تنبيه : تم منع دخول طائرات الريموت كنترول
 

اخواني اعضاء منتدى خط الطيران:

حصلت لي مشكلة مع الجمارك بالرياض بخصوص طائرات الريموت كنترول (كهرب) , طلبت اربع طائرات اثنتان سسننا و واثنتان اف 15 ولاحضت من خلال رقم التتبع انها عالقه في الجمارك مطار الملك خالد الدولي , فتواصلت معهم وكلمت الموظف المسؤول وقال انه لديهم تعليمات بمنع كافة انواع الطائرات سواء كهربائه او نايترو وخلافه حتى النماذج لا يتم ادخالها على كلام الموضف والسبب بعد حادثة التهريب بالطيران الشراعي

في موقع النادي السعودي للطيران يوجد تعميم بخصوص الطيران الشراعي فقط

اذا في احد عنده معلومة اكيدة من نفس النادي السعودي يكتبها

طيب بالنسبة لقطع الغيار اتمنعت بردة زى الريموت والسيرفوات مثلا ؟؟؟

لا حول ولا قوة الا بالله ..

الله يعوضك اخوي الغالي .. والله يعينك ويعيننا والجميع ..

والله الصراحه لابد من اخبار النادي بالوضع والضغط عليه ... او بالاحرى عشان اكون صادق : الافضل بالاول عدم تهريب اي شي فهذي الجمركه من حق الدوله ... يعني صراحه نحنا يادوب قدرنا نخليهم يسمحون لنا الار سي ,, اقوم بعض الشباب الله يهديهم يخربون الدنيا كلها ... لا حول ولا قوة الا بالله .. وحسبنا الله ونعم الوكيل ..

والله يستر ..

اتمنى للجميع التوفيق واتمنى تتم الفرجه عنها ..

الله يعوضنا بس

ما اعتقد ان الموضوع موضوع جمركة
وانا متأكد لو اي واحد منا بيشتري شي من برة وبياخذون عليه جمارك وينتهي الموضوع على كذا كان كل واحد يشتري بنفسه ولا في مشاكل

لكن علشان تقدر تشتري وتدخل اغراضك بشكل رسمي وبجمارك لازم تكون عضو في النادي
وعلشان تكون عضو في النادي لازم تدفع 600 ريال سنويا

وخلال السنة الواحدة يمكن تحتاج تشتري مرة وحدة او مرتين بالكثير نماذج طائرات (هذا طبعا بشكل عام غير موضوع التجار)
يعني خلال السنة محتاج تدفع 1000 ريال مقابل مرتين شراء كحد اقصى

يعني كان 1000 ريال هي مقابل دخول اغراضك الى المملكة فقط لاغير

لان الكل تقريبا (حسب ما قرأت وحسب الردود) لا يرى اي دور فعال للنادي لهواة الطيران اللاسلكي .

ياليت يكون الاشتراك السنوي بمبلغ رمزي حتى يمكن للجميع الاشتراك .

اتمنى ان تكون الامور في المستقبل افضل من الماضي

وفق الله الجميع لما يحب ويرضى

الله يعين ..

ما نقدر نسوي شي .. والله العظيم قهر ... الله يعيننا ويعين الار سي معانا ...

اتمنى للجميع التوفيق ..

مع الاسف منعوها بالكامل حاليا ..

ولكن اتفضل رابط لاخر التطورات :

منع استيراد اي شيء يتعلق بهوايتنا

مراجعة ادارة الجمرك

واتمنى لك وللجميع التوفيق

اخوي جرب تشحن الطائرات للبحرين و تدخلها عن طريق البر او ترجع تشحنها من البحرين على جمرك جدة

و ان شاء الله تمشي

لان حسب علمي ان جمارك الرياض معقده

الله يعين

يعني مانقدر نشتري انا بغيت اطلب من الخارج بس الله يعوضك

بسيطة ،،،
إذا منعت قطعة او شحنة قم بطباعة عروض البيع بالموقع هذا او اي موقع محلي وخاصة الكميات ،،،واسأل مدير مصلحة الجمرك بالجهة المذكورة واسأله كيف دخلت هذه الكميات ؟ وتمنعون شحنة واحدة ؟
سيقول المنافذ كثيرة والتهريب وارد..
قل له واذا فتحت فواتير شحنات البريد وشركات الشحن السابقة بمنفذكم ووجدناه مثلها مفسوح بدون فسح ما؟
انا متأكد 100 % ان منافذ المدن الكبيرة تدخل يوميا طلبيات بهذه القطع..
ماينفع مع الحديد إلا الحديد..
فمن نجاح تجارة السلعة احتكارها على المستخدمين..
كونهم يمنعون طلبياتكم حتى تضطرون بالشراء من الداخل ،،،فمثلا الشاحن بهوبي كينج تورينجي يباع ب 19 دولار والشحن 10 دولار،،
هنا يباع فوق 250 ريال،،،،

عشان كذا سار عندنا سوق سوده اذا جيت تشتري شي من عند اي احد قالك تراها ممنوعه وانا جايبها بطريقتي الخاصة وهولك الموضوع اذا ترينر ابو 1000 ريال سارت تتباع ب 4000 ريال ايش تقول لا وتبغي الهواية تنتشر !!!!

ماراح ينتشر الهواية إذا كان كذا

تبي تزاول مهنتك بسلام واطمئنان وراحة وسعادة .؟

اطلع الامارات خميس وجمعة وسو اللي تبي

الله يجزاكوم الخير ويرفع قدركوم

السلام عليكوم انا اشوف الموضوع انه المفروض انه مايتعقد الموضوع شي بسيط مثل الطائرات الشحن هي موش نيترو شحن بطارية يهريب ايش وخلي ايش طيب يعني وين بروح يهريب حده كيلو او اثنين كيلو اتمنا ان الموضوع يصير عادي بنسبه لي الشباب , اسل الله لكوم بتوفيق

يا شباب يلي استشفيتوا من الفلم كلوا انو الموضوع له شقين اول شي نادي الطيران على قولتهم حلو مشكلتهم والفسوح شغالة وعلى قولت الموظف انو هل الأسبوع عطوا فسوح وما احد رجعلهم,,
الأن الشق المهم هو الجمارك والتي تعتمد اعتماد كليييييييييييي على كيف وجهل او علم موظف الجمارك.
وبم اني ناشب للنادي مرررررررررررررة (قلي الموظف وهذا كلام اليوم طازا: قلي كلم الجمارك واسألهم جايتني شحنة كذا لو قلق لأ شكلهم ما جاهم التعميم ولو قلك جيب تصريح معناها الفسح يمشي)
وانا اقترح اقتراح بسيط الظاهر الأخوان مقترحينه من أول وداخوا فيه بس انا من باب المحاولة وحل هالمعضلة يلي مسوين فيها زحمة والشارع فاضي.
اقتراحي هو كتابة معروض موقع من أكبر عدد من أعضاء نادي الطيران وموجه الى مقام وزير الداخلية وإدارة الجمارك وجميع المنافذ بالتنسيق مع النادي, لأنوا يا جماعة العضوية أصلا ما تطلع الا بموافقة من وزارة الداخلية فأنا أتوقع القضية قضية التباس وسوء تفاهم فالرجاء احياء هذه المبادرة من جديد ولكم جزيل الشكر.

ياااااااااااااارب عوضه بخيرا منها

لو اشتري سسنا 928mm من أمازون تتوقعون تمشي ؟ ولا لا

اتوقع تمر والله اعلم ...

اتمنى لك التوفيق