|
على متن (الكويتية) العائدة من لندن بريطانيين (ترانزيت) أوسعوا كويتياً ضرباً
https://images3.jetphotos.net/img/1/4...1125455154.jpg تحولت طائرة الخطوط الكويتية العائدة من لندن رحلة «104» إلى ساحة قتال عندما انهال خمسة بريطانيين ضربا على مواطن لأنه طلب منهم خفض أصواتهم قليلا، فردوا عليه بالشتائم والكلمات البذيئة، ولما ردها لهم لم يعد يعرف من يضربه من كثرتهم، وانتهى بهم المطاف في نظارة مخفر الجليب بعد استصدار تأشيرة عاجلة لهم كونهم نزلوا في الكويت ترانزيت فقط!! وفي التفاصيل: كان مواطن عائد من لندن بجثمان والدته التي توفيت هناك نتيجة تردي حالتها الصحية وفي الرحلة التي حملت العديد من المرضى كان مجموعة من البريطانيين يضحكون بصوت عال دون مراعاة انهم على طائرة تحمل مرضى، فأبلغ عدد من المسافرين المضيفين عن تصرفات هؤلاء، فطلبوا منهم الهدوء، لكن البريطانيين لم يسمعوا الكلام حتى نفذ صبر المواطن، وطلب من أحدهم الهدوء، لكنه رد عليه بشتيمة، فأجابه المواطن على شتيمته وانهال الجميع عليه ضربا لتتحول الطائرة إلى حلبة مصارعة الأمر الذي أثار الهلع في نفوس الركاب ولم يحرك أحد أفراد الطاقم ساكنا حتى تدخل عدد من المسافرين وفضوا النزاع وعند هبوط الطائرة في المطار تم إصدار تأشيرات عاجلة للبريطانيين المعتدين لأن الكويت ليست محطتهم النهائية وتمت إحالتهم إلى مخفر جليب الشيوخ، وهم 3 رجال وامرأتان للتحقيق معهم حول الواقعة واتخاذ الاجراءات المناسبة بحقهم.. ورفع أحد الركاب شكوى ضد الكويتية لأسلوب التعامل مع الحادث. من المصدر : https://alwatan.kuwait.tt/ArticleDetails.aspx?Id=101272&YearQuarter=20112:flyhome: |
رد: على متن (الكويتية) العائدة من لندن بريطانيين (ترانزيت) أوسعوا كويتياً ضرباً
استغفر الله الصراحة ما ألوم الرجال يعني مسكين أمه متوفية و الحبايب ماخذين راحتهم و بخصوص الطاقم الصراحة لا تعليق!!!! أتمنى يتعاقب هالبريطانيين بالسجن أقل شي.................................. و الله قههههههههههههههر:icon_evil |
رد: على متن (الكويتية) العائدة من لندن بريطانيين (ترانزيت) أوسعوا كويتياً ضرباً
عاد بريطانيين غريبة ...بس محد معصوم عن الخطاء
الله يرحم والدة الكويتي ويجازي البريطان |
رد: على متن (الكويتية) العائدة من لندن بريطانيين (ترانزيت) أوسعوا كويتياً ضرباً
من أمن العقوبه أساء الأدب..... بصراحه شي ماينسكت عليه واكيد افرج لهم لأنهم زي الملائكه عند بعض الحكومات
|
رد: على متن (الكويتية) العائدة من لندن بريطانيين (ترانزيت) أوسعوا كويتياً ضرباً
طيب وين امن الطائرة عن المشاكل ...
|
رد: على متن (الكويتية) العائدة من لندن بريطانيين (ترانزيت) أوسعوا كويتياً ضرباً
فعلا يوجد حلقة مفقودة بالقصة كما تفضل الكابتن, أين أمن الطائرة عن الموضوع برمته؟!!
