اصنعها أو أشتريها؟؟؟
 

السلام عليكم ورحمة الله

طبعا الموضوع هذا شائك والبعض راح يعتقد إني أحاول أشجع على الشراء بس نقرأ الموضوع للآخر ونسمع آراء الأعضاء


أنا مع بناء الطائرة بنفسك إذا كنت تعرف ايش اللي قاعد تسويه بالضبط من برمجة ريموتك والسبيد كنترول وإتجاهات حركة السيرفو صحيحة وموزونة + إنك تعرف تطير بالطائرة حتى لو كان فيها شوية مشاكل ما انتبهت لها إلا والطائرة في الجو. أو للأسف النهاية كراش خلال المحاولة الأولى أو الثانية وتتلف معظم القطع الإليكترونية اللي اشتريتها. بالعربي راح تعبك يا صابر

إذا كنت مبتدئ وما تعرف معظم الأشياء اللي في الطائرة كيف تشتغل مع بعضها والفروقات في التصميم أنصحك توفر فلوسك وتشتري محاكي تتعلم على الأقل كيف ترفع الطائرة وكيف تهبط بها وبعدها اشتري طيارة تدريبية ويفضل تكون فلين تتعلم في الواقع كيف تقلع وتهبط وتأثير الرياح على الطيارة وغيرها من الأمور المهمة اللي راح تمكنك فيما بعد إنك تصنع طائرتك الخاصة

لاحظت معظم المبتدئين يكونوا متحمسين ويبدؤا يصنعوا طائراتهم الخاصة حتى قبل ما يتعلموا أبسط المعلومات عن هذيي الهواية المتشعبة وهذا قرار شجاع أحترمه بس نفكر مع بعض شوي.

إذا أنا ما أعرف أسوق سيارة وهذي أول محاولة لي أسوق سيارة هل من المعقول إني راح أصنعها وأنا ما أعرف بالأساس هي كيف تشتغل وتمشي؟ ولا لأن الشغلة لوحين فلين وشوية غراء كل واحد يبغى يسوي مهندس :crazy_pilot:

طبعا لو راح أخلص صناعتها وتلوينها وبعدها أعلقها على الجدار أو أحطها على الدولاب وما أطير فيها اصنعها بنفسك أوفر من الشراء. لكن لو راح أطير فيها وتطيح وتخرب الاليكترونيات اللي فيها (فلين ب100 ريال مقابل اليكترونيات بحوالي 600) أكيد بيجيني إحباط وأكره الهواية

من وجهة نظري الخاصة الطريقة الصحيحة إنك تدخل هذي الهواية بأقل خساير ممكنة
اقرأ وتعلم عن المكونات وطريقة عملها وكيف تشتغل مع بعضها. ما يكفي إنك شفت فيديو أو اثنين عن بعض المكونات إنك تصنع طائرة أو حتى تطير بها

إستخدام محاكي طيران لأطول فترة ممكنة قبل الطيران الفعلي

معرفة كيف تتفاعل مكونات الطائرة مع بعضها أثناء الطيران ومعرفة الإعدادات الصحيحة والقطع اللازمة. للأسف يجي واحد معاه موتور صغير وما يتحمل مروحة كبيرة لكن لأنه شاف غيره استخدم بطارية معينة أو مقاس مروحة معين ركب نفس القطع وقال يلا نطير. وواحد غيره ما يعرف إن هذي البطاريات (لايبو) ولها طريقة معينة في الإستخدام والشحن الخ وبعدها يا خربت البطاريات من كثر ما نزل الفولت اللي فيها يا الله يكفينا وإياكم الشر انفجرت وهي على الشاحن بسبب شحن غلط أو البطارية تالفة والأخ ما يدري إن المفروض يتخلص منها بدل ما يشحنها

البدء بطائرة تدريبية سهل التحكم فيها تتعلم عليها المبادئ الأساسية للطيران من إقلاع وهبوط والتفاف وغيرها من الأمور الأساسية

ممكن بعد كده تجرب تصنع طائرة بنفسك مع إني أعتقد الموضوع أصعب مما تتخيله وفيه الكثير من التفاصيل اللي تخفى حتى على المتمرسين في الهواية

نسمع آراء الشباب :mic-me:

