[محمد عز الدين]

بسم الله الرحمن الرحيم والصلاة والسلام على سيدنا محمد عبده الله ونبيه ورسوله اخوانى انا مصرى خريج سياحة وفنادق ونفسى اشتغل مضيف جوى بس سمعت من ناس كتير ان صعب جدا جدا انى اشتغل مضيف فايه مدى صحة الكلام دى وهل فعلا لو درست ضيافة وبقيت كويس فى اللغة الانجليزية برضو صعب جدا انى اشتغل مضيف وهل هم فعلا مش بيطلبوا مضيفين رجالة والاكثر بيطلبوا مضيفات بنات وبالنسبة للرواتب هل المضيفيين بيقبضوا رواتب مجزية ولا فعلا زى ما شخص كان مسافر السعودية للعمرة قالى لقيتهم المضيفيين يعنى بيبيعوا عطور وكدة لانهم مش بياخدوا فلوس كتير معلش انا اسف فى التعبيرات بس انا حابب اقول كل اللى عندى عشان اعرف الاجابة الصحيحة من حضراتكم يعنى هل الرواتب بتاعت المضيفيين كبيرة ولا مش اوى وهل هى وظيفة ثابتة ولا ممكن بعد سنة يمشونى زى برضو ما واحد قالى وممكن فى مصر هنا اشتغل فى شركة مصر للطيران مضيف جوى وايه معدل الرواتب بتاعت المضيف على خطوط الطيران المصرية يعنى اهم سؤالين هل لو درست ضيافة جوية وبقيت كويس فى الانجليزى حشتغل مضيف ولا الموضوع صعب ومش حلاقى شغل وابقى صرفت فلوس على الفاضى السؤال التانى هل المضيفيين مرتباتهم كبيرة وجزية ولا لا ارجو من حضراتكم الرد لانى بجد عمال اقنع فى اهلى انى عايز ابقى مضيف وهم رافضين لانهم سمعوا من ناس كتير انى مش حينفع اشتغل مضيف والموضوع صعب جدا ومستحيل وان المضيف مرتبه قليل جدا وانها وظيفة مش ثابتة ومش مضمونة وممكن يمشونى فى اى لحظة فانا زهقت من كل الناس اللى عمالة تتكلم وتقول الكلام دى فحبيت اخد الكلام من مصدر ثقة زى حضرتكوا واخد المعلومات الصحيحة من حضراتكوا واتمنى الرد على اسألتى واسف على التطويل والازعاج وشكرا