و بالنهاية الهمجية ليست حكرا على شعب دون آخر, ممكن نتوقع يسويها الفرنسيين بعد. و لا يوجد تعليق يمكن ان يقال لطاقم الطائرة لو فرضنا بأن الخبر بكامله صحيح. |
رد: على متن (الكويتية) العائدة من لندن بريطانيين (ترانزيت) أوسعوا كويتياً ضرباً
لو كويتي مسويها ببريطانيا كان والله اتحرم من اوربا كلها بالاضافة الى السجن بس مع الاسف حكوماتنا الله يستر عليهن
|
رد: على متن (الكويتية) العائدة من لندن بريطانيين (ترانزيت) أوسعوا كويتياً ضرباً
والله شي يقهر
يسعدك ربي على الطرح |
رد: على متن (الكويتية) العائدة من لندن بريطانيين (ترانزيت) أوسعوا كويتياً ضرباً
اقتباس:
|
رد: على متن (الكويتية) العائدة من لندن بريطانيين (ترانزيت) أوسعوا كويتياً ضرباً
زي قصة البريطاني الي ضرب موظف الخــطوط في خدمات الركاب مســكوه ولا صار معه اي شي
حالنا لا يحــسد عليه والله يرحم والده الاخ الكويتي |
رد: على متن (الكويتية) العائدة من لندن بريطانيين (ترانزيت) أوسعوا كويتياً ضرباً
تم توقيع البريطانيين على تعهد فقط..........التعهد اللي ممكن تحصل عليه لما تتسابب في الشارع :).......بدون اي شي اخر
و سفارتهم سكنتهم في فندق هوليدي ان.....فعلا ظلم |
رد: على متن (الكويتية) العائدة من لندن بريطانيين (ترانزيت) أوسعوا كويتياً ضرباً
ولله ضلم ولله لو انا منه ولله لا ارفع الشكوى عند الشيخ
نحنى اشيوخنا مايسكتون عن هاذي الاغلاط ولله يرحم ام الريال الكويتي |
رد: على متن (الكويتية) العائدة من لندن بريطانيين (ترانزيت) أوسعوا كويتياً ضرباً
الله يعيين الرجال
و اتمني من الحكومة الكويتية أخذ حق المواطن الكويتي :protest: |
رد: على متن (الكويتية) العائدة من لندن بريطانيين (ترانزيت) أوسعوا كويتياً ضرباً
امه متوفيه ويروح يتهاوش مع ناس؟؟ متسبب بالصراحة
|
رد: على متن (الكويتية) العائدة من لندن بريطانيين (ترانزيت) أوسعوا كويتياً ضرباً
شكلهم هنود اخذين جنسية وترانزيت لكيرلا
واذا كان الموضوع تعهد خطي فقط فما الومهم لو سووا اكثر واشنع من كذا بعدين الله يرحم امه الضعيف |
رد: على متن (الكويتية) العائدة من لندن بريطانيين (ترانزيت) أوسعوا كويتياً ضرباً
غريبه الصـراحه ! المفروض يسكتون يعني رحله طويلة نفس هاذي يكونون راقدين !! بس صـراحه عيب عليهم يعني ! مب حلوه والله يظربون الريال لانه قال صراحه ازعاج وغير كذا امه متوفيه ! نفس قصة القطري الي طبو عليه البرطانيين ! والله لندن اختربت من بعد هذي وظربة القطري وامس الحادث النهب الي صار في لندن بيوت وباص وسيارات ! الله يرحم امه الكويتي بس تعهد ماتسوى شي !! مثل ماقالو الشباب لو الكويتي ظربهم بينحرم يدخل برطانيا ! يعطيك العافيه اخوي |
رد: على متن (الكويتية) العائدة من لندن بريطانيين (ترانزيت) أوسعوا كويتياً ضرباً
مسكين الله يرحم والدتة و يجازي هالاوادم الي ما تهتم و تزعج الناس من غير مراعاة ولا مبالاة
|
رد: على متن (الكويتية) العائدة من لندن بريطانيين (ترانزيت) أوسعوا كويتياً ضرباً
اقتباس:
الخبر يقول أنه طلب من الركاب أنهم يخفضون صوتهم وهم الي بدو بالسب .. الصراحة الخبر ما يدخل المخ .. ننتظر توضيح أكثر تحياتي |
رد: على متن (الكويتية) العائدة من لندن بريطانيين (ترانزيت) أوسعوا كويتياً ضرباً
شو اقول بس عنهم ذولا
|
رد: على متن (الكويتية) العائدة من لندن بريطانيين (ترانزيت) أوسعوا كويتياً ضرباً
عجيب , واين تدخل طاقم الطائرة ؟ !!
|
رد: على متن (الكويتية) العائدة من لندن بريطانيين (ترانزيت) أوسعوا كويتياً ضرباً
ماقول إلا مالت على الشرطة اللي مافزعوا لولد جلدتهم
لو غلطان بنقول ماعليه ، لكن مظلوم و أعفوا عن اللي ضربوه وخلوهم يكملون دربهم !!! هذي والله الغبينة والذل بعينه وعلمه و الكويتي هذا شكل ماوراه ظهر ولا ربع وإلا كان والله ثم والله مايروح بها على الأقل ينطرون لما يطلعون من مركز الجليب ويستقبلهم بالعجاري على روسهم عشان يحرّمون يضربون عربي طول حياتهم فعلاً السالفة تحسسني إن العربي ماله كرت عند الغرب (( وهذا والله الواقع المرير )) باختصار تفووووو على العروبة (( لأول مره أخورها )) أعزكم الله وأمانة ماتمسحون ردي الواقعي يا إدارتنا الموقرة لأنه أقرب مثال لتجسيد واقع أمتنا العربية الذليلة |
