مع احترامي الشديد لك اخوي وللاخوة القطريين
بن همام لو بيدة يضر الكويت اكثر من لا ينفعها والدلائل كثيرة
هو من رفض دخول فهد العنزي ومحمد راشد بسبب البطاقة المدنية اللي اول مرة تطلب من اللاعبين
وبعد تدخل عيال الشهيد بالموضوع تم دخول اللاعبين مع الفريق
بن همام مالة اي فضل ع الكويت
هذي نقطة تسجل لصالح بن همام فكيف تظهرها بصورة سيئة !!
حنا وين عايشين عشان يسجل بالبطاقة المدنية !!
أولاً بالعكس بن همام كان مطبق النظام بحذافيره
ثانياً عدم السماح لفهد العنزي واللاعب الثاني كان فاتحة خير عليهم وأنا أجزم إن اللاعبين المذكورين
يدعون لإبن همام بالخير في الخفاء لأنه رفض ، مما ترتب عليه حصولهم على الجنسية الكويتية بعدما كانوا بدون .
وعيال الشهيد ماتدخلوا ولاهم يحزنون طال عمرك ، فقط اضطروا إنهم يمنحونهم الجنسية الكويتية نكاية لرفض بن همام لهم ، واللاعبين هم اللي استفادوا من هالشوشرة بين بن همام وعيال الشهيد .
وهذا اللي خلاني أقول لك تسلط وعنجهية ضد الشعب ناهيك عن المهازل اللي قاعدة تصير بالإتحاد الكويتي
وأضراره اللي لحقت على الدوري الكويتي وإماتته .
ارجو انك تختار الفاظ مناسبة لمقام الاسماء اللي ذكرتها عند الانتقاد
ترى الشيوخ احمد الفهد وطلال الفهد من الاسرة الحاكمة بالكويت وكل الشعب يعرفهم ويثق فيهم
ومانرضى ع اي واحد يغلط عليهم
ترى عنجهية الشيوخ ومكابرها ع شعوبها مهي عندنا
اتحداك تقدر تقول الكلام اللي قلته عن الشيخ احمد الفهد باي شيخ قطري يملك المناصب اللي يملكها الشيخ احمد بالكويت
ياخوي حمد لا تنفعل بارك الله فيك
أنا ما سبيت الشيخ أحمد ولا طلال وإنما اضطريت أذكر لك حقائق عن طريق كلمة عنجهية
و كلمة تسلّط لأن هذا فعلاً هو الحاصل أمام العيان . وأرجو ألا تنظر للموضوع بعاطفة وإنهم شيوخكم
ومن هالقبيل أو أنهم أنبياء لا يجوز المساس بهم ، لا تنسى إن أبناء الشهيد امتهنوا لعبة شعبية وهم في واجهة المدح والانتقاد ، أما بخصوص لو فيه شيخ قطري يسوي نفس طلال الفهد فيكفي إنك قلت كلمة (( لو )) وهذا يكفي ، لأن هالأساليب مع الأسف ماشفناها في الخليج بأكمله إلا في عيال الشهيد .
ياخوي في فرق كبير بين بن همام وعيال الشهيد
عيال الشهيد معرفين شيوخ عيال شيوخ واجدادهم حكام
يقدرون ويحترمون ويفزعون لكن بن همام منو؟؟؟
توك تقول لا تغلط ومن هالكلام بارك الله فيك !
الرسول (ص) قال : لا فرق بين عربي ولا أعجمي إلا بالتقوى .
وإذا قارنت بالأفعال لا بالنسب فسترى أن المعادلة تطلع صعبة عليك
لأن مع احترامي لا الشيخ أحمد ولا الشيخ طلال قدّموا لبلادهم نفس اللي قدّمه بن همام لبلده أو قدّمه آسيوياً ، أمانة ً ياخوي حمد لا يوجد أي مقارنة عادلة بين الطرفين .
أتمنى ياخوي حمد ماتنظر للموضوع بمنظور رد علي وأرد عليك أو كل واحد يدافع عن ابن بلده
وأنا أعلم تمام العلم أن الحقيقة مره على الكبد ولا يتقبلها الشخص إلا إذا كان عاقل
وأنت ياخوي حمد عاقل و رزين
عذراً على الإطاله طال عمرك