السلام عليكم ورحمة الله وبركاته
اخواني الغالين تكفى بغيت حلولكم في مشكلة الطائره ..
اولا احب اعطيكم كل شي بالتفصيل والله لاني تعبت كثييير جدا (باختصار اتحبطت كثييير جدا ) :
انتهيت من بناء الطائره الابتدائيه المعروفه بلو بايبي والمعروفه بسهولة بنائها قبل اسبوع ,
اول شي الطيران الاول وبين المشاكل كالاتي :
1-الايرلون ضعيف مناسبةً بحجم الطائره .
2- زاوية المحرك مرتفعه قليلا.
3-اللاندنق غير مدعم.
وهذا فيديو للطيران :
معليش ما صورنا النهايه :) والوضوح مشي حالك ..
مبين في الثانيه 13 ان الطائره بدات ترتفع جدا بنفسها وهذي مشكله اخرى , اظن انها من الـ Airfoil تبع الجناح لمن هبطتها اتهبطت بعيد عني وبالصدفه على الحجر :) :) فانكسر اللاندنق واتهشم الفلين حوله ...
بعد هذا الطيران الاول قمت بتعديل الحلول ,, وهي كالاتي :
1- قمت بزيادة طول الايرلون (اقصد نفس الفلينه كبرتها شوي 1.5 سم ).
2- وضح ان المحرك مرتفع شوي كم درجه فعدلت المحرك ونزلته شوي الى ان اصبح متوازي مع مستوى الارض .
3- قمت بالغاء الفلين تبع اللاندنق ووضعت خشب بالسا ,, ووضعت بجانبه فايبر قلاس للتدعيم ...
4- قمت بصنفرة الـ airfoil تبع الجناح قليلا ..
هذا الي سويته بالملي ومع الاسف ما نفع , هل هذا يعني اني ابغالي ازيد طول الايرلون ؟؟؟
قمت بتطييرها اليوم ولكن مع الاسف , اقلعت مع شتل (لفت) قوي الى اليسار فطاحت على جمبها الايسر واتكسرت الطائره بالنصف (من الفلين الي بعد الفايبر )والمروحه ايضا .. مو عارف وش الهرجه .. ليش بتشتل ؟؟ الوزن والسي جي ممتاز ... والجناح وضع بانتظام .. والمشكله الثانيه ان السيرفو ما يتحرك كثير و انما قليل جدا لكن ما اتوقع انه يؤدي الى شتل الطائرة .
هل عندكم حل يالغالين ؟ ...
تكفى شباب , لي الان اكثر من 20 طائره سويتها وصبرت فيها كثيييير ودفعت فيها مبالغ , حوالي 3000 ريال والله كلها اتهشمت , منها الارسال 2 والباقي كلها اخطاء ما ادري ايش هيا ...
اذا عندكم اقتراح او اي شئ تكفى خبروني ,, تراني و الله محبط بالحيل و احتاج مساعدتكم و الله تعبت و خلاص صبري نفذ
لكم مني جزيل الشكر و الامتنان ...
ااسف جدا جدا على الاطاله ...
اتنمى لكم التوفيق والنجاح