السلام عليكم ورحمة الله وبركاته ..
باختصار شديد إخواني أنا مخلص البرايفيت من الفلبين مدرسة أومني وأنا الآن بختبر الإختبارات التسعة في الهيئة الطيران الفلبيني .
أنا درست البرايفت في أومني والصراحة المدرسة
كانت مدرسة حلوة ونظامها حلو وتدربك صح رغم سعرها الغالي
بس الآن انا ما أنصح ولا طالب يروح لها لعدة أسباب بذكرها بإختصار :
1 السعر لكل رخصة غالي وعدد ساعاتهم قليلة وغير كدا سعر الرخصة مو ثابت يعني بيخلوك تطير ساعات زيادة وهيك بتدفع زيادة
2 الطيارات أقدم طيارات بشوفها بحياتي لو رحت للصومال أشوف طيارات أجدد و غير هيك سعر الساعة على السيسنا 152 التعبانة الكحيانة 140 دولار تقريبا ( 6 ألاف بيسو )
السيسنا 172 (10 الاف بيسو ) 230 دولار
3 اومني بالمرة ما عندها مسامحة بالفلوس يعني اذا غبت يوم من الايام عن الجراوند سكول بيحسبو عليك تشارج معين وحتى لو عملت جدول على طيارة معين بكرة الصباح حاجزها وما طرت يحسبو عليك كمان تشارج
4 من قريب سمعت من صاحبي انو راح المدرسة عنده رحلة تخيلو يا شباب صاحبي راح يشرب موية من المكتب في عندهم براد موية للموظفين راح المسكين بعد الرحلة عطشان بيشرب من البراد قالو له روح اشتري من الكفتيريا الخاصة بالمدرسة
يعني شغل نصب على كيفكم
5 العنصرية موجودة بالمدرسة معاملة الاجنبي غير معاملة الفلبيني .
6 طريقة تدريس الجراوند سكول طريقة غبية لابعد الحدود . في 12 مادة للبرايفيت
كل يوم دوام من 9 الصباح الى 4 العصر طبعا في اوقات استراحة بس الفترة طويلة مرة انا على الساعة 12 او 2 بالكثير خلاص يقفل راسي ما استوعب شي . وغير هيك مو كل المدربين بالمدرسة بيفهم المواد كثير . يعني تلاقي مدرب بيدرس مادتين ولا ثلاثة والباقين اذا تساله فيهم بينحرج ويقول لك اسال المدرب يلي يدرسك المادة
7 الطالب الجديد لازم يدرس 5 مواد جراوند سكول ويختبر فيهم بالمدرسة على شان يقدر يكمل باقي المواد . يعني في حال اخدت 5 مواد وبكرة عند السادسة وبدك تداوم يقولو لك لا اختبر فيهم الخمس مواد وتنجح فيهم على شان تقدر تكمل دراسة .
( معليش أخدين مقلب بنفسهم اعذروهم ) يا جماعة الخير الرخصة فلبينية على ايش بتشوفو نفسكم يعني كدا انا طلعت من المدرسة مو فاهم اغلب المواد وبقعد انا وصاحبي منطلع دروس على النت ونحاول نفهم .
8 اكثر شي قاهرني فيهم الكافيتيريا عندهم في لها مطبخ بسيط بيعملو غدا للموظفين والطلاب يوم اكون جوعااااان مرة بدخل بشوف الاكل يا سلام يا سلام القائمة كالتالي :
1 سلطة مع لحم الخنزير
2 دجاج مع لحم الخنزير
3 خضار مشكلة مع لحم الخزير
4 خنزير مع لحم الخنزير سمك مقلي بزيت كانو مستعمل لقلي لحم الخنزير والسمكة كلها عضم
5 عندهم رز مسلوق الحمد لله من غير لحم خنزير وعندهم برجر وبيض مقلي .
على شان اكون صريح بس معاكم . طيب انتو فلبينين تاكلو الخنزير والزلط بس في عندكم طلاب مسلمين يعني قدروهم شوي واحترموهم على الاقل .
هذه معظم الاشياء يلي متذكرها ومقهور منهم فيها كتبتها ورح اخلي صاحبي يكتب كمان بعض الاشياء يلي انا ناسيها
احذركم شباب السعر غااالي ومن غير سكن ولا اكل ولا شرب وساعات قليلة .
انا رحت الفلبين من بعد محاولات يائسة من الحصول على فيزا اجنبية لدراسة الطيران في امريكا ولا كندا . ما باليد حيلة الفلبين فيزتها سهلة بس الحمد لله على كل شي .
بالتوفيق للجميع .
أبوبكر