|
هام لكل الى يبغا يدرس الطيران والى متضرر من قرارات الخطوط
السلام عليكم ورحمة الله وبركاته
اول شي انا احب اعلق على عضو مجلس الاداره الاخ ماادري ايش اسمه ياحبيبي اول شي الدراسه في جده مو في رابغ يابو الشباب والسعر هوه 300000 ريال سعودي لا اكتر عشان انا سجلت وقاعد ادرس ولا تقعد تجيب شي من عندك تاني شي الدراسه في امريكا 80000 الف دولار يعني تقريبا شبه القيمه فرق بسيط تاني شي ياشباب الى يبغو يدرسو وخايفين من القرارات اقولهم اتوكوا على الله وادرسو ولا يهمكم خطوط سعوديه ولا غيرها ترا في احسن من الخطوط السعودية والى عندهم واسطه يقدرو يدخلو غصبا عن اي واحد في الخطوط انتة عارفين الخطوط السعوديه كلها واسطه في واسطه وانا واسطتي هيه ربي بس وانا من الطلاب الى نسبتي في الثانويه 75 % وكمان تخصصي اداري مو علمي وانا مو لحالى الى متضرر من الشي دا كمية طيارين كلهم متضررين وياشباب لاتتحطموا ولاتسمعوا كلام اي احد خلو عندكم هدف وروحوا اعملوه خلوه قدامكم وامكن لما تخلصو بيغيروا القرار ولا يعدلوه ولا يسير الف حلال لانو هما محتاجيلكم اكتر من انتم محتاجينهم وحتى اذا ماقبلتكم ياشباب نحنا طيارين في عشرمية شركة غيرها مااقول غير حسبي الله ونعم الوكيل قضاء الله وقدره وياشباب مدرسة رابغ عاملين عقد مع الخطوط السعوديه بس برضه انا افضلكم تدرسو بره عشان تفلو مع انه مدرسة رابغ رخصها من الحكومه نفسها عشان كدا غاليه اتوكلو على الله ياشباب والرزق بيد الله لاغير وان شاء الله كلنا رح ننقبل في الخطوط السعوديه وانا اذكركم بكلامي واي احد يبغا خدمه ولا سؤال انا موجود رجاء لاحد يتردد . وللاسف انا اشوف كل واحد قاعد يتكلم بس على القرارات الجديده ماحد راح وعمل ولا سوى ولا فعل حتى ادارة الموقع نفسها يعني كل واحد قاعد في محله ويطالع ايش رح يسير حتى اعضاء الاداره وحتى نفسهم الاعضاء ماهم عارفين اقلها مدرسة رابغ فين دراستها قال رابغ طب انت كيف تبغا توصل كلامك للمسؤلين وانت مو عارف حتى مدرسة رابغ فين مكان دراستها ياشباب اعيد مره تانيه اي احد معارض يوصل برقه للامير سلطان واذا مره لخادم الحرمين الشرفين الملك عبد الله الله يحفظه . اعملو كل شي بنفسكم لاتستنو من احد يعمل شي نيابة عنكم ولا مارح يسير شي . واتمنى اي احد لايزعل من كلامي لانو من قلبي طالع وصحيح كل كلمة قولتها والى زعلان قدامه اربع حيطان يختار واحد ولا كلها يدق راسه بالجدار . ويارب يوفق الجميع |
رد: هام لكل الى يبغا يدرس الطيران والى متضرر من قرارات الخطوط
طيب يااخي الحبيب ممكن تعطينا تقرير مفصل عن المدرسة وكيف نظام الدفع الله يعطيك العافية
شكرا |
رد: هام لكل الى يبغا يدرس الطيران والى متضرر من قرارات الخطوط
كابتن حموده 474
