|
سفرتي على الاتحاد للطيران
السلام عليكم ورحمه الله و بركاته تحيه و طيبه حبيت ارفق لكم صوره سفرتي .. من سنغافوره الى ابوظبي و على طيران الاتحاد درجه رجال الاعمال .. وكانت بتاريخ 22 فبراير مده الرحله كانت 7:20 وقت الاقلاع 7:45 الرحله كانت قادمه من بريسبن باستراليا والعاده تقعد ساعه و نص ترانزيت بسنغافوره في البدايه تم حجز خدمه الليموزين .. في رحله الذهاب كانت متوفره خدمه الwifi بالسياره اما هذه ماكانت متوفره فيها الخدمه وصلت المطار قبل الرحله باربع ساعات تنفيذ لاوامر طيران الاتحاد هالفتره من 22 الى 25 فبراير لتحديث النظام لكن استغربت كاونترات التشييك ان كانت مغلقه !! على كل حال .. عملت التشييك ان في قاعه البريميم والي هي تكون لرجال الاعمال و الدرجه الاولى خلصت الجوازات و قررت ادخل اللونش قاعه الطيران السنغافوري الطيران الماليزي واخيرا قاعه طيران الاتحاد وهي مشتركه مع عده شركات كاللوفتانزا والهندي والفلبيني القاعه كبيره جدا وفيها كراسي تدليك لكن في نظري البوفيه كان محدود و يعيبها المنظر ماكان على الطائرات طبعا خدمه الواي فاي موجوده في القاعه و بالمطار عموما .. بعدا قررت اخذ لي جوله بالمطار والمطار كبير بمعنى الكلمه يتبع |
angery birds :hilarious: https://www.mobdi3ine.net/image2641684.html جلسه كمبيوترات وتلفزيونات واخبار .. اذكر مريت قبل كمن سنه و نزلت ترانزيت كانو يعرضون مبارايات كاس العالم الي كانت مقامه بجنوب افريقيا كنوع من الترفيه للمسافرين https://www.mobdi3ine.net/image2641685.html https://www.mobdi3ine.net/image2641686.html https://www.mobdi3ine.net/image2641687.html في الطريق الى البوابه حيث اقترب موعد الاقلاع https://www.mobdi3ine.net/image2641688.html في الطائره وسامحوني نسيت اصور لكم الكرسي .. لكن عندي هذه :iconloli: https://www.mobdi3ine.net/image2641690.html قبل الاقلاع .. تم تقديم المشروبات مع بعض الهدايا .. لكن للاسف .. قبل طيران الاتحاد كانو يعطونا شنطه صغيره داخلها عطر مع كريمات لليد و الوجه و اقلام .. ياغير الزمن تغير https://www.mobdi3ine.net/image2641691.html وقت الاقلاع تغيرت اناره الكابينه و مرت على الوان القوس قزح كامله و هذا الي قدرت القطه :iconloli::iconloli: https://www.mobdi3ine.net/image2641689.html بعد الاقلاع تم تقديم المزات و المقبلات واخترت المكسرات و الشوربه وسامحوني نسيت التقط صوره المزه غير هذه من شده الجوووع لووول https://www.mobdi3ine.net/image2641692.html بعد الاقلاع وجدت انه الطائره عندها خدمه الاتصال الدولي في الجو .. لا اعلم عن سعر المكالمات الدوليه https://www.mobdi3ine.net/up/136178212410.png\ الوجبه الرئيسيه بعد مابلعت اول لقمه لوووول وكانت عيش دجاج بالزبده https://www.mobdi3ine.net/image2641694.html التحليه https://www.mobdi3ine.net/image2641696.html https://www.mobdi3ine.net/image2641695.html واخيرا وصول ابوظبي وحجز الليموزين https://www.mobdi3ine.net/image2641697.html الرحله كانت 10\10 وكانت A330-200 وحديثه الطائره والحمدلله لم اواجه اي مشاكل بالسفره و الطاقم ممتاز سامحوني على التقصير والتصوير الردئ والي كان بالايفون . اول مره انزل موضوع و بالايام القادمه راح انزل باذن الله |
حمدالله على السلامة و تقريرك ممتع و رائع و ان كان اول تقرير لك |
إلـــف الحمــــدلله على سسسسلامتك مرحباني تقرير جدا رائع تشكر عليـــه ^^
