[صقر البقمي]

السلام عليكم ورحمة الله وبركاته هذي اول مره لي اشارك بالمنتدى وحبيت افيدكم
انا من المقبولين في الابتعاث ولله الحمد اخذت الاي توني الاربعاء الماضي من الاستاذ عبدالعزيز قواص ويوم الخميس سجلت موعد في السفاره عن طريق (استديو السفارات مقابل السفاره الامريكيه بجده) وكان موعدي في نص شهر ثمانيه بالعربي لكن سويت موعد طارئ <<( ويخلونك تختار 3 مواعيد مناسبه لك وتكتب سبب الطوارئ وهم بعدين يشوفون العذر وممكن يقبلونه وممكن لا لكن الاغلب انهم يقبلون وهم يختارون عاد اليوم المناسب لهم من اللي انت حددتها ) انا عذري كان ان موعد السفاره في نص شهر ثمانيه وان الفيزا تاخذ وقت وممكن اتاخر عن دراستي وردوا علي يوم الاحد قبل ثلاث ايام ووافقوا على طلبي وخلوني يوم الاثنين الماضي المهم رحت السفاره وانا خايف من كلام الناس اللي يقولون يدققون وياخذون وقت وهذا كله كلام فااااااضي بعد ما سلمت اوراقي ناداني واحد امريكي رحت له وهو طبعا مثل طريقة البنك بينك وبينه قزاز وانا ولله الحمد ما كنت ادري انها المقابله احسبها مراجعه للاوراق والا كان ارتبكت على العموم قالي ليه بتروح امريكا قلت دراسه قال عطني كشف الدرجات الثانوي عطيته الكشف طالع فيه وبعدين قالي الف مبروك بكره تطلع فيزتك روح سدد الرسوم لفيدكس طبعا في نفس الصاله حقت المقابله سددت الرسوم وانا ماني مصدق ان هذي هي المقابله وطلعت واليوم الاربعاء ولله الحمد استلمت الفيزا من فيدكس يعني ما اخذت مني الفيزا حتى يوم واحد اتمنى منكم تستفيدوا من الوقت وتسووا موعد طارئ
واتمنى من اللي رايحين لاوكلاهوما يرسلولي على الخاص لاني انا رايح لها ومعليش على الاطاله