|
مساعدة ضرورية جزاكم الله خيراً
السلام عليكم ورحمه الله وبركاته
أنا أخوكم أحمد , مصري مقيم في الصين , كنت عايز مساعده من الاخوه المختصيين ,, الموضوع بإختصار إني مهتم جداً بشركات الطيران وعندي طموح اني أكون شغال في شركة طيران كبيرة ,, بس المشكلة اني معنديش مؤهلات غير مظهري الجيد وقدراتي على التواصل لاجادتي التامة ل 3 لغات ( عربي , انجليزي , صيني ) وانا نفسي اشتغل في مكاتب التمثيل او الحجز او في المطارات الصينية هنا كمندوب لأحد شركات الطيران العربية في الصين ,,, سؤالي هنا واللي محتاج فيه مساعدة انا عايز ادرس اي كورسات IATA بس المجالات كتييرة وانا عايز ابدأ واطور نفسي واقدم على الوظائف المتاحه هنا وللأسف بشوف مستوى الموظفين الصينين مش كويس بالمرة ,,, وشايف ان فرصتي احسن كتيير كوني عربي ومقيم في الصين هنا من اكتر من 5 سنين ,,, محتاج المساعدة وعايز اعرف أبدأ منين جزاكم الله خيراً |
رد: مساعدة ضرورية جزاكم الله خيراً
السلام عليكم ورحمة الله وبركاته
اتمنى لك كل التوفيق في حياتك العملية من الافضل التواصل مباشرة مع الشركات والنؤسسات العربية الموجودة في الصين كذلك من الكورسات المفيدة للعمل مع شركات و وكلاء السفر هي كورسات اياتا اوفتا Plainicon Teaching all IATA-UFTAA Courses and diplomas ولو تبحث في المنتدى عن ملمة اياتا اوفتا - سوف تجد عدد من المواضيع كورسات اياتا اوفتا - :: Flying Way :: Teaching all IATA-UFTAA Courses and diplomas - :: Flying Way :: عرض كورسات الاياتا و الطيران فى الاسكندرية - :: Flying Way :: |
رد: مساعدة ضرورية جزاكم الله خيراً
شكراً على رد حضرتك وبتمنى ليك التوفيق دايماً وعيد مبارك عليك ان شاء الله ,, بس المشكله كورسات الاياتا او الاوفيتا مجلاتهم كتيير ,, وانا عشان مبتدأ متلخبط جداً ومش عارف ابدأ منين ,, خايف ادرس حاجة متساعدنيش عملياً ,,, محتاج حد شغال في مطار او في مكتب حجز تبع شركة طيران مثلاً يقدر يففيدني ويشرحلي عشان انا حاسس اني تائه ,, المصادر كتيير والكلام كتيير والكورسات اكتر ودي حاجة تلخبط
|
رد: مساعدة ضرورية جزاكم الله خيراً
السلام عليكم
ان شاء الرحمن هتكون شئ كويس باصراراك اولا كما تم الرد عليك بالفعل فيه كورس (دبلومة بالاياتا اسمها ) Plainicon Teaching all IATA-UFTAA Courses and diplomas حاول تنضم فيها وتدرسها وتدرس ادارة شركات السياحة والسفر وكذلك حاول تدرس انظمة الحجز فاختار لك النظام الشائع فى منطقتك سواء اكان اماديوس او جاليليو او غيرها لو حابب اى استفسار اخر فلا تتردد بالسؤال |
رد: مساعدة ضرورية جزاكم الله خيراً
شكراً جزيلاً على رد حضرتك ,, انا بحثت وحاولت افهم من خلال المعلومات الي حضراتكوا عرفتوهالي ,,, انا دخلت على موقع الاياتا الرسمي واتعرفت على بعض الكورسات والدبلومات وفي كذا حاجه انا محتاج افهمها
1- Foundation in Travel and Tourism with Amadeus "دي دبلومة وطويلة شوية 200 ساعة هل دي اللي حضرتك نصحتني ادرسها ولا في كورس تاني و ده لينك في كل المعلومات عنها Foundation in Travel and Tourism with Amadeus - IATA Training Course 2- هل التقديم والشغل في شركات الطيران زي ما انا كنت شارح انا عايز اشتغل اية بيحتاج دبلومة وكده ولا لو كورس بس يبقى كويس ؟؟؟؟ يعني مثلاً دول وظيفيتين متاحيين في القطرية في الصين هنا ,, من شروط الوظيفة انا مش فاهم مطلوب دبلومة ولا كورس بس ؟؟؟؟ الشروط موجودةجوة اللينكين دول ملعشي هتعب حضرتك معاياي Qatar Airways Careers - Current Opportunities Qatar Airways Careers - Current Opportunities 3- ايه اكتر نظم الحجز استخداماً ,, انا اختارت اماديوس كده عشان شوفتة في كذا موقع وسمعت عنه كتير :D 4- هل دراسة المجال الجديد ده صعبة شوية ولا مع المذاكرة كل شيء ممكن ؟؟؟؟ انا مستني رد حضرتك وعايز اعتمد على الله وادخل المجال ده بس عايز ادخل فاهم مش بجرب وفهمي هيكون اعتمادا على الله ثم على خبرة الناس المحترمة اللي موجودة في المنتدى وشكراً مقدماً لاهتمامكوا |
| الساعة الآن 08:34 PM. |
Powered by vBulletin® Version 3.8.11
Copyright ©2000 - 2024, vBulletin Solutions Inc.