تحيـأأتي ^ |
هلا مرحباني
تقرير غير غني بالصور لكنه يداعب احاسيس المشاهد وإحساسه بأنه تقرير خطافي ومختصر أو على الطاير مثل مايقولون ... شكلك ماصورت كثير في مطار شانجي السنغافوري وهذي نقطة عتب عليك طال عمرك ... نظرا لأن هذا المطار من أفضل مطارات العالم ... بشكل عام هل هناك ما ألفت انتباهك في مطار شانجي ليس موجودا في باقي المطارات العالمية ذو الرفاهية ؟ تم الإرسال من جهازي GT-I9300 بواسطة تاباتوك 2 |
الصراحة ماشاء الله تقرير طيب وحمد الله على السلامة
حبيت أعلق على خدمات مطار سنغافورة الصراحة إنه من أروع المطارات اللي شفتها كتصميم داخلي بمعنى الكلمة وسنغافورة بلد غني عن التعريف زرتها مره وحده وأتمنى إني أزورها مره ثانية |
طيران بوبيان الله يسلمك و يسلم غاليك ومغليك مرورك يشرفني و شاكر لك التشيجع Ali Captain الله يسلمك عزيزي .. انت الاروع :) انسان ذوق على قولتك .. على الطاير .,, وانا رايح المطار يتني الفكره .. والسموحه ماصورت المطار من داخل وايد .. الصراحه قضيت اغلب وقتي باللونش و الشوبينق وماعندي مانع اعرض السامان الي شريته :iconloli::iconloli: وبالفعل مطارهم من اكبر المطارات الي زرتها .. الي لفت انتباهي وماحصلت في اي مطار ثاني .. حاطين في كذا زاويه مطعم او قعده انتظار مجموعه من الصنادق الصغيره داخلها وايرات لشحن الموبايل .. طبعا الصندوق له قفل و تحط تلفونك و تاخذ لك لفه و ترجع انه وانت مرتاح البال .. الشي الثاني وجود قسم ماهو بصغير قسم العاب للاطفال .. الشي الثالث وجود كراسي التدليك بالمطار و ببلاش .. للامانه افضل من الي جربتهم في اللونش ياغير الكمبيوترات المنتشره في المطار والمطاعم والكوفيات المتنوعه وعددها الغير معدود زرت مطارات كبيره مثل مطار امستردام وهيثرو واسطنبول و بريسبن و سيدني لكن ماحصلت وسائل الراحه للمسافر مثل ما حصلته في سنغافوره .. مادري اذا في شي فاتني بهالمطار و يقدر حد يضيفه لي .؟ شاكر لك تفاعلك الغالي بروفيسور الطيران انت الاطيب .,, يشرفني مرورك ياريت الاوروبين ياخذون و يقلدون مطارهم وسنغافوره بلد راقي متطور بشكل كبير |
شكراً كابتن مرحباني على التقرير والحمدلله على السلامة يثبت |
الحمدالله علي السلامة يعطيك الف عافية علي التقرير
|
مرحباني
ماشاءالله أول تقرير وبهالشكل الممتع .. استمتعنا معاك حتى مع قلة الصور لكن واضح انها كانت سفرة سلسة .. الحمدالله على سلامتكم |
تقرير خفيف وممتع تشكر عليه
تحياتي لك |
أخي ماشاء الله تقرير ممتاز بما انه اول مرة تعرض تقرير
وهذي بداية جيدة لا شك فيها اتمنى لك التوفيق والى الامام دائما |
الحمدلله على سلامتك يا مرحباني ... وتقرير زي الورد ما شاء اله عليك ,,,
مشكوووور على الطرح .. تحياتي لك ,,, |
الحمدلله على السلامه وحبيت انوه انه فعلا كان في فترة تحديث في سستم الاتحاد كامل .. لان تم الاستغناء عن الشركة الي كانت تقوم بأمور الحجز قديما لشركة ثانية جديده وافضل وبالنسبة للهدايا والجنطه الي شاغله بالك تراها موجوده لين الحين بس يمكن كانت مخلصة هههه مشكور امتعتنا |
اقتباس:
ومافي شي اسمه مخلص انت طالع بزنس يعني لويتوزع دائما كان وزعولك اياه |
تقرير رائع اخوي وحمدلله على سلامتك
بس حاب استفسر منك ايش رائيك في عرض المقعد ؟ واسمحلي ودي اضيف فيديو لمطار سنغافورة الرائع واللي مستحيل في مطار مثله لاني عديت عليه قبل كم شهر وشفت اللي فيه https://www.youtube.com/watch?v=wFXZKTVO3Cg https://www.youtube.com/watch?v=-GyvcoSOa2s في لعبه في الفيديو الثاني هل جربتها ؟ واسف اخوي على الاطالة |