مشاء الله قسم بالله إني اهنيك ... على قوتك ... وعلى قول التوفيق على الله ... و واسطتي هي الله ... وانا من مثلك ... الحين عمري على نهاية 26 سنه ... وطالع ادرس ... ولا راح افكر في القرار .. وان شاء الله خلال فترة بسطية راح ابداء الدراسة ... وما ندري ... انا اتكلم عن نفسي ... ان شاء الله طالع ادرس الطيران ... ولا راح افكر في القرار ... وآخر كلمة اقولها ... مافي مصلي ... وضامن الجنه |
رد: هام لكل الى يبغا يدرس الطيران والى متضرر من قرارات الخطوط
اقتباس:
اخي حموده اذا اردت ان تصبح طيار فيجب عليك التحلي بالأدب العام ومراعاة مشاعر الأخريين. |
رد: هام لكل الى يبغا يدرس الطيران والى متضرر من قرارات الخطوط
والسعر هوه 300000 ريال سعودي لا اكتر << اخوي حموده ماهووو مبلغ خيالي يعني لو طلعت تدرس في كندا << تقريبا يكلفك ما يقارب 150 الف ريال سعودي ليش 300 الف > وبعدين كم مدة الدراسه في اجنحة رابغ ايه والله انشا الله ابطلع ادررس لازم ندرررس >> وخذو حاجه في عقولكم يا شباب ( مافي طيار عاطل خخخخ ) << والله يسلموو حموده حبيبي تقبل مروري تحياتي |
رد: هام لكل الى يبغا يدرس الطيران والى متضرر من قرارات الخطوط
الدراسه بهذا المبلغ 300 الف ريال راح تلاقيها في رابغ وينجز والاردن فقط لا غير ,,
اما عن ان الدراسه في امريكا بنفس هذا المبلغ فهذا هراء ,, وكلام غير صحيح ,, الي يبغا اكاديميه في كندا ب، 33 الف دولار امريكي تعطيه 220 ساعه والرخص الثلاث يجيني برايفت والاسعار في امريكا في هذا المدى ,, اما 80 الف دولار في امريكا فهذا مستحيل عموما الله يوفقك وييسر امرك ويحقق مبتغاك ,, وميزة رابغ انها تعفيك من المعادله بعد التخرج مع GACA بالتوفيق لك |
رد: هام لكل الى يبغا يدرس الطيران والى متضرر من قرارات الخطوط
شوف 300 الف في امريكا انسى
مافي في امريكا هذا السعر اولا ثانيا انا اقول انها ممكن تكلفك في امريكا بهذا السعر بس مع سيارة ومع ايجار شقة ومع اكل وشرب واحسسن فله مع دراسة لغة في النهاية امريكا افضل طبعا لاني اقل شي راح اكسب لغة ولا تنسى الوقت فرررررررررررررررررررق كبيررررررررررررررررررر في رابغ تجلس سنه ولا تتخرج في امريكا تقدر تاخذ 6 شهور انجليزي و6 شهور وانت مخلص كلوا يعني افرق واضح على قولتهم |
رد: هام لكل الى يبغا يدرس الطيران والى متضرر من قرارات الخطوط
طيب اخوي TCAS
تقول المبلغ مو معقول طيب المبلغ الي انت تشوفه معقول كم بالتفصيل يعني كم للمعهد وكم لالسكن والاكل والشرب والفله لان والله اني محتار فالدراسه وانا والله حلم لي ادرس طيران غيره ما ابغى لو اقعد عاطل وانا ان شاء الله هذي السنه اخر سنه لي فالثنويه من بدري ابغى اعرف الاوضاع الله يفوقني ويفوق كل مين يحلم بالطيران ترى ربنا ساهر وعينه ماتنام |
رد: هام لكل الى يبغا يدرس الطيران والى متضرر من قرارات الخطوط
اخ F-16 السعر المعقول للدراسة في افضل المدارس او المعاهد ان وصلت الحمى مع الاكل والشرب والسكن
مايزيد عن 180.000 الى 200.000 في اسوأ الاحوال .. بالريال طبعا . |
رد: هام لكل الى يبغا يدرس الطيران والى متضرر من قرارات الخطوط
