:: Flying Way :: - بخصوص الدخول فى مجال الضيافة الجوية

:: Flying Way :: (https://www.flyingway.com/vb/index.php)

- - بخصوص الدخول فى مجال الضيافة الجوية (https://www.flyingway.com/vb/showthread.php?t=115765)

بخصوص الدخول فى مجال الضيافة الجوية

بسم الله الرحمن الرحيم

احب أقولكم الى خلانى ادخل فى المنتدى الجميل دة بجد اولا حبى الشديد للمجال دة وثانيا الناس الجميلة الموجودة فى المنتدى دة وحبهم للمساعدة الى شفته فى ال 3 ايام الى فاتت من متابعتى ليهم وخلانى انى ادخل فى المنتدى دة طلبا للمساعدة منهم.

معلش على الإطالة بس كان لازم اقول الكلاة دة الحقيقة :mic-me: عشان حد يرد عليا هنا :cry:

هادخل فى الموضوع بقى عشان شكلى هاتضرب هنا

اولا انا اسمى على ومتخرج من كلية تجارة عين شمس دفعة 2010 والحمد لله ربنا كرمنى وشغال فى شركة محترمة فى الغردقة ، من اسبوع بالظبط لقيت فى الجرنال ان فى اكاديمية تعلن عن تدريب فى مجال الضيافة الجوية فقمت اتصلت بيهم واستفسرت عن كل حاجة بس كان سؤالى بقى ازاى هاضمن انى اشتغل بعد الكورس وازاى اتاكد من ان الشهادة الى هاخدها هاتكون معتمدة اقدر اقدم بيها فى اى شركة طيران ، بس اهم الحاجة الواحد يؤمن بقدراته وشغله هو الى هايخليه يبقا مقبول فى اى شركة بس برده الشهادة والتدريب حاجة مهمة ولا غنى عنها وبمى انى بعشق المجال دة ونفسى اطير فى حته من وانا صغير :joystick: فحبيت انى ابدأ بالبحث فى المجال دة وانا سنى صغير شوية 22 سنة واتمنى انى الاقى المساعدة هنا ان شاء الله.

الأكاديمية اسمها أكاديمية أتيس للطيران

معلش اعذرونى على الإطالة بقى اعتبرونى ضيف عليكوا لغاية لما ربنا يسهل ان شاء الله وابقى مضيف زيكوا، وساعتها هارغى وهاصدعكم ماتخافوش :d3oh:

انا قولت ارد عليك بما ان مفيش حد عايز يتكلم للاسف كان نفسى اساعدك بس انا معنديش معلومات وربنا يوفقك انشاء الله

ربنا يوفقك يا على ديما يارب وتحقق كل اللى نفسك فية
ياريت لو عرفت اى حاجة تقولى لانى هتجنننننننن وابقا مضيفة

ربنا يوفقك يا على ويديك كل اللى نفسك فية يارب
بس ياريت لو عرفت اى حاجة تقولى
بس ع فكرة لو فية شركة طالبة مضيفين هتدربك اهم حاجة اللغة

أولا شكرا ليكم جدا على ردكم

وانا الحمد لله فى الأنجليزى كويس جدا الحمد لله وهامتحن TOEFL قريب

المشكلة كلها ان الأكاديمية بتدييك تدريب زيادة واولوية فى شركات الطيران لطلابها دة على حد كلامهم وربنا يوفقكم ويوقفنا ان شاء الله

انا عايز اقولك يا عازفة الأحزان مش هاتجننى اكتر منى انا نفسى فى الوظيفة دة من زمان بس النصييب بقا

انا بحضر نفسى كويس وعلى ما اعتقد الأكاديمية الى هاخد فيها الكورس هاتفيدنى وهاتقوى السى فى بتاعى بما انى ما كنتش فى مدارس لغات فعلى ما اعتقد الكورس هاينفعنى وربنا يسهل ان شاء الله هو الكورس ب 5000 جنية بس ربنا يسهل والواحد يشتغل وربنا يوفقك ويوفقنا ان شاء الله

ومكتوب هنا فى المنتدى ان فى اوبن داى فى فندق فيرمونت هيليوبليس لشركة Fly Emirates انا قدمت على النت وربنا يسهل ان شاء الله قدمى انتى كمان هاتبقى على 28 يناير ان شاء الله

على انا بردو زيك معايا لغتين جبتهن فى 2 سنتين بس انا مش مقتنع بموضوع التدريب حيث اى شركه طيران بضربك قبل متشتغل اهم حاجه الوسطه صح قولى

اوعك تقدم فى المعاهد دىىى ودى نصيحتى اولا تدريب الضيافة مش شرط بتحطة اى شركة بالعكس انت بعد ماتتقبل فى الشركة هما بيدربوك حتى لو كدة كدة دخلت المعهد دا والمعاهد دى مبيضموووووووووووووووووووش لحد شغل ومتثقش فى حد يقولك هايضمنولك شغل فاممكن تضيع فلوسك على حاجة مش مستاهلة الاحسن قدم فى شركات طيران عادى ومتحملش هم التدريب لانهم كدة كدة هايدربوك ومش هيطلبوا منك ان تكون متدرب

اقتباس:

المشاركة الأصلية كتبت بواسطة AliMadbouly (المشاركة 1165818)

بسم الله الرحمن الرحيم

Try these airlines to start working (send e-mail, call them, apply online...) : If you want to work in Egypt: Nesma Airlines, Air Arabia Egypt, Air Cairo, EgyptAir Express, Air Sinai, AMC airlines, Cairo Aviation, Petroleum Air Services.
Out of Egypt: Jazeera Airways (Kuwait), Gulf Air (Bahrain), Qatar Airways, Emirates, Etihad Airways, Air Arabia, Fly Dubai... Good Luck Sir

Sorry this subject it's since 2012