مهم جدااا !!! هل مركز الرواد معترف بة؟
شباب دحين ألي عرفتو من مركز الرواد انو يدرس الجراوند في الطيران اعتقد ألي هوا برايفت بايلوت ليسينس مدة الكوس 15 يوم
هل هوا نفسوالكتاب الي راح يدرسونا هوا برة مكان ماأدرسة يعني في اي اكاديميه تانية في امريكا ممكن ؟؟؟ انا ألي فهمتو لمن كلمتهم انهم يدرسونا هنا 15 يوم مكثفة وأروح اي اكاديمية برة واختبر واخد البرايفت بعد كدة الباقي كلو راح يكون طيران وسوموليتر وتجميع ساعات ألي يعرف احد سوا زي كدا واتقبل في السرى حق الخطوط السعودية يديني خبر بلييييز عشان الواحد يتأكد ماتكون مقلب ولا شي فاهمينني طبعا مشكووور |
رد: مهم جدااا !!! هل مركز الرواد معترف بة؟
اخويا فهد
مركز رواد الطيران مو مقلب ولا شي وانا اضمنه شخصياً بإذن الله . الموضوع ومافيه انهم راح يدرسوك كتابك Jeppsen Private Pliot وهوا نفسو اللي راح تدرسو في اي مدرسة طيران بعد كذا لما تروح المدرسة تقلهم انا جاهز ابغى اختبر ولما تنجح في الاختبار تبدأ تطير ساعاتك مع المدرب على طول وبكذا تكون وفرت وقت بتقلي كيف اوفر وقت وانا كذا كذا بدرسها هناك اقلك الفترة الي تقدم فيها الفيزا في راح تكون مابين شهر الى شهر ونص تقريبا في هذي الحالة تقدر توفر شهر من دراستك في امريكا وانتا بين اهلك .. بس ماقلتلي كم قالولك التكلفة .. |
رد: مهم جدااا !!! هل مركز الرواد معترف بة؟
صح كلامك
رحتلهم بنفسي وفكرتهم مررررة حلوة انو ادرس البرايفت هنا قالو تقريبا بعد شهر راح يبدأ ب 5000 ريال مررة تمام يدوك دورة كثفة وراح تكون كل شهر عجبتني الفكرة |
رد: مهم جدااا !!! هل مركز الرواد معترف بة؟
السلام عليكم
انا مشارك جديد في الموقع وكان عندي استفسار بسيط عن مركز الرواد في اي مدينه وأذا لديكم اي عناوين له |
رد: مهم جدااا !!! هل مركز الرواد معترف بة؟
where is it ya shabab capt. ahmed please where is their place
teslamoooo* |
رد: مهم جدااا !!! هل مركز الرواد معترف بة؟
المكان في جدة ياشباب
حي الروضة غرب الكبري المربع تعدي محل الزهور العربية والمطعم الياباني وتاخذ يمين يجيك على اليسار على طول تلاقي اللوحة شكل جناح ومكتوب رواد الطيران |
رد: مهم جدااا !!! هل مركز الرواد معترف بة؟
مشكور كابتن احمد على العنوان
|
رد: مهم جدااا !!! هل مركز الرواد معترف بة؟
thank you
see u inshallah in JFk flight this month ya man |
رد: مهم جدااا !!! هل مركز الرواد معترف بة؟
بالضبط اخوي زي ماقال الكابتن احمد بعد ماتخلص الدراسه عندهم يعطوك شهاده موقعه انك مأهل ويصير تجمع الساعات وتختصر وقت ومال وبالضبط السعر 5000 ريال .. وايضا عدد الطلاب قليل بالفصل وهو من 9 الى 12 شي طيب صراحه .. واتمنى التوفيق للجميع .. الطلاب و الرواد للطيران |
رد: مهم جدااا !!! هل مركز الرواد معترف بة؟
طيب يا أهل الخبرة لو درست في المركز وما أبغى ادرس بره _ إش العمل وهل لو اخدت فيه أكثر من شهر وقدمت على اي شركه هل ممكن يعطوني وجه ويرسلوني أواصل _ أو لازم أروح ادرس بره . سامحوني
|
رد: مهم جدااا !!! هل مركز الرواد معترف بة؟
والله فكرة حلوه ومعهد الرواد مضمون توكل على الله وخلاص لاعاد تشاور أحد,,أتمنى لك التوفيق
تحياتي,,,, |
رد: مهم جدااا !!! هل مركز الرواد معترف بة؟
تحياتي لكم مركز الرواد واتمني لكم النجاح والتوفيق وتحياتي للمدير العام مستر \ همام ونتمني لة التوفيق
|
رد: مهم جدااا !!! هل مركز الرواد معترف بة؟
اتمني لكم شركة الرواد المزيد من النجاح علي يد مستر همام اسماعيل واتمني لكم الكثير من الفروع في جميع مدن اللملكة وخارجها ونتمني النجاح للمدير العام مع تحيات شركة روشان للفنون الجميلة (بوزار)
|
رد: مهم جدااا !!! هل مركز الرواد معترف بة؟
الحمدلله انو في أمل في هالحيـــــــــــــــــــــــــاه بس باقي دعواتكم لنا ياشباب |
الساعة الآن 04:54 PM. |
Powered by vBulletin® Version 3.8.11
Copyright ©2000 - 2024, vBulletin Solutions Inc.