اخوي : FA.AHMED MOUSA طيب مومكن تعطيني اسم المعهد او المدرسه تنصحني فيها وفي اي دوله و مدينه + متابع ردودك المشجعه فالمنتدى الله لا يحرمنا منك زادو معجبيك *_< وجزاك الله خير |
رد: هام لكل الى يبغا يدرس الطيران والى متضرر من قرارات الخطوط
السلام عليكم
ياشباب المدارس في كندا انا ماادري عنها لاني ماروحت سالت بس امريكا صحيح يوجد مدارس تدرس بي 33 او 35 الف دولار بس انتم لازم تفرقوا الساعات والولايات مكان الدراسه وفي بعضها المدة تكون 6 شهور الى سنه على حسب بس انا سافرت نيويورك الدراسه هناك غاليه من 50 الف دولار غير السكن والمواصلات وفي بضعها بي 80 الف دولار وانا الكلام دا والله ياجماعه مااجيبه من عندي لاني روحت سالت وسالت شخص امريكي اعرفه صديق قديم بس انا افضلكم انكم تدرسو بامريكا هيه الافضل واحسن من كندا واحسن من رابغ وينجز . وانا كان نفسي اطلع لامريكا ادرس بس الظروف ماسمحتلى رابغ غاليه عشان جوالين البنزين يجيبوها من امريكا بس . وغير كده انها تعفيك من معادلة الرخصه عند القاكا وبس . والله يوفق الجميع وتكنونو كباتن المستقبل |
رد: هام لكل الى يبغا يدرس الطيران والى متضرر من قرارات الخطوط
عفوا ايها الساده فقد تكسرت اجنحتنا .... تذكرت هالموضوع واشهد انه صحيح <<
|
رد: هام لكل الى يبغا يدرس الطيران والى متضرر من قرارات الخطوط
ياحبيبي من تعاني بكلامك هذا ممكن تحدد :::وعلى فكره والله لو ماعندي عقل دفعت300000
مجنون أنا أدرس في رابغ ياخي أدفع برا لو مليون دولار ولاأدرس عندهالجحلط ومن قال أنه فيها دراسه كلها لعب بلعب أمريكا لغه وأحترام أنا والدي رحمه الله درس في أمريكا بميامي كان يقول من أبدع ما يكون رحمه الله أمريكااااااااااااااااااااااااااااااااااااااااااااا اااااااا for everهههههههههههههههه تمنياتي للجميع بالتوفيق أخوكم الكابتن سعود وسوري على الأطاله |
رد: هام لكل الى يبغا يدرس الطيران والى متضرر من قرارات الخطوط
الي انا فهمتو من الاخ حموده 747 انه تورط في اجنحة رابغ بـ300 الف ريال ومادري مين قاله انو الدراسة في امريكا بـ80 الف دولار ... ليه المبلغ هذا وفي امريكا اذا ضربتها الحمى توصل 35 الف دولار وفي اكاديمية دلتا ايرلاين DALTA AIRLINE قالولي بـ45 الف واجنحة رابغ انا عندي معلومات عنها وبعدين انا بنفسي رحت للخطوط السعودية وكلمتهم ولقيت اثنين جزاهم الله خير ماقصروا في البداية كان سؤالي ابغى ادرس الطيران اي اكاديمية اروح؟ طبعن السؤال غبي شوي بس انا ابغاه يجاوب عشان اقله انتم تعتمدون هذي الاكاديمية . لكن رد واحد وقلي روح أجنحة رابغ !!؟ .... رد عليه خويه وقلي بالحرف الواحد " ماأنصحك فيها يا ولدي !!" وسائلته ليش؟ قلي هذي ذحكة..... وبعدين قلي حاجة وهو يرتب ملفات وانا مدري ايش فيها بعدين هو قلي هذي ملفات طيارين مخلصين دراستهم ومقدمين على الخطوط
