|
لمهندسات الطيران في البحرين
السلام عليكم
انا خاطري الصير مهندسه طيران وهاذي اخر سنه لي في المدرسه ومعدلي لين الحين 92.7 و داخله علمي (فيز وريض ) وانا في الفيز والريض اييب فوق 95 بس في الانجليزي مب ذاك الزود(يعني في الثمانين ) هل تنصحوني اني ادخل هندسه طيران ؟؟ وهل السالفه تعتمد على الطول ؟؟ والله محتاره تقدرون تساعدوني واذا احد يعرف عن التقديم شي يفيدني مشكورين مقدماا :ANSmile15: |
رد: لمهندسات الطيران في البحرين
محد رد :noo:
|
رد: لمهندسات الطيران في البحرين
مرحبا بك أختي ملكة الثلج
حقيقة ليست عندس فكرة عن نظام الدراسة بالبحرين لكن من خلال خبرتي، أقول إنه عندنا في ليبيا لا يوجد فرق، بمعنى ثمة طالبات درسن بكلية الهندسة قسم هندة طيران وتخرجن وعملن في مجال الطيران، خاصة في مجال الإدارة الهندسية والتخطيط وقسم الوثائق والجودة.. وثمة طالبات درسن بمعهد الطيران المدني وتخرجن مهندسات صيانة طائرات، بعضهن عمل على الطائرات، وبعضهن لتفوقهن تم تعينهن كميعدات بالمعهد. تمنياتي لك بالتوفيق. |
رد: لمهندسات الطيران في البحرين
أول مرة اسمع عن بنت درس هندسة صيانة طائرات في دول الخليج
|
رد: لمهندسات الطيران في البحرين
اقتباس:
وأين المشكلة أخي المسؤول عن مكتب وثائق الطائرات بالشركة التي أعمل بها مهندسة طيران، خريجة كلية الهندسة، وهي خبرة مميزة في مجال عملها، ولها خبرة عملية حوالي 9 سنوات. المسألة في نظري تتعلق بالكفاءة |
رد: لمهندسات الطيران في البحرين
مشكور اخوي libyan-ame
يعطيك العافيه فرحت بردك وايد :ANSmile15: |
رد: لمهندسات الطيران في البحرين
اقتباس:
لا شكر عل واجب تحياتي وتمنياتي بالتوفيق |
رد: لمهندسات الطيران في البحرين
اقتباس:
|
رد: لمهندسات الطيران في البحرين
مشكور اخوي invisible على المعلومه يعطيك العافيه وانشاالله في ميزان حسناتك
|
رد: لمهندسات الطيران في البحرين
اقتباس:
سوري على التاخر بالرد... حياج الله يالحلوة بعالم الطيران الطيران مجال حلو وممتع جدا وبالنسبة حق المعدل والتخصص اوكي وبالنسبة عن اللغه الانجليزية لازم شوي بالدراسة تحطين على روحج وكل شي بصير سهل باذن الله بالنسبة لي كان المجال ممتع وسهل وكنت ادرس اول باول والحين انا مهندسة طيران تحت التدريب ولله الحمد بس راح انصحج ببعض الامور اللي لازم تحطينها بعين الاعتبار غير اللغه الانجليزية اولا مستقبلا راح تشتغلين شفتات و12 ساعه باليوم المجتمع راح يكون كل رجال وراح يكون الموضوع عادي بالنسبة لهم لان احنا فتحنا المجال حق الكل وراح يكون الموضوع عادي ان شاء الله لازم تكون عندج قوة الشخصية والثقة بالنفس وحب العمل الدراسة راح تكون شوي صعبه بس اللي يحط على عمره ماراح يطيح بالنسبة للعمل انا بالنسبة لي صار حياتي واحب شغلي بس مستقبلا راح تتخيرين بين المكاتب والشفتات والعمل على الطائرات وراح اشجعج بالدراسة لان البنات عندنا اشطر من الصبيان بالدراسة وحتى بالشغل الحمدلله اثبتنا وجودنا واحنا قد الثقة بما ان التخصص ينقسم الى قسمين يفضل انج تاخذين قسم الالكترونيات والكهربة مثلي لان يناسب البنات اكثر واخف بالشغل تحياتي لج واي سؤال احنا حاضرين مهندسة بحرينية :) |
رد: لمهندسات الطيران في البحرين
مشكوره واايد مهندستنا البحرينيه رفعتي معنوياتي وااايد
بس بغيت اسئل سؤال هل لازم اكون طويله علشان يقبلوني ؟ ومشكوره مره ثانيه |
رد: لمهندسات الطيران في البحرين
اقتباس:
حاضرين يالغلا انا جاهزة لاي استفسار اقدر ارد عليه :) بالنسبة للسؤال حلو ان تفكرين بالطول بس مو مهم بالعكس ساعات يصير القصير يستفيدون منه اكثر حق الاماكن الصغيرة اهم شي الوزن مو زايد ههههه هاذي الوزن لان عندنا احنا مكان مال الكمبيوترات والكهربة صغير يعني مستحيل احد متين يقدر يدش ويتحرك من جذي احنا الكهربة والالكترونيات نحافظ على روحنا عشان نقدر نتحرك بسهولة خصوصا ان شغلتنا كل وايرات ربي يوفق الجميع ان شاء الله :) |
رد: لمهندسات الطيران في البحرين
مشكوره وااايد اختي
والله ريحتي قلبي كنت شايله هم الطول |
رد: لمهندسات الطيران في البحرين
اقتباس:
الحمدلله انج حصلتي اللي تبينه وربي يوفقج يالحلوة بس نفس ماوصيتج لازم تكون شخصيتج قوية بهالمجال ولازم تكون عندج ثقة بالنفس وحب العمل عشان تقدرين تواصلين في اصعب الظروف وهي ال 12 ساعه عمل سوا كان زام ليل او نهار :) ربي يوفق الجميع ان شاء الله... |
رد: لمهندسات الطيران في البحرين
و الله انا اعتقد ان كل شخص له كامل الحرية و الحق فى العمل اى وظيفة يريدها هذا من مبادئ حقوق الانسان
و انا اعتقد انو لا فرق بين بنت و ولد فى الشغل كما انه لا فرق بين ابيض و اسود حتى البنية العضلية يجب على كل شخص انو بكافح من اجل الحصول على ما يريد لان كل انسان قادر على تحقيق احلامه |
رد: لمهندسات الطيران في البحرين
السلام عليكم اختي مهندسة بحرينية في اي جامعة درستي ؟ و كم كان التكلفة ؟ و شكرا مسبقا............. |
رد: لمهندسات الطيران في البحرين
اقتباس:
وعليكم السلام والرحمة انا درست في مركز باس لتدريب هندسة الطائرات الحين نظامهم ان يدرسونك سنتين وكل سنة 6000 دينار بحريني والسنتين العملي انت تدبر وين تسوي التدريب حق تحصل الليسن حاضرين اخوي .. |
رد: لمهندسات الطيران في البحرين
اختي مهندسة بحرينية .. كم لازم يكون المعدل التراكمي حق القبول ؟
:p |
| الساعة الآن 07:08 PM. |
Powered by vBulletin® Version 3.8.11
Copyright ©2000 - 2024, vBulletin Solutions Inc.
