مشكلة عدم ظهور الشاشه
 

السلام عليكم

عندي فلايت اكس ..على وندوز 7 .. ركبت المحاكي واشتغل مضبوط وسويت رحلات عليه.. لكن صارت مشكله في الصوت .. فحذفته وركبته مر ثانيه واشتغل معاي تمام..
ثاني يوم لقيت مشكله غريبه جدا جدا.. ظهور شاشه سوداء ..يعني اذا بديت الرحله مايظهر لي شيء مجرد شاشه سوداء .. بعض الاحيان تظهر الصوره طبيعي وبعض الاحيان ماتظهر..

ايش المشكله برأيكم .. ( ارفقت صورتين توضح المشكله )

7
7
7
هذي الصوره اثناء بداية الرحله داخل الcockpit

https://air.flyingway.com/up/jan/6aca54e58b.jpg



https://air.flyingway.com/up/jan/04a8b5f200.jpg

رد: مشكلة عدم ظهور الشاشه
 

انا نفس نظام التشغيل . ولم تواجهني ما واجهت .؟

ربما يكون البرنامج ثقيل على الجهاز او نظام التشغيل

تحياتي

رد: مشكلة عدم ظهور الشاشه
 

لا اخوي.. المحاكي كان شغال ممتاز..

وجربته قبل على الفيستا ويعتبر اثقل معقد اكثر من الويندوز 7 ..

الجهاز عندي قوي ويتحمل المحاكي

رد: مشكلة عدم ظهور الشاشه
 

ايش الحل..ياشباب..

رد: مشكلة عدم ظهور الشاشه
 

رد: مشكلة عدم ظهور الشاشه
 

ازلت المحاكي وطلع فيه مشكله بالصوت

ازلته مره ثانيه وركبته طلعت لي مشكله ثانيه

رد: مشكلة عدم ظهور الشاشه
 

ياخي رجاءا مره ثانيه تكتب نوع جهازك ومواصفاته


لانه لو كرت الشاشه عندك nvidia اظن اني اعرف شنو الحل

رد: مشكلة عدم ظهور الشاشه
 

الجهاز لاب توب اتش بي .. HP Pavilion dv 2000
الرام : 4 غيغا .. البروسيسر انتل كور تو ديو 2.5
كرت الشاشه : نيفيديا جي فورس 8400 .. 128 ميغا .. لكن متصل بالمذر بورد.. يرفع كرت الشاشه قوته عن طريق الرام من 128 ميغا الى 1408 ميغا .

لاحد يقول كرت الشاشه ضعيف مايشغل المحاكي. هههههه. انا كنت اشتغل على المحاكي وكان جدا ممتاز .

نظام التشغيل للمعلوميه ويندوز 7 التميت

رد: مشكلة عدم ظهور الشاشه
 

ثواني let me figure whatsthe problem

وراجعلك

رد: مشكلة عدم ظهور الشاشه
 

اخ وتر القصيد جهازك ومواصفاته high top عاليه جدا واكثر من ممتازة على فكرة عندي كرت الشاشة 64 وشغال السيم تمام التمام الاداء للمحاكي يقدر بمستوى المعالج ويعتمد عليه بالمجمل
وعندي لك فكرة ممتازة مادام الاخ كويتي اي تي سي قالك ابساعدك يعني اتصل بجهازه عن الطريق الاتصال بكمبوتر عن بعد يخش على جهازك عن بعد بعد ماتسمح له ويشخص المشكلة احسن عشان يعرف السبب عن كثب لانه ممكن يكون المشكلة تعارض بالبرامج او نقص او او او غير كذا يعني قد لاتكون المشكلة محصورة بسبب معين او تخمين معين

رد: مشكلة عدم ظهور الشاشه
 

انا سويت شيء اعتقد انه المشكله...
طبعا المحاكي اكس اللي عندي شريته اصلي ماهو بكيجن..

