:: Flying Way :: - توقف اختياري في الدوحة وارغب باستلام حقائب الوزن.

:: Flying Way :: (https://www.flyingway.com/vb/index.php)

- شركات الطيران (نقاش وإستفسار) Airlines discussion (https://www.flyingway.com/vb/forumdisplay.php?f=114)

توقف اختياري في الدوحة وارغب باستلام حقائب الوزن.

في رحلتي من مراكش الي الكويت عبر القطرية.
تصل الطائرة الي الدوحة الساعه 4 صباحا.
في رحلة الربط سريعة انا مااخترتها.. بقعد في الدوحة الي مساء اليوم نفسة
السؤال .. ليش في مكتب تسجيل الحقائب .. اقولة انا بقعد بالدوحة واحتاج الشنط واهو يعرف هالشي من التذكرة لكنه يضع على الشنط الرحلة اللي الي الكويت من الدوحة مسا اليوم اللي بغادر فيه ويسلمني بطاقة صعود رحلة الكويت! .
طيب ليش ما يعمل بطاقة صعود الطائرة للدوحة و اللي الي الكويت استلمها من مطار حمد؟ هم دائما مايوافقون! ولا ادري شنو الصعوبة فيها.
خصوصا مع عدم رغبتي بتسلم بطاقة صعود الطائرة يعني عادي مايتحملون مسؤوليتي.
الزبدة انا ابي شنطتي اذا وصلت الدوحة بروح اريح بفندق واتغدا مع خوالي وابدل واخذ راحتي شالطريقة؟
*طبعا في بالي شنطة الكابينة لكن .. بصراحة 15 ساعه اخاف الشنطه اتركها بالمطار عندهم تروح ديرة وتضيع مني هههه.
وشكرا.

رد: توقف اختياري في الدوحة وارغب باستلام حقائب الوزن.

اقتباس:

المشاركة الأصلية كتبت بواسطة mohammad alajmi (المشاركة 1430340)

بالعادة مسموح تأخذ شنطتك وانا كم مرة اسويها من طوكيو وكان موظف الكاونتر يسألني لوحاب استلم الشنطة في محطة الترانزيت او المحطة الاخيرة
مالك الا تأخذ معاك قطعتين في الهاند باق وخلي القطع المشحونة تأخذ تور في مطار حمد ههههه
ولا تخاف احياننا يكون عندي الترانزيت 22ساعة والعفش عندهم بس عيبها لمن توصل المحطة الاخيرة عفشك اخر شي يوصل
بالتوفيق لرحلتك

رد: توقف اختياري في الدوحة وارغب باستلام حقائب الوزن.

يبدو ان هذه مشكله لدى موظف مطار مراكش وليست سياسه شركه
سبق العام الماضي توقفت برحله من القصيم الى اسطنبول في الدوحة لمده 48 ساعه واستلمت شنطتي بالدوحة بدون مشاكل.
الموظفين الارضيين عادة يتبعون شركات مناوله ارضيه محلية
وبالمغرب وبالذات المطارات خارج كازا غير متعودين على رحلات الكونكشن والترانزيت واجراءاتها.

رد: توقف اختياري في الدوحة وارغب باستلام حقائب الوزن.

انا بالسابق عملتها قررت استلم حقائبي في الدوحه بدل اكمال الرحله وارتحت في فندق ليله وثاني يوم غيرت رحلتي بدون مشاكل

رد: توقف اختياري في الدوحة وارغب باستلام حقائب الوزن.

اقتباس:

المشاركة الأصلية كتبت بواسطة FlyingWings (المشاركة 1430380)

بالضبط.
انا اتذكر كلمت الشركة برحلتي اللي قبل. قالوا لي بلغ موظف التسجيل لايعطيك رحلة المتابعه وانك بتستلم الحقيبة في الدوحة وروح عالموعد الي مطار حمد واخذ بطاقة دخول الطائرة الي الكويت وسجل الشنط عنده! ببساطه .
بس الخلل بالمغرب يقولون احنا نعطيك اللي بالتذكرة ولاتمشي عليهم 15 ساعه ترانزيت ولاشي. مع ان القطرية ماعندها مانع ابدا اني اروح مطار حمد واوقف واسجل عادي يعني شالمشكلة!. اعتقد مايبون يتورطون فيها خوفا .
انا احتياط دايما وابدا اخذ معاي داخل بالطيارة لبس ليوم كامل احتياط لظروف تعطل الطائرة ولا شي ماشيات ك الفلم اللي حصل لي بطيران الامارات.
لكن الامر سهل جدا في حالة التوقف الاختياري. لايعطيني بطاقة دوحة كويت وخلاص. يشكر عليه
ياغالي انا بس احاتي ان الشنطه 15 ساعه بالمطار من الفجر الي الليل وين راعيها ولا وين تروح اكيد بيمر عليها اثنين او ثلاث زامات عمل .