مشكوررر على هدا التقرير الجميل والحمد لله على السلامة
|
الحمد لله على السلامة
|
أخي مرحباني
معليش سؤالين لو سمحت ... ما رأيك بالسياحة في سنغافوره ؟ وهل تصلح شبابية ؟ |
اقتباس:
ثانيا اسف ياانسان ذوق لاني راح ارد نيابة عن الاخ مرحباني سينغافورة بلد جدا رائع وتصلح سواء للشباب اوالعوائل بس بشرط لاتتدعى اسبوع لان البلد صغير بس تراها شي رائع فيه كل شي في بالك طبيعة مولات امكان ترفيه والخ واللي يميزها انها خليط متعددة الاعراق مماجعل لكل عرق مكان يخص به يعني تقدر تروح القرية الصينية للصين والهندي الصغيرة للهند والمالاي للسكان الاصليين وحدائق سواء حيوان زهور طيور فراشات وعندك شارع اورتشاد فيه كافيه شوبات واسواق ومطاعم ومارينا باااي وتقدر تسميها لندن اسيا انصحك فيها بلد رائع وتقدر تسمية الافضل في اسيا من ناحية الترتيب والنظافة والتقدم ودام انك رحت دبي ترى دبي كوبي بست من سنغافورة يعني لمن تروح سنغافورة راح تشوف الاصل واسف على الاطالة |
السلام عليكم
تقرير مرتب و رائع و متميز كأول تقرير لك أخي الكريم بانتظار تقاريرك الجديدة مستقبلا تحياتي و احترامي |
عاشق A380 الله يسلمك .. شاكر لك التثبيت\ kuwaity pilot الله يسلمك ويعافيك الغالي Emarati حياك الله اخوي منور الصفحه و السفره سلسله والحمدلله THE LORD KSA شاكر لك تواصلك الغالي مجروح الخاطر جزاك الله خير على التشيجع شاكر لك تواصلك Mr.Dreamer الله يسلمك وان شالله نشوف الافضل مع الشركه اليديده الي لين الحين ماشفنا شي ياغير السستم صار ابطئ و اصعب لول الشنطه ياخوك كل سفره ارقبها ولين الحين ما شفنا منهم شي BLACK.MAGIC عرض المقعد في رحله العوده جيد .. لكن بالذهاب اضيق عموما طيرات الاتحاد الايرباص الجديده مقاعدها اكبر و فيها مساحه اكبر سوا لاغراضك الشخصيه او غرش الماي وللاسف اللعبه هذه ماشفتها في المطار .. اتوقع انها بترمنل 1 لانه طياره الاتحاد تقلع من ترمنل 2 HoSaM19 الله يسلمك منور الغالي (AirArabia) الله يسلمك عزيزي انسان ذوق بلد غالي وماينفع للسياحه .. لايوجد به شي يجذبك .. بعض من الناس يروح لها للتسوق عندهم في الاوركيد لكن من رايي دبي ابرك ماشوفها تنفع للشباب .. مافيها غير جزيره سنتوزا للشباب هذا رايي واحترم رايي الاخ BLACK.MAGIC :flowers: مواطن كويتي وعليكم السلام ورحمه الله و بركاته شاكر لك تواجدك بصفحتي وان شالله المزيد قادم خلال هالايام |
أشكرك على التقرير الجميل ..
وطيرآن الاتحآد الى مزيد من التمييز والرقي دائماً.. |
حمد الله على السلامة وتقرير جدا رائع
تحياتي |
تقرير جميل جدا..
وبفعل عزيزي تم تغيير نظام المغادرة والحجز لدى الإتحاد من أماديوس و RTD إلى سايبر |
شكرا كابتن صراحة تقرير رائع وانتظروا تقريري من الخرطوم الى دبي على متن العربية للطيران الاسبوع المقبل |
cap.hu
العفو يا صاحبي مرورك يشرفني يونس2008 تسلم على التواجد للاسف من تاريخ 22\2 وانا اطالبهم باميال الرحله و لين الحين مانضافت شو هالسستم !! احمد عوض بانتظار تقريرك عززيزي :) |
ما شاء الله كانت رحلة ممتعة
عقبالنا نجرب هالرحلة ان شاء الله |
رد: سفرتي على الاتحاد للطيران
شكرااااااااااااااا
|
رد: سفرتي على الاتحاد للطيران
الصور مانظهر
|
| الساعة الآن 05:31 PM. |
Powered by vBulletin® Version 3.8.11
Copyright ©2000 - 2024, vBulletin Solutions Inc.
