو الطيار المتخرج حديث ولو ماعندها شواغر فيه قائمه انتظار بكل خطوط ..

انا براي كل شخص بلطيران حاله خاصه ورزقه من عند رب العالمين وكل شخص عنده وضع مختلف ومن جنسية مختلفه عن التانيه ..

ياشباب نصيحه مشان ماتتعبوا بحياتهم بلبدايه خود قرار الدراسه وخطوه بخطوه لاتفكر اول ماتطير ساعه تقعد تدور بمواقع خطوط الطيران شو طالبين طيارين ؟؟

ال line training اكبر غلط اكبر غلط اكبر غلط حتى التفكير فيه لانو متى ماطيار ساوا هلحركه رح تستهل خطوط الطيران هلموضوع ويصير عاده .. متى ماطيار راح بلرخيص معناتها صارت عاده على الكل .. وبحب احكيلكم كمان انو انا بعرف مساعد طيار عنده 8000 ساعه على 320 وبلازمه العالميه فلست شركة الطيران ولحد الان مانو ملاقي عمل ..

فلا تنجروا ورا هيك عروض ابداا ولاتساوها لانو عم تضروا نفسكم وتضروا كل شخص بدو يشتغل بلطيران !!

ومره تانيه انا مابحكي الشغل بمجال الطيران مافي اسهل منو ابدا بلعكس بس يلي بحكيه كل شخص حاله خاصه وممكن وقت يخلص يلاقي الف طريقه للشغل ..

بلاخير ومره تانيه انا مابطلب منكم تهملوا المستقبل على الاخر ولاتحكوا بلموضوع عاساس انو الكل ناجح بامتحان ال atp ومخلص دراسه وهلا لو طلبوا الخطوط رح يشتغل هادا اكبر غلط .. قسم خطواتك واتوكل على الله خود بلاسباب وتابع بحلمك ..

ومابس بلطيران انتو عم تساوا كانو طالب في سنه اولى طب وعم بدور وين بدو يشتغل وباي مستشفى ووين يفتح العياده تبعو !!

واسمحلي كابتن اسلام (عبد السلام ) انا حاسك عم تحكي عن الموضوع والواقع والاحلام الورديه والدنيا والاخره كانك مخلص وصرلك عاطل عن العمل سنين ومتعذب مع الخطوط الجويه وانت لسا طالب بلطيران ولو طلبوك هلا للعمل ماحتقدر تشتغل لانك لسا طالب وانا طالب واغلبنا هون طلاب واي شخص صاحب خبره بعالم الطيران رح يقلنا انتو متخرجين لتحكوا عن موضوع العمل بهلجديه هاي..انت اخي ومن واجبي انصحك تفكيرك بلموضوع غلط ورح يسبلك التعب والاحباط فقط ورح يدمرك ومايشعرك بحلاوه الطيران ابدا !

والله اعلم .. سامحوني شباب بس كلامكم ابدا مانو منطقي وكتير كتير بكير عليه .. اتمنى من الله التوفيق للجميع .