[QUOTE=panther;1110327]
موضوع جميل جدا
حصل لي موقف صراحة مدري وش يبي
طالع مرة درجة اولى اللي صارت بزنس الحين على الخطوط السعودية
ولابس ومتكشخ بروح زواج مو مسافر انا
المهم جالس وفيه واحد على الشباك اللي في الجهة المقابلة نفس حالتي متكشخ ومايقص راسه الف سيف طبعا انا من الناس اللي استمتع بالمطبات الهوائية مدري ليه
عموما وقت الاقلاع بدا الرجال يتنرفز ويخاف وانا بديت اتشمت بيني وبين نفسي
اقلعنا واكلنا كم مطب من العيار الثقيل وعيني ماطاحت من الرجال عرق وبدا يتنافض وقفلت الدنيا بوجهه وطاح عقاله وانا مستمتع بتعابير وجهه الرحلة بالنهار وغيوم وانا مطنش كل شئ واناظر الرجال وداخلي يتشمت فيه
هدت الرحلة شوي واستقر وضع الطائرة وقاموا المضيفين يقدمون السيرفس قلت انا ابي كوفي بس لاني اقدر الكوفي حق الخطوط
تفضلت المضيفه وتكرمت علي بكوب كوفي وهي جاية مدري هل هو مطب او هي تعثرت المهم كوب الكوفي حضر في حضني
وقتها مدري اتبسم كان الموضوع عادي والا اجر المضيفه مع شعرها واقفل على راسها باب الحمام والا وش المشكلة ثوب جديد والكوفي حار لعب فيني
بالصدفة طاحت عيني على عين الرجال اللي كنت اتشمت فيه وسبحان الله نفس نظرات الشماته والضحك الداخلي كانت مبينه في وجهه علي
طبعا نزلت من الطيارة والشباب يستقبلوني وخذ لك انواع التريقه اللي يقول عملها على نفسه واللي يقول صكته المظيفه بالكوفي على عينه وووو
عموما لا تتشمتون فيحصل لكم ماحصلي
تحياتي واعتذر على الاطاله[/QU#
ههههههههههههههه اللهم لاشماته (الجزاء من جنس العمل)
لوووول
موقف الصراحه محرج لانه الللله ما يرضا
مشكور