رد: على متن (الكويتية) العائدة من لندن بريطانيين (ترانزيت) أوسعوا كويتياً ضرباً
أستغفر الله العلي العظيم أعانك الله أيها المواطن الكويتي وعظم الله أجرك إن شاء الله وماضاع حق وراه مطالب أما بالنسبة للـ كومة زباله ...... البريطانين بـ إختصار أصابعنا مب سوا في جذي وفي جذي وهذا بكل بلد في بريطانين متحضرين وتشوفهم عسل عسل ذوق في كلامهم تصرفاتهم وتعاملهم مع أي كان عربي ولاااا غيره وهذا أنا شفته وسمعته وعشته وفي منهم أصدقاء وايد لي وحتى لما عرضت موضوع القطري الي إنقتل في لندن وإنضرب وهو محمد الماجد طالب كان يدرس هناك رحمه الله والله لو تشوفون رد فعلهم قعدوا يقنعوني إن لندن وشعبها مو جذي وإنها أشرف وأنظف من هذه الأشكال وهذولا مجرد عاله على المجتمع البريطاني ، والحين أقول لكم هذولا ناس لاتعليق وساخه علشان جذي أقول أصابعنا مب سوا في كذا وفي كذا لذالك لو أحد من الفئة الإولى الي تكلمت عنها ، صدقوني يقعد يقول له أسف ويسكت ويعتذر لكن للـ أسف الريال واجه الفئة الثانية الي أكتفي بكلمة لاتعليق عليها لذالك الله يرحم والدتك وإن شاء الله ، الله بياخذ حقك منهم هذا بالنسبة لهم وللريال الكويتي بالنسبة لـ طاقم الطائرة مع أمن الطائرات طبعاً إذا كان فيه وظيفة أمن طيران أصلاً في الكويتية وين دورهم حتى لو قلنا الأمن غير موجود ، طاقم الطائرة شنو كله نساء أكيد في رجال وين دورهم ماقصروا المسافرين هم الي سيطروا على الوضع ولااااا الطاقم مب كفو والشرطة الحمد لله والشكر ما أقول غير خلف الله عليكم ، عيل تعهد ومع السلامة والله أبي أشوف لو ظابط توفت إمه وصار له هذا الموقف بشوف تعهد ولاااا راح يهلكون إم جابت البريطانين مو بعيدة إعدام بعد أستغفر الله وأتوب إليك اخبار تعور القلب أستغفر الله ، أستغفر الله ، أستغفر الله لاتلومونا شيء يقهر ويعور القلب |
رد: على متن (الكويتية) العائدة من لندن بريطانيين (ترانزيت) أوسعوا كويتياً ضرباً
حبيبي المسأله مو بيد الضابط المسأله فوووق فووق ههههه...........وترا هذول اذا ماخاب ظني اصلا مو بريطانيين اصليين............هذول هنادوه طابين ترانزيت الكويت............وعلى فكره هالحادثه صار مثلها ايضا بمطار الكويت بينما كان الاجانب يصطفون كطابور عشان يسوون اجراءات الفيزا وغيرها......في واحد حامل للجنسيه الامريكيه لكنه اصله هندي واضح مايحتاج راااااااح عدى الطابور كله ووقف عند الشرطي قاله تخلصني الحين......قاله الشرطي حبيبي تصف حالك حال غيرك بالطابور.........قام يصايح الهندي no im american ههههههههه...... تجمع عليه ضباط الجمارك واحلى تشكيلة بكسات وبعدها كلبجوه وجروه للمخفر..........لكن مالبث قليل الا وطلع من امر فوق.......وتم معاقبة الجمارك
|
رد: على متن (الكويتية) العائدة من لندن بريطانيين (ترانزيت) أوسعوا كويتياً ضرباً
اقتباس:
بس ما اصدق ولا طرف... صح الله يرحم الفقيدة ويسكنها الجنه بس واحد امه ميته شلون له خلق يتهاوش حتى لو الاجانب هم اللي غلطو... |
رد: على متن (الكويتية) العائدة من لندن بريطانيين (ترانزيت) أوسعوا كويتياً ضرباً
اقتباس:
ياحبيبي انت ماتفهم.......اقرا اتوقع كل شي واضح..........الكويتي ماغلط عليهم......بس قالهم ياليت توطون صوتكم......هم اللي ضربوه هو ماحاشهم اصلا :redcart: |
رد: على متن (الكويتية) العائدة من لندن بريطانيين (ترانزيت) أوسعوا كويتياً ضرباً
اهم ضربوا المواطن ؟ ماسالتوا نفسكم وين المواطن عن حقة ووين المواطن عن رفع قضية تدخل المحكمة والف تحقيق ؟؟؟؟
|
رد: على متن (الكويتية) العائدة من لندن بريطانيين (ترانزيت) أوسعوا كويتياً ضرباً
والله العتب مو عالشرطه ولا عالضابط العتب على الكويتين الي كانو عالرحله
|
رد: على متن (الكويتية) العائدة من لندن بريطانيين (ترانزيت) أوسعوا كويتياً ضرباً
اقتباس:
أخوي حتى لو في كويتين ع الرحلة ، أكيد ماراح نحول الطائرة حلبة مصارعة وهي بين السما والأرض إذا هذولا إضربوا الكويتي والكويتين إضربوا البريطانين ماخلصنا بتصير مشاكل ما لها لا أول ولا أخر وشذنب باقي المسافرين الأبرياء من اطفال ونساء مثل هذه المواقف الحل الوحيد لها كنترول على المسافرين والمتشاكلين فقط والهدوء في الطائرة |
| الساعة الآن 04:58 PM. |
Powered by vBulletin® Version 3.8.11
Copyright ©2000 - 2024, vBulletin Solutions Inc.
