بعض الصور لبطولة الريموت+فديو
السلام عليكم في البدايه نبارك لجميع الفائزين بهذي البطوله طبعا هنا بعض الصور وفديو بروفه + فديو عرض اختتام البطوله فقط عرض ماهي داخله في المنافسه --- عموما وصلت لجده واخذت تقريبا 6طلعات جويه كتدريب وبكل اسف خرجت من المنافسه بسبب فقداني الطائره بسبب عدم تركيب الجناح سبحان الله وله الحمد... من قبل ومن بعد صحيح خسرت قبل الدخول للمنافسه بس كسبت معرفة اخواني من جميع الدول المشاركة واذا فيه رساله اعتذار اقدمها للعنود بنت محمد ثم لجمهوري العزيز على قلبي وردني اتصالات من الجميع بعد فقدان الطائره وكانو على اتم الاستعداد لتقديم بدائل حتى استمر وانا مستمر لكن بدون طائره احترافيه فقط تكملت عدد كذالك شكر لكل من قائد فريق فطر الاستاذ جمعه المهندي و منير الحربي على استعدادهم وقت البطوله بإعارتي طائرتهم وغيرهم من لا تحضرني اسمائهم وكذالك عمر الهندي الذي اتاح الفرصه لنا بتجربته طائرته على رغم صغرها و سرعة الرياح التي وصلت اكثر من 24 كليو بالساعه اديت عرض يليق بمستوي هواة الرياض وان شاء الله كانت عن حسن ظن الجميع في الاخير اكرر شكري لكل من شجعني ودعمني معنويا بهذي البطوله --------- اترك لكم الصور تتكلم -- هذا الفان راح بالطياره قطعه وحده ورجع بها بعشر قطع :iconloli: https://www.m5zn.com/uploads/2011/4/1...18aqpaduu8.jpg وهذي يوم كانت اموره ^_^بجنب الاموره ان شاء الله اشوفها نطير بمستوي عالى :shamrock: https://www.m5zn.com/uploads/2011/4/1...8oo4lc6zvj.jpg مع Machinchy https://www.m5zn.com/uploads/2011/4/1...7anmnk80kf.jpg https://www.m5zn.com/uploads/2011/4/1...7hpy4lcfoy.jpg باقي الصور على الفيس بوك 200 صوره تقريبا https://www.facebook.com/media/set/fb...788.1812991562 فديو اثناء اداء فقرة في اختام البطوله https://www.youtube.com/watch?v=Tl0HPP5WhHc فديو لعمل التجارب للطائره وكانت طلعه رقم1 او 2 بها صباح ختام البطوله https://www.youtube.com/watch?v=RDj5FEYvsPI تحياتي لكم ولكافة الفرق المشاركة التي انجحت هذي البطوله |
رد: بعض الصور لبطولة الريموت+فديو
معوض خير انشاء الله اخي محمد شوفتك في جدة كانت شرف لنا
|
رد: بعض الصور لبطولة الريموت+فديو
ابدعت اخي ابو العنود ومثلتوا الهواة السعوديين خير تمثيل والى المزيد من التقدم والأبداع تحياتي |
رد: بعض الصور لبطولة الريموت+فديو
معوض خير ابو العنود وهذي حال الهوايه
ان شاء الله تشتري احسن منه بس طلع الاصلي والي مو اصلي واحد ( اقصد الطيارات ) لاني جيت ابشتري صيني وقلت لي انت بالحرف الواحد ترا يوهقكك بالمهرجانات لكن الحمد لله جت سليمه والطياره بداله الف طياره شاكر لك ابو العنود تمثيلك للشباب السعودي بالفن والابدااع تحياتي |
رد: بعض الصور لبطولة الريموت+فديو
اقتباس:
اقتباس:
والحمدالله كسبت معرفة الرجال شرواك في هذي البطوله اقتباس:
وهذي اول نقطه سوداء تسجل في ملفي وقت العروض الجويه على مدى السنوات الماضيه في عروضي الجويه في المملكه لم تسجل اي حاث وقت العروض او المهرجانات غير بطوله جده وبسبب عدم تركيب ثلاث براغي للجناح مو عيب نصنيع مثل ماتقصد او كنت اقصد يوم اقول اشتر الافضل الحمدالله وبفضل الله ماطاحت في البحر وصلت حد راس المدرج ونزلت فيه الاضرار فقط البدي +2او3 سيرفو حتى الساعه الباقي ماشيكت عليه اهم شئ المحرك سليم الباقي طز فيه عموما انتظرو اختها قريبا ^_^ تحياتي للجميع |
