[تفـارق]

ثانياً : وش سويت من أول ما بدا اليوم؟؟؟

اول شي مشيت انا الساعه 6 الا ربع .. على موتر الشايب
كنت مهدي ، امشي 120 عشاان ساهر .. بس لا تخاف بعد الدرعيه مافيه شي .. لا ساهر ولا تفتيش ..
ولو تلزق على اللوحه يكون افضل :)

انت امسك خط الدرعيه ، وتعد الدررعيه .. وخلك ماشي

من يوم ما تطلع من الرياض بالضبط 25 كيلو تجيك الكليه على اليسار ..

خلها وتعدهاا .. كمل تقريبا 5 كيلو .. مانيب متأكد والله
بس بتجيك محطه ع اليمين ، وبتشوف ززززحمه سيارات ..
امه خلق الله موقفه على جمب ، وبين الخطين ..
تلقى التقديم يساار ..
تشوف الناس ماسكين سرا

انت خلك مع اللي ملفاتهم زرق ..
طبعا الملف ازرق شفاف ،

وتقعد تنتظر الين يدخلونك داخل في الغرفه ..
طبعا الانتظار ، للإسف .. انا يوم جيت كانوا الكليه الجويه توهم داخلين ..
قالوا امسك سرا من جديد ..
قعدت ساعه ونص او اكثر بعد

المهم يدخلونكم يصفونكم على كراسي
ومكيفات وبراد وكل شي هههههههههه


يعطونك كرت اصفرر تكتب فيه اسمك ورقم الطلب وتدبس صورتك عليه ..
طبعا لازم يصير معك صورتين برى غير اللي في الملف


اذا خلصت الكرت ، وكتبت بياناتك
تسلم الملف ..
وتنتظر الين ينادونك ..

اذا ملفك ناقص ،
قالوا لك امسك الباب وارجع بكره .. او اليوم
بس طبعا ترجع بواسطه .. يصيرون معطينك الكرت تدخل علطول ويخلصونك ..

واذا عندك فراغات ناقصه يقولون لك بس ، كملها .. ويختمون لك
ويعطونك موعد اليوم الثاني ،

الموعد قدام اسواق الشعله بالرياض ..
فحص ومقابله شخصيه ..


انا موعدي بعد شوي الساعه 6 الصبااًح ..





ووين مكان التقديم بالضبط ؟؟؟
لأن تسجيلي بكرة وأبي إستفسارات

اذا انت جاي من الجنوب .. خلك مع الدايري الجديد .. رايح شمال
اول ما يخلص الدايري الجديد .. تجيك لوحه ( صلبوخ - الدرعيه - الجبيله )
اطلع معهااً ..
وخلك مع الدرعيه ..

تمسك خط 4 اسياد ، فاااااااضي ..
اممممممممش سيدا ، بعد 25 كيلو ، تجيك لوحه ، ومخرج ( كليه الملك عبدالعزيز الحربيه - كليه القياده والاركان )

تعدها تقريبا 5 كيلو

تلقى محطه يمينك ، ويسارك بوابه كبيره ..
والناس موقفه على الطريق وقلق ..

يسارك التقديم

حاول توقف بعيد ، شوي .. عشان محد يسد عليك




وهل صحيح لازم أروح من 3 الفجر ولا الساعة 6 قبل دوامهم؟

دوامهم من الساعه 6 الى الساعه 2 ..

بس اذا تأخرت عن 12 لا تروح ، لانه يمكن ما تدخل ..



وش اللبس اللي لبستة هل هو رسمي ولا بدله رياضيه ؟؟

لالا رسمي ، شماغ وثوب ..
وحتى المقابله شماغ وثوب ،
والاختبارات شماغ وثوب ..

بس اختبار اللياقه اللي تلبس بدله