|
لو سمحتوا مساعده في الفلين المعهود ذو الصناعه الكوريه...
السلام عليكم ورحمة الله وبركاته
اخواني الغالين لو سمحتوا اعرف ان سؤالي تقريبا معاد ولكن الي مخليني اضعه في موضوع جديد هوا ان نستنبط طريقه جديده فقط لا غير .... لو سمحتوا انا بغيت اعرف طريقه ممتازه تخليني اعوج الفلين تقريبا 100 درجه او 120 درجه .. . انا عملت بطريقة التشريح باداه شبه حاده ومن ثم قص جزء بسيييييط على شكل حرف v عشان يعطيني لوي اكبر ... ولكن المشكله المعروفه ان الفلين انكسر وما قبل يلتوي لاكثر من 85 درجه ... انا الي ابغاه لوي مثل هذي الصوره : https://static.rcgroups.net/forums/at...7mediumxy8.jpg كذا محاوله وما نفع معي .. في طريقه ثانيه وهي انك تاخذ شي اسطواني وتعجن بيه المكان المرغوب ولكن ما اعتقد راح ينفع ,, لان الفلين مو مثل الـ epp ... الفلين الي استعمله مثل الفلين الي اخونا الغالي ملك امبالا يستخدمه . هل هذي الطريقه راح تكون ممتازه مع الفلين تبعي ؟؟ : HOW TO - Bend a foam wing for the KOMET - YouTube اي اقتراح يا شباب بارك الله فيكم ... ؟؟؟؟ مشكورين الله يعطيكم العافيه اتمنى لكم التوفيق |
|
اقتباس:
مشكور على ردك بارك الله فيك ... ما قصرت . اتمنى لك التوفيق |
السلام عليكم
اتصور ان المشكلة من الورق الملاصق للفلين ممكن تشيل الورق من الجزأ المراد ثنيه فقط ويمكن تسهل عملية الثني . الورق ممكن ازالته بسهولة عن طريق تبليل الجزأ بالماء واستخدام قماش خشن ( مثل اداة تنظيف الاواني ) لعمل الاحتكاك الكافي لازالة الورق . جرب بالتوفيق |
اقتباس:
هلا اخوي الغالي ابو عمار ... الفلين تبعي ما فيله ورق :) هوا مثل الديبرون ولكن اصلب شوي ... اوكي احاول واردلكم خبر ... اتمنى لك التوفيق |
اقتباس:
اصلب من الديبرون ؟! كيف وما اسمه !! |
اقتباس:
الصراحه ما اعرف اسمه بل اعتقد ما ليه اسم محدد,, ولكن هو مشهور بانو صناعه كوريه .. يجيك في قرطاس الفلين في الركن جملة MADE IN KOREA بخط ذهبي ... يجيك وجه ملون ووجه صافي ما فيله شي مثل الديبرون . طبعا له الوان متعدده اسود , ابيض , ازرق , موف , احمر , اصفر ... طبعا مثل ما قلت الالوان في جهه وحده , وليست ورق بل تلوين مثل البويه الخفيفه . اذا بغيت تسأل عنه في المكتبات تقلهم فلين ملون ,سعره 10 ريال .. تحصله في مكتبة المكتبه بكثره , وللاسف غير متوفر في جرير .. انصحك تبحث عن الفلين بنفسك في المكتبه عشان اكثر البائعين يقولولك ما عندهم :) :) ... اصلب من الديبرون اي انه غير قابل للثني بدرجات عاليه وايضا يجيك اقوى ما ينضغط كثير مثل الديبرون مثل ما بنشوف في ار سي قروب .. لذلك وضعت هذا الموضوع لمشاركة الافكار .. احاول اصوره لكم قريبا .. ااسف للاطاله . اتمنى لكم التوفيق |
ابو عبدالله انا سويت كذا طياره بنفس هذا الفلين والطريقه هي تشرط الفلين نفس طريقتك وقبل ماتبدا تثني الفلين خل معاك استشوار وحمي الفلين وابدا اثني راح يضبط معاك ميه ميه. لك تحياتي
|
اقتباس:
ما شاء الله تبارك الله .. اوكي اعملها اكيد باذن الله ... مشكور اخوي سلطان بارك الله فيك . اتمنى لك التوفيق |
السلام عليكم,,,
ابشركم اخواني الغالين الحمد لله عملت الثني عن طريق الاستشوار كما قال اخونا الغالي ملك امبالا .. انا عملتها مع الجناح وكانت جدا بسيطه وجميله ,... الفيوزلج حاولت اعمله بالاستشوار سابقا ولكن ما نفع معي لاني قاطعه من جهه في الفلين يكون الثني فيها اقل من الجهه الاخرى :) .. ولكن عموما انا عملتها عن طريق تقطيعه الى شرائح نوعا ما ,, فيمكنك الثني بسهوله ... مشكورين اخواني على تفاعلكم وطيبتكم وزيارتكم لي بارك الله فيكم .. ما قصرتم جميعا . اتمنى لكم التوفيق خالص شكري وتقديري لكم |
| الساعة الآن 11:16 PM. |
Powered by vBulletin® Version 3.8.11
Copyright ©2000 - 2024, vBulletin Solutions Inc.