رد: بعض الصور لبطولة الريموت+فديو
أبو العنود لقد شرفتنا بجيتك وأدائك كان ممتاز بالطائره البديله بالرغم من نقص امكانياتها مقارنه بطائرتك والبطولة استفدنا وتعلمنا منها الكثير تحياتي لك وتكلفك المجئ لمده 5 ايام او اكثر لها محل تقدير كبير |
رد: بعض الصور لبطولة الريموت+فديو
اقتباس:
انا كرشت الياك حقتي بالرحله الثالثه كانت نوع بايلوت والسبب ان البايلوت الجديده فيها خطاء بتشكيل الالوان ما تعرف فوق من تحت بعكس القديمه والحين اشتريت 2 ياك 50 سي سي وحده بايلوت من النوع القديم زي الي كانت عندك والثانيه ماركة قولد وينق جاهزه بس ما فضيت اطير خصوصا الجو متقلب وامطار نصبر الين يكتب الله خير تحياتي لك |
رد: بعض الصور لبطولة الريموت+فديو
اقتباس:
|
رد: بعض الصور لبطولة الريموت+فديو
اقتباس:
نعم فيه دروس من العيار الثقيل في البطوله لكن اتنمى نشاهد مستوي الهواة اعلى من الحالى اذا على عدد الايام << وصل10 ايام وبعد ماكلت سمك طلعت 30 يوم خخخخخخخخخخخخخ شاكر لك واتعذر لك بسبب عدم استطاعتي المشاركه اعلم شعورك بتجاهي اقتباس:
هذي وضع الطيران ساعه لك وسنه عليك وخاصه بوضعنا الحالى ^_^ اقتباس:
شاكر لك تحياتي |
رد: بعض الصور لبطولة الريموت+فديو
اقتباس:
سمليتر ؟ لازم اشتري واجرب ان صدفت الحمد لله وان ما صدفت مو انا اول واحد يسوي كراش ولاني الاخير ههههه مع القافله كل العالم تكرش طيارات وعلى قولتهم تعددت الاسباب والكراش واحد ههههه |
رد: بعض الصور لبطولة الريموت+فديو
اقتباس:
العاقل خصيم نفسه فيه الوان الكل يتفق عليها غير مناسبة لطيارات الريموت يعني لك سنوات تطير وجرب اكثر من نوع من الطبيعي تعرف المناسب لك حتى لو ماطيرت الا طياره واحد فقط خلال السنوات عند كذا شخص يطير الا اذا كانت طياراتكم لون واحد !تقدر تسئل عن الالوان المناسبة مثل ماتسئل عن انواع الشركات او على الاقل لا تبعد بالطياره حتى تاخذ عليها |
رد: بعض الصور لبطولة الريموت+فديو
شف صورة طيارتي عند الاسم بس ياليت عندي صوره لها من الاسفل نفس الاعلى
الي اقصده طريقة توزيع الالوان مالها دخل ابو العنود ان العاقل خصيم نفسه او لا ولا لها دخل كم سنه اطير لان الجو اختلف علي بسبب الغيوم مع تداخل الالوان لو السنين لها دخل ...انت اقدم مني ونسيت تربط الجناح وهو اسهل شي وانت في مهرجان دولي يعني المفروض تكون مشيك وضعك ميه بالميه خصوصا طيارتك كبيره وتستاهل فني خاص لها براتب ههه المهم انا مو بموضع تحقيق لكن الي كنت ابوصله انه تداخل الوان الياك اربكني مع الغيوم خصوصا كثير من الطيارين معاي ذاك اليوم ويشهدون بنفس الشي يقولون صعبه الوانها مره وعلى قولتهم من شاف مصيبة غيره هانت مصيبته وعلى قولتك كل دقه بتعليمه والجميع معوض خير ان شاء ا لله عقبالك ابو العنود 222 سي سي |
رد: بعض الصور لبطولة الريموت+فديو
اقتباس:
الشئ الثاني مثلة دولتك خير تمثيل بعكس من جلس في بيته متخوف من المشاركة فيه دي في دي وسط بطولات خساره كامله لطياره وابطال عالم ماني من يبحثون عن االاعذار نهائيا اذا بتشوف مصايب الغير خسرنا اف 14 بمحركين نفاذ قبل البطوله بومين ولم يتبقى منها قطعه واحده بتكلفه فوق 77او87 ناسي كم بالظبط وكانت تست في الرياض عموما بعكس غيري جلست في البطوله حتى اخر يوم غيري كراش بسيط وحط رجله ماقصد مهرجان جده في مهرجانات غيرها |
رد: بعض الصور لبطولة الريموت+فديو
معوض خير يا ابو العنود بطيارة وبالبطولة
|
رد: بعض الصور لبطولة الريموت+فديو
يا اخوان انتم تطيروا احسن مني ولكن عندي ملاحظه على الالوان