بالتوفيق إن شاء الله

انا مع انه الواحد يصنعها حتى لو ما بعرف يتعلم ويصنعها ويبحث عنهاعن شروحات احنا الشعب العربي نحب ان نأخذ كل شيء جاهز لماذا ؟ ما الاختلاف بيننا وبين الاجانب هل لهم عقل وليس لنا في الحقيقة من خلال جولتي في المنتدى رأيت مبدعين من الاعضاء العرب قاموا بتصميم طائرات جميلة انا متأكد ان الاجانب لا يستطيعون صنع مثلها لانه نحن مسلمون واذا اجتمع العلم مع الدين نتج الابداع وهو ابداع لا يستطيع احد ان يصل اليه الا نحن انا لا انكر اهمية العلم بالعكس يجب علينا ان نبحث ونتعلم ثم نطبق ويجب على الاخوة الذين لديه العلم ان لا يبخلوا على اخوانهم الذين يسألونهم في شتى المواضيع وهذا رأيي يجب علينا ان نكون مصنعين لا مستهلكين انظروا الى العالم كيف سبقنا ونحن مازلنا لا نستطيع ان نصنع ابريز كهرباء ليس جهلا ولكن لاننا تعودنا على الجاهز وان نأخذ كل شيء على الجاهز وشكرا لكم

انا ايضا مع كلام الاخ ايمن. واضيف اننا نحن العرب يصيبنا الاحباط من المحاولة الاولى ونكره الدنيا وما بيها في كل شيء (ههههههه).
وغيرنا يحاول عشرات المرات الى ان يصل ما يصبو اليه. رأيي بكل تواضع ان نصنع بأنفسنا ولانعتمد على الجاهز. ولكن هذا لا يعني ان نبدأ بدون ما يكون لدينا علم كافي ووافي (كما تفضلت اخوي ابو سعود) عن كيفية صناعة طائرة!!!!!!
يوجد ناس في هذا المنتدى بدات تقرأ عن كل شي (بدون مبالغة) سنة او اكثر قبل ان بدأوا بصناعة اول طائرة لهم.
تحياتي للاخوة الاعضاء وتحياتي الخاصة لأبو سعود الغالي

والله كلامكم عين العقل ... وانا فعلا صارلي سنة اقرأ وابتديت من اكثر من اسبوعين او 3 بتصنيع الطائرة ولسة ماجهزة بس المهم قرأت ومازلت اقرأ واتعلم منكم ..

انا والحمد لله مازلت احاول اولصنعت ططائرتين من قبل لكن لم اكمل صنعهما بسبب عدم توفر الامكانيات والان الحمد لله اتممت صنع طائرة ولكنها لم تطير وسوف احاول الى ان انجح باذن الله

يعطيكم العافية على الردود والآراء وننتظر آراء بقية الشباب

أخي الفاضل أولا إنك تطبع تصميم جاهز وتقص زيه فلين ما يعتبر صناعة أو حتى تطوير صناعة هذا إسمه نسخ
ثانيا لما تشتري موتور ومروحة وبطارية وسبيد وإنت ما تدري هل بتشتغل مع بعض أو لا, هل تقدر تحمل الوزن أو لا وغيرها من الأسئلة وتلطخهم كلهم بشوية غراء على الفلين اللي قصيته وإنت منت فاهم كيف راح يشتغلوا مع بعض وتطيح الطيارة في أحسن الأحوال أو تخبط في أحد وتعوره في أسوئها هل تتوقع إن هو هذا اللي يبغاه منا الدين اللي ينادي بحفظ النفس والمال ؟؟ أكيد لا. تعلم وافهم التفاصيل وبعدها صنع وطور لكن قبل كده وهذا رأيي الشخصي بتضيع وقتك وفلوسك وما راح تتعلم الطيران


أخوي ظافر شكرا على المشاركة برأيك
أنا شغال في مجال توريد وبيع هذه القطع وعندي موقع صغير قد يكون مر إسمه عليك في إحدى المشاركات. بدون مبالغة مر علي أكثر من 20 مبتدئ ما يعرف وين الله حاطه ولا يدري عن الف باء هذي الهواية وتقعد تنصحه إنه لازم يعرف أساسيات كثيرة قبل لا يطير وقبل ما يفكر يصنع شي هو ما يعرف كيف يشتغل. وما يسمع النصيحة ياخذ شوية قطع (موتور وسبيد وريسيفر وريموت وشاحن وبطاريات ومراوح الخ) ويرجع بعد كم يوم ياخذ غيرها لأن وهو يوصل الأشياء وصلها غلط واحترق شي أو ما ربط القطع بإحكام في الطيارة وانفكت وقت التجربة أو حاول يطير بس كانت الحركة فيها خطأ (بسبب البرمجة أو التوصيل الخاطئ) وطاحت الطيارة وتلفت شوية قطع ومحتاج بدالها طبعا إنت بتتكلم عن واحد ما طار خمس دقايق على بعض وخسر كم ألف وهو يحاول. بعضهم يرجع يدق عليك ويقول لك شوف لي أحد يشتري القطع الباقية مني لأني كرهت الهواية والجزء الباقي يقول ليتني سمعت كلامك ويشتري طيارة جاهزة يتعلم عليها الطيران (الهدف الأساسي من الهواية) وبعد فترة لما يفهم ويعرف تفاصيل صغيرة لكن مهمة في كيفية عمل الطائرة يقدر يحاول ثاني أقلها المرة هذي هو فاهم جزء من اللي يحتاجه بخلاف لما كان مبتدئ