لكن ركبت عليه ال فلايت اكسسويري على ما اظن اللي يجي معاه الطائرات الحربيه ..والسي دي بكيجن

هل ممكن يكون هو المشكله ..لأنه تعارض سي دي اصلي مع سي دي بكيجن

رد: مشكلة عدم ظهور الشاشه
 

والله اذا تسمح لنا ندش ونساعدك عن بعد يا اخ وتر القصيد يكون احسن لانه من اهني صعب وما اعرف شنو المشكله بالظبط

رد: مشكلة عدم ظهور الشاشه
 

بس اسمع قبل ماندخل بالحل هذا

جبر الشغله هذي



روح لايقونة فلايت سميليتر اكس


وبعدين كليك يمين


واضغط على properties


وبعدين في التاب حق الملاءمة compatibility tab


اضغط علىRun this program in compatibility mode for



واختار ويندوز فيستا او اكس بي


وشوف انحلت المشكلة او لا؟


على فكرة انا عندي windows 7 ultimate 32bit

وشغال تمام التمام على 2004 واكس وx-plane

رد: مشكلة عدم ظهور الشاشه
 

وبعدين انت لما تعلب المفروض تحط FULL SCREEN احسن لكرت الشاشه ويقلل من الضغط على الجهاز



اضغط ALT+ENTER

رد: مشكلة عدم ظهور الشاشه
 

سويت الحركه ومانفع اخترت ويندوز اكس بي سيرفر باك 1 و 2
وكمان فيستا 1 و 2 .. ومانفع

وانا العب full screen ..

فيه حل ياشباب . عشان موضوع التصليح عن بعد.. والله العظيم مو مسئلة عدم ثقه فيكم.. لكن الجهاز فيه اشياء خاصة

قولوا لي اذا ما عليكم امر وانا بنفذ

البرامج اللي مربكها مع المحاكي.. تحديث للاضافة اطائرات الحربيه << بكيجن..
وبرنامج اكس جرافيك محمله من الموقع هذا

رد: مشكلة عدم ظهور الشاشه
 

اوكي خلك معانا انا بدورلك حل ثاني بس حاليا بطلع وبليل برجع

رد: مشكلة عدم ظهور الشاشه
 

يعطيكم العافيه تعبتكم معاي

بانتظاركم

رد: مشكلة عدم ظهور الشاشه
 

ها وين وصل البحث عن الحل...؟؟؟

رد: مشكلة عدم ظهور الشاشه
 

الحل ان شاء الله راح تحصله
انت جرب تحدث تعريف كرت الشاشة وان شاء الله بيضبط معك

رد: مشكلة عدم ظهور الشاشه
 

اخ وتر القصيد نحن نحترم رغبتك في اخفاء خصوصياتك ولاكن انا اظن من كلامك انه الاكسيليريشن اصلي والسيدي الاساسي حق السيم مكيجن
ممكن هنا المشكله لانه الاهم هو المحاكي اما الاكسيليريشن فهو تحديث او اضافة وليس المحاكي نفسه تأكد من الكيجن ربما يكون هو المشكلة وحاول انك تحمل الكراكات حقت المحاكي من قسم الاضافات واحذف الاكسيليريت ثم احذف المحاكي ونصبه من جديد اللي هو السيدي المكيجن ولاكن لاتنسخ الكيجن حثه بل الكراك الذي حملته من المنتدى ثم انسخ كراك السيرفس باك 1 للاكس ثم تنصيب التحديث نفسه وكذالك كراك السيرفيس باك 2 للاكس ثم تنصيب التحديث نفسه علما انك اذا نصبت الاكسيليريشن فما في داعي لانك تنصب السيرفيس باك 2 للاكس ممكن المشكلة انه حصل تعارض بين الاكسيليرشن وتنصيب السيرفيس باك 2 سو اللي قلتلك عليه وانشاء الله خير يعني بعد عملية ازالة الاكسيليرشن والمحاكي اعد تنصيب المحاكي اولا ثم انسخ كراكه مو الكيجن اللي بالسيدي ثم انسخ كراك السيرفيس باك 1 للمحاكي ثم نصب التحديث 1 نفسه ثم نصب الاكسيليرشن
ولاتنصب السيرفيس باك تو اذا كنت منصب الاكسيليرشن

رد: مشكلة عدم ظهور الشاشه
 

يااخوان .. انحلت المشكله ولله الحمد..

انا من اول شاك في الاكسيليريشن ..لأنه سي بكيجن مو اصلي..
وسي دي المحاكي اصلي بسيرال نمبر حق المنتج من الشركه..

فشكله صار تعارض.. لأني حذفته ورجع المحاكي مثل اول وشغال وكل تمام والشاشه طلعت..

حتى مشكله الصوت حلتها.. لأنه كان صوت البرج مايطلع وصوت الطياره يختفي..

لقيت في الاختيارات خانه تخلي الصوت حق الجهاز يختفي بنسبة 80% اذا طلع اصوات كلام..

يعطيكم العافيه ماقصرتم .. انا عارف اني تعبتكم معاي.. لكن معليش اتحملونا .. هههههههههه

ماقصرتم