يـعـنـي ايـة #‏طـيـار
 

يـعـنـي ايـة #‏طـيـار

مع عظيم احترامنا لكل المهن وتقدير ودي مش مقارنة لكن حجات كتير الناس متعرفهاش عن الطيارين وبيخدوها بالمنظر او الظاهر وغيره !!

اولاً الطيار بيدرس دراسة شارقة فى الكلية ودة نصف الطريق اما النصف التانى وهو الاصعب والاهم لبداية العمل وهو دراسة شاقة للطراز الى هيطير علية بالاضافة للتدريب الجوى الى تقريباً عقل الطيار بيتحول فية لآلة لاستيعاب معلومات جبارة ومعقدة احياناً .. تقريباً التجهيز ثم التدريب على طيارات الركاب بياخد نفس وقت الكلية واضعاف اضعاف معلوماتها دة غير الارهاق المادي الى بيكلفة لاسرتة الضغط الى بيسببة لتحركاتة فى اى وقت وقلقهم عليه حتى امهاتهم وزوجاتهم مساعدتهم له فى تجهيز رحلتة فندق بالمنزل ومتابعة اكلهم وصحتهم واهتمام فائق ربنا يباركلنا فيهم .

اسئلة كتيرة الناس بتسألها عشان احنا مهنة الى مش دون المستوى الدولي فيها بيروح بيتهم مفيش حاجة اسمها غلطة ولا فرصة

الوظيفة الوحيدة بمصر الى بتعمل بمقاييس دولية حقيقية يعنى الطيار الى هنا زى الى فى امريكا زى الى فى الصين ويمكن العالم يشهد اننا من الافضل علمياً وفنياً كمان ودي مش مبالغة ودة شرف ووسام على صدورنـا كلـنا

فئه تعيش حياتها كلها تحت ضغط و خطر عالي يومياً ومشاكل طبيه مع الوقت بتظهر للطياريين منها الفقرات وغيرة كتير لعدة اسباب.. الطيار بيخاطر بعمره ومستقبل ولاده يومياً ومهدد انه يطلع معاش لاي سبب فنى او مهنى او طبي فى اى لحظة .. عايش تحت ضغط على طول ممكن يتطلب فى اى لحظة دائماً بيفكر انة مبيتحركش عن بيتة او مطارة كتير عشان لو اتطلب اى لحظة .

دائماً خايف على صحتة لا يحصلة حاجة خايف على مستواة العلمي لا يقل بيمتحن فى اى لحظة طوال خدمتة بينزل مليون تعديل علمي لازم يذاكرة ويفهمة كويس

دائما بيشوف الاحوال الجوية غير اى حد وكتير بيكون الخط الجوي ملئ بالمخاطر الجوية لكنة معتمد على الله ومعلوماتة وخبرتة ومجهودة وكفاءتة وكل دة بيفكر فية وهو ماشي فى المطار ولو شاف راكب يبتسملة ويحسسه بالامان وشايف فى عيون ركابة وطاقمة مسئولية وارواح مسئول عنها فى رقبتة

قبل كل رحلة الراجل الجميل الشيك الى بتشوفة ماشى فى المطار دة كان بيحضر رحلتة وبيذاكرها وبيدرسها كويس حتى لو طارها مليون مرة لان كل مرة ليها ظروف شكل

بيدخل على طيارتة بيفتشها حتة حته بيتأكدة من كل ملفات الصيانة وممكن يعيد حسابات طويلة مئة مرة لو رقم واحد اتغير او مش مظبوط

بيعمل خطة لكل رحلة وائما الطياريين بياكدوا على بعض فى بداية الرحلة اجراءات كتير بتبدأ كلها بجملة " لو حصل كذا هنعمل كذا" .

وقت الاقلاع بيحس ان عدد الركاب حمل فوق كتافة شايل سمعة بلدة وسمعة شركتة وسمعتة الشخصية فى كل اجراء بيتخذة

الغلطة فى الجو مهما كانت بسيطة بتسمع وبتبقي فضيحة يستحيل تلاقي حد منهم مهمل او دون المستوى فى العمل

الناس بتسافر مرة واحد بيقولوا دا جاى من سفر بيريح يومين وتلاتة .. الطيار ممكن يصل بية الحال ان يعمل رحلتين ذهاب وعودة فى اليوم الواحد يعني اربع خطوط .

معناتهم بعد التخرج حتى الالتحاق بالعمل لا مثيل لها اى طيار بيجهز نفسة للالتحاق باى شركة ومش كل الشركات الى بتهتم بالطيار فى اول حياتة وعادتاً العكس تماماً بيحصل وسط كل الضغط الى علية

حتى اجراءات الاخلاء الخطرة بيدرب عليا للهبوط فوق الماء والارض عملياً دة غير دراسات امنية طويلة لاخر ما توصل له علوم الامن للحفاظ على امن طائرتة
.... شكرا لكل واحد فاهم يعني ايه طيار مدني .. وان الطيار مش شخص بيسافر ويتفسح و يلف الدنيا وفلوس وكلام فارغ مصاريفة الشخصية فى العمل وهيئتة بس نص مرتبة تقريباً ... اعرف يعني ايه طيار و بيذاكر قد ايه لحد 65 سنه واى حد قريب من طيار هيشوفة بيذاكر اد اية وبيستغرب وبيسأله كتير عن سر المذاكرة الكثيفة يومياً ومهما حكيتلة بيستغرب لان فعلا الكم فى المذاكرة جبار والمسئولية كبيرة وعمرة ما هيشوف حد بالسن والرتبة دى بيعمل كدة فديماً بنعذرهم وبنشفق على نفسنا .

مهما حكينا احساسنا لما الطيار بيسب ولاده قد ايه و بيخاطر بحياته قد ايه وكل يوم بيطلع رحله بيسلم على ولاده ومن جواه بيكون حاطت في عقله ان دي اخر مره ممكن يشوفهم و يشفوه ميعرفش القدر هيختارة امتى لكن دائماً بيحسسهم بالامان ..طول عمرة بيفكر يأمن اهلة ومراتة واولادة اد ايـة من غير ما يحسوا لانة الوحيد الى عارف ان فى اى لحظة ممكن يختفي من وسطهم لاى سبب ... هى دي مهنه الطيار اللي كتير من الناس ميعرفوش عنها حاجة دائماً محافظ كفاءته الفنيه ليصل لاعلى درجات الامن والامن والسلامه الجويه عشان نفخر ونتشرف انك تسافر وانت مطمئن

موضوعك رائع وخلاني أستوعب كمية الأشياء اللي حستلمها

أنت طيّار ؟

والله شرح جميل جدا