الشباب الي شرفونافي البطوله كانو يطيروا على وقت الغروب والشمس امامهم مجبيرن بسبب موقع البطوله المقابل للكورنيش نحمدالله ان معظم الايام كانت غيوم بس اثنا ء الطيران في وجه الشمس او على يمينها او يسارها تظهر الطائره بلون واحد وهو الاسود فقط لاغير ومع ذلك لاحظت ان كلهم ابدعوا لان تحكم المحترفين يعتمد على معرفته التام بوضع طيارته عن طريق حركتها بالدرجه الاولى وليس الوانها طائرات نفاثة مسهمه باقصى سرعه وفي اوضاع انفيرت ونايفاديج مقابل الشمس ولم يتاثروا بشئ بالنسبه لي انا مستحيل اطير حتى بترينر مقابل الشمس حتى لو كانت من فوق ابيض وتحت اسود |
رد: بعض الصور لبطولة الريموت+فديو
هلا ابو العنود
ليش معصب اخوي ان كان ردي مزعلك امسحه اقتباس:
اقتباس:
كثير ناس عندها اشغال ومو فاضيه لمهرجان ويمكن بسبب بعد المسافه واسباب كثير او الدوام ( الدوام بالنسبه لي سبب رئيسي ) اقصد لي شخصيا لا تحكم على كل من جلس انه خايف ....يعني كل الي شاركوا ابطال وكل الجالسين خوافين ؟؟؟ مو منطق تمثيلك لبلدك تشكر عليه ويشكرون عليه الشباب واتوقع لو انت ربطت المسمار كان اخذت مركز في المنافسه حلو اقتباس:
اقتباس:
اقتباس:
عموما ابو العنود لاتزعل لاتظن بقلبي شي بس انا استغربت ردك علي يوم قلت لك اللون اربكني وتقول لي العاقل خصيم نفسه اذا تظن اني مخطي بالكراش عاد انا اقول لك مخطي والف مخطي مو عيب الخطا وعلى قولة ابونواف ان الشمس تربك الطيار لكن الطيار المتمرس متعود لانه يعرف وضعية طيارته مسبقا وانا ما اربكتني الشمس الشمس خلفي .....الي اربكني اني شلت عيوني عن الطياره لحظات بسبب الريموت الجديد ما تعودت عليه ....برضوا خطائي مو خطا الريموت ههههههههه وبسبب الياك متشابهه من فوق ومن تحت يوم رجعت عيوني ما عرفتها زين خصوصا انها بثالث رحله انا جربت الياك حقت ابو فيصل كانت الوانها حلوه مره تقدر تميزها بسرعه لكن يالله حصل خير عادي يا جماعه كل العالم يخطون .....انا ودي ادري وش المشكله اذا قلت انا اخطيت |
رد: بعض الصور لبطولة الريموت+فديو
انت حاب تشعب الموضوع وتربط مشكلة بمشكلة مالها علاقه عموما ابو حلاء كاني ردي ان العيب مو في لون الطياره
الباقي مايعني شئ بالنسبة لى ولاهو مزعل احد وكلمة العاقل خصيم نفسه هي سب يعني بنظرك؟ طيب لو قلت الجاهل عدو نفسه بروضه سب؟ ماحكمت على من جلس خايف الا بعد اتصالات مع بعض الطيارين ومايحتاج اخرط السبحه خلها مستوره ماحب اعلق على باقي النقاط ولا متفرغ لجدال كل شخص عارف وش عنده وعارفه مكانه مظبوط في الاخير بنظري 99% من الحوادث بسبب الطيار الطياره مالها علاقه مثل حلاتي ثلاث وغيري اكثر |
رد: بعض الصور لبطولة الريموت+فديو
اقتباس:
ليتك قلت بعض الطيارين متخوفين بس فهمت من كلامك ان الجميع .....طبعا مو الجميع متخوفين طبعا بنظرك انت 99 بالميه ....لكن هل هو صحيح ؟؟ فكر قبل المهم ابو العنود على ما قلت انت مثل ما انت منت فاضي برضوا حنا مو فاضين انا اخر رد لي هذا وان شاء الله انتهي هنا والمعذره من الجميع اذا اخطيت بحق احد تحياتي لك ولمشاركتك في المهرجان وان شاء الله ما تحصل لك اخطاء في المهرجانات القادمه من اجل تمثل بلدك بشكل مشرف ابوخلاد |
رد: بعض الصور لبطولة الريموت+فديو
ابداااااااااااااااااااااااااااااااع
يعطيك العافيه انا من زمان ادور عليكم |
الساعة الآن 07:21 AM. |
Powered by vBulletin® Version 3.8.11
Copyright ©2000 - 2024, vBulletin Solutions Inc.