بخصوص إن بعض الشباب لهم فترة طويلة يقرون ويتعلمون وهم جاهزين بعد هذه الفترة لصناعة طائرة ما أعتقد الكلام هذا صحيح بدليل جالسين لنا أسبوع نشرح ونتناقر على المروحة وكيف تركب بشكل صحيح وكيف تلف مع الموتور وغيره من أبسط المبادئ في الهواية الله يصلحك وتقول لي نصنع طيارة

اليابانيين اللي هم حاليا أفضل المصنعين لمحركات السيارات (حجم الموتور مقابل قوته وإستهلاكه للوقود) بدأوا المشوار بإرسال طلابهم يتعلموا في ألمانيا وما راحوا أشتروا حديد وقعدوا يجربوا شي هم ماهم فاهمين يشتغل كيف. وبعد عودة الطلاب من ألمانيا استطاعوا صناعة أول موتور (كان كبير الحجم وضعيف وكثير الإستهلاك للوقود) بعدها بدأ التطوير والتجارب لتصغير حجمه وزيادة قوته ومع المثابرة المسلحة بالمعرفة وصلوا لما هم عليه الآن. أتمنى تكون وصلت الفكرة

في إنتظار ردود ومشاركات وتجارب الإخوة الأعضاء

بالتوفيق إن شاء الله

اخي الكريم يبدو انك قرأت نصف كلامي او انك لم تفهم نصفه انا لم اقل بدون علم يجب على الصانع ان يكون لديه علم في المجال وانا مختلف معك بالرأي بان صنع الطائرة يعتبر نسخ لانك تأخذ المخطط جاهز انا استطيع ان ارسم لك مخطط لطائرة وبادفوبادق التفاصيل ولكن التطبيق هو المهم لو اعطيت اي شخص المخطط والمواد ليصنع طائرة لا يستطيع لانه ليس كل شخص لديه الابداع او المعرفة في هذا المجال انا لم اقل اختراع انا اقول صنع لانه اخترع من قبل والشركات المصنعة للطائرة لا تصنع كل القطع وانما تصنع الهيكل فقط اما الماتور وادوات التحكم تشتريها جاهة من مصانع اخرى هي فقط تصنع اللالمخططات والهيكل

السلام عليكم ورحمة الله

وجهة نظرك واحترمها شكرًا على المرور والرد

للتصحيح فقط في شركات تصنع الطائرة بالكامل بعد تصميمها مثل الاين وهورايزن هوبي وغيرها
التصميم اللي تنزله من الموقع هذا او غيره اذا صغرته او كبرته بدون سابق معرفة بالموضوع بيطلع معاك طيارة ما تطير مثل اللي في التصميم الأصلي هذا اذا طارت أصلاً تقدر تجرب بنفسك وتشوف.

تحياتي

السلام عليكم

اولا كلامك في الغالب صحيح يالغالي . لكن اعتقد انه في فرق يعني بين صناعة طائرة تحكم عن بعد ( من النوع البسيط الي مافيه تعقيد وأغلبه اساسيات وسهلة في الطيران ) وبين صناعة سيارة !!!!!!! :joystick:


ثاني شي انا صراحة اشوف انه الشغله تفرق من شخص لشخص وهذا امر طبيعي ,, وغير الكذا المعلومات الي عند هذا برضو تفرق عن هذا ! يعني ما تقارن واحد صارله يقرأ من سنتين الى ثلاثه بتمعن ويشوف فيديوهات اجنبية (طبعا في اشياء ماراح يعرفها او ممكن تفوته لانها تبين مع الممارسه) وبين واحد شاف فيديو لطياره وقراء له كلمتين وجا يبغى يصنع :flowers:

ثالث شي للتنويه : ترا في فرق بين الصناعة وتركيب القطع , للعلم انت قاعد تركب قطع جاهزة مش تصنع , اذا تبغا تصنع روح جيب مواد خام واشتغل يا شنب :shocking:

بس برضو صراحة كلامك في منه (يعني ممكن بدال ما يقعد يقرا وهو مايعرف وين فيه يشتريله طيارة تدريبية جاهزة وبعد ما يتدرب عليها يفكها ويشوف الي بداخلها :icon_g3: ) يعني يعرف القطع البيسك و بعدين يبحث عنها وحدة وحدة وعن كيف يختار المناسب منها للطائرة الي بيسويها :crazy_pilot:

