[dahab]

لازق في الشبااااااااك طول الرحلة ! شعور لا يوصف، قمة في المتعة، مش بخاف من المطبات الهوائية لأن كل شيء بأمر الله عزوجل، انا بتمنى ان الطيارة تفضل في السماء على طول طول الرحلة
قبل السفر مش بنام بعد أحلم بالطيارة وبصوت المحرك والأجنحة والفلابس، وطبعاً شرطي الأساسي إني أعد جمب الشباك، ولما بنحجز بقول للموظف يا إما أعد جمب الشباك يا إما مش مسافر، الموظف بيقولي انت بتهددني يا فندم ؟! ههههع

آخر رحلة لي كانت من الكويت إلى القاهرة على متن الخطوط الجوية الكويتية كانت روعة بصراحة يا جدعان وعلى فكرة دخلت الكوك بيت مع والدي وكان المنظر روعة أبيض مافيش حاجة ههههههه وفي نفس الوقت مخيف بعض الشيء في داخل الكوكبيت، أما الأزرار كتير جدا مش عارف دول حافظوها إزاي ده انا يادوب بحفظ أزرار الغسالة فول أوتوماتيك بالعافية هههع.

اه صحيح كان آعد جمبي اتنين صعايدة وإحنا طايرين في الجو، سمعت واحد فيهم بيقول للتاني شوف شوف يا ولد العم الأرض كلها ثلج، اللي جمبع قاله ديه السحب يا غبي هههههع
مع تمنياتي لكم بقضاء أسعد وأمتع الأوقات في رحلات الطيران، وبجد مبسوط جدا اني أشارك معكم في المنتدى الكريم ومبسوط أكتر اني لاقيت هاويين عالم الطيران هنا.