قلي نحنى نفضل الناس الي درسوا في أمريكا و بريطانيا و كندا و جنوب افريقيا. وكتب الكلام هذا على ورقة من المكتب عنده وعطاني ايها |
رد: هام لكل الى يبغا يدرس الطيران والى متضرر من قرارات الخطوط
سلمت الايادي ابو حميد قاعده ( لايئس مع الدراسه ولا دراسه مع اليئس ) والفاهم فاهم
الله يوفق الجميع انشالله |
رد: هام لكل الى يبغا يدرس الطيران والى متضرر من قرارات الخطوط
كل الى اقوله الله يوفقكم والحمد الله انا مااتورط ولا شي حبيبي وبعدين انا سالت مدير الطيارين في الخطوط السعودية قلى مدرسة رابغ ممتازه بالعكس وبعدين روح امريكا وسال بنفسك شوف الاسعار روح فلوريدا وروح نيويورك واسال شوف الاسعار اذا كانت زي ماقولت كلها 35 الف بالحمى تعال اعطيك سيارتي لانو حبيبي انا سافرت وسالت وترا وتبغا تروح بره انا اصلا قاعد انصحكم انكم تروحوا بره عشان اللغه وانا الحمد الله لغتي تمام وترا اجنحة رابغ ممتازه اسال الطيارين عنها لانو اغلب الكباتن دخلو اولادهم فيها . وبعدين لسه الى الان ماحد اتخرج من اجنحة رابغ . انتم ماخدين فكره سيئه عن المدرسه وهما عندهم عقد اصلا مع الخطوط السعوديه روح اتاكد بنفسك من مدير الطيارين في الاكادمية عشان تصدق مادري ايش اسمه الحازمي مادري عنه بس الخطوط ماابغاها وانصحكم امريكا هيه احسن شي لانها تعتبر ام الطيران . واللى مايطول العنب حامض عنه يقول
|
رد: هام لكل الى يبغا يدرس الطيران والى متضرر من قرارات الخطوط
اقتباس:
المدرسة تقريبا ابو 40 الف دولار هذا المتوسط في اغلى وفي ارخص يعني 160 الف ريال سعودي معهد اللغة لو تبغا تجلس 6 شهور الشهر في اقوى معاهد من ابو الف دولار تقريبا يعني 6 الاف دولار يعني 24 الف ريال سعودي تشتري لك سيارة ب 7 الاف دولار وفي ارخص بس اعطيك متوسط سيارة عادية وحلوة وجديدة نوعا ما اقصد الموديل يكون حديث مو قديم بالسعودي 28 الف ريال السكن بحوالي 800 دولار هذا ايضا متوسط في ارخص في اغلى يعني 3200 في الشهر اضرب في سته حوالي 20 الف ريال مصاريف شهرية من ابو 1500 دولار ويعتمد عليك بس تعيشك مرتاح 1500 اضربها في سته 9000 دولار من ابو 320000 الف ريال في النهاية راح تطلع لك الحسبة 300 الف وللعلم انا اعطيتك ابذخ الاسعار سته شهور معهد لغة ودراسة طيران مع سيارة مع سكن مع مصروف شهري وراح تبيع السيارة لما ترجع ب حدود ال 5 الاف دولار في اسوا الاحوال الي هي 20 الف ريال وفي النهاية راح تطلع ب 280 الف ريال مع ملاحظة جميع حساباتي حسبت الدولار ب 4 ريال يعني الحسبة لو جيت تبغا تحسبها مزبوط اقل من 300 واقل من 280 الف ريال راح تصفي لها من ابو 260 الف وهذا بالغة ول ما تبغا لغة راح تطلع ارخص |
رد: هام لكل الى يبغا يدرس الطيران والى متضرر من قرارات الخطوط
ثانكس حبيبي sultan911 كفيت ووفيت وبالتوفيق للجميع وخصوصا للي بيدرسون طيران
|
| الساعة الآن 11:34 AM. |
Powered by vBulletin® Version 3.8.11
Copyright ©2000 - 2024, vBulletin Solutions Inc.