وبس وسلامتك

ههه حياك يالشنب

بلاش سيارة بالبنزين خليها بالريموت برضه هههه

بالضبط لو هو يعرف يطير بها وبعد كده يشوف كيف الأشياء اللي جوتها بتشتغل مع بعض راح يتعلم ويفهم أسرع من يسوي وحدة من الصفر وبعدها يحاول يحل مشاكلها. راح تضيع عليه فلوس ووقت كان ممكن يستفيد منه بشكل أفضل

شكرا على المرور والرد. وننتظر رأي الشباب

وحبايبي للفكرة والمعلومية فقط أنا ما أقصد أحبط عزيمة أحد أو أقلل من مجهوده ومحاولاته كل الفكرة نوفر وقت وفلوس لأنها تبقى في الأول والآخر هواية. بعضنا أوضاعه المادية ما تتحمل كل هذي الخساير والبعض الثاني يالله يلاقي ساعة يروح عن نفسه. تخيل لو إنت مشغول وكل ما لقيت وقت عشان تجرب الطيارة تطيح وتخرب شي أو ما تطير تمام أكيد بيجيك إحباط بعد فترة وتكره الموضوع كله (شفت كثير من الشباب يدخل متحمس ويشتري عدة غالية وطيارة حلوة وغالية بس أعلى من مستواه بكثير ومن كثر الخساير المادية والمشاكل اللي يواجهها وما يعرف يحلها يعاف الشغلة كلها)

بالتوفيق إن شاء الله

بالظبط ,

ههههه خلاص نمشيها لك ذي المرة يا ابو سعود , نعتبرها سيارة ريموت :ANSmile04:

بغض النظر المقصود انه الواحد يتعلم حتى لو بركبها تركيب بس اقل مافيها بعرف الطيارة كيف بتطير وبكون تعلم اشي جديد حتى لو مش من الصفر صنعها بعدين انا حكيت ممكن الواحد يسوي مخطط من نفسه ويشتغل عليه بس يكونله خبرة في الطيارات المهم في النهاية بحب احكي واحد يركب قطع جاهزة بشرط يكون عارف كل قطعة فيها وفاهم مبدأ عملها احسن من واحد شراها جاهزة وقاعد بطير فيها ومبسوط عليها و الاول يعلم والثاني لا يعلم فقط يلعب والله تعالى قال قل هل يستوي الذين يعلمون والذين لا يعلمون صدق الله العظيم انا وجهة نظري الواحد يتعلم ويسوي بنفسه احسن ما يوخذ عالجاهز في بعض الاخوة صمموا طيارات بالخشب هما قاموا بقصها وتركيبها حسب المخطط بس اعطي المواد لواحد ثاني هل ستظهر نفس النتائج بالطبع لا انا بقول في ناس مبدعة وفي ناس ما عندها ابداع

يعني ما شاء الله كل الشباب ارائهم صحيحة وكل واحد لديه وجهة نظر خاصة به.
انا بالنسبة لرأيي المتواضع وسط هذا الجمع والخبراء في هذا المنتدى ' فأني ارى ان مجرد تم صناعة هيكل (كخطوة اولى) هو انجاز.
اما موضوع ان نصنع نحن الاجزاء الالكترونية فأعتقد هذا موضوع صعب علينا لأن شركات صنع الالكترونيات في العالم معدودة على الاصابع حيث دول كبرى تعتمد في صناعاتها على هولاء الشركات.
فليس عيب اننا نشتري منها الالكترونيات. اليابان تستور من امريكا بعض القطع التي لاتستطيع تصنيها والعكس صحيح.
تحياتي للجميع

وعليكم السلام ورحمة الله وبركاته

بالضبط هذا اللي كنت أقصده بس للأسف طاروا فيا الشباب هههه

بالتوفيق للجميع إن شاء الله

وعليكم السلام ورحمة الله وبركاته

حياكم الله حبايبنا :) :)

الموضوع شيق ومفيد للمبتدئين درجه اولى كمان :) :) واعتبره القاء نصيحه كبيره لهم عن جد.

رأيي الخاص هو:
اعمل الي تقدر عليه ولكن الافضل , الافضل اذا انك مبتدئ واول مره تطير اشتري وحده جاهزه مو شرط جميلة المنظر او الحجم ,, بعض الطائرات تكون رخيصه حدود 750 ريال << تعد بعض الاحيان ارخص من بناء وحده بنفسك.

واراء الشباب كلها حلوه :) :) ...

مشكور اخوي ابو سعود على الموضوع ,, وما قصرت الله يعطيك العافيه.

الله يعطيكم العافيه يا شباب على الردود وابداء ارائكم :) ..

اتمنى لكم التوفيق والنجاح

حياك الله يابو عبدالله شكرا على المرور