هل درجتي تدخلني المراقبة الجويه ؟
 

بسم الله الرحمن الرحيم .

السلام عليكم ورحمة الله وبركاته
مسيكم/صبحكم بالخير
وشلونكم عساكم طيبين

الله لايهينكم ياالربع انا بغيت استفسر
عن درجتي هل تدخلني الهيئه العامه للطيران المدني ( مراقب جوي )
نسبتي فالثانوي 99
نسبتي فالقدرات 83
نسبتي في التحصيلي 72

ياليت يفيدوني طلاب المراقبه الجويه او احد الاعضاء

ماشاء الله درجاتك تعتبر أكثر من ناس كثير وممتازة ،

بالنسبة للدراسة مالها دخل بالدرجات .. حسب المكان اللي بتدرس فيه وشروطها .. لكن اذا قصدك تنضم لإبتعاث الهيئة الخاصة بالمراقبة الجوية فهذه أطيد لها دخل بالدرجات .. وأعتقد والله أعلم انو درجاتك تسمحلك بالإنضمام لكني مني متأكد ،،

بالتوفيق ،

الله يسعدك اخوي معاذ
اذا م فيها كلافه ولاني معنيك
بغيت شروط القبول للأبتعاث لدراسة المراقبة الجويه
لاني عجزت وانا ادورها

اللي مثلك درجاته تدخله جميع التخصصات اللي ناوي عليها
فلا تخاف لاني قرأت انهم طالبين 90 ثانوي و 75 قدرات والتحصيلي مو مطلوب هذا للمراقب الجوي ونا متاكد من كلامي وان شاء الله انزل لك الشروط


بس ليش ماتفكر بالطيران
درجاتك ممتازة جدا ماشاء الله

درجاتك ماشاء الله تدخلك في الترشيح بإذن الله ولاكن فيه اختبارات ومقابلة شخصية هاذي تاخذ نسبة كبيرة في المفاضلة النهائية وبخصوص الإبتعاث الله اعلم متى يفتح التقديم اما تقديم الأكاديمية السعودية للطيران المدني في جدة
فااتوقع اقرب تقديم راح يكون بعد سنة

والله ي ابو عوف فكرت با ابتعاث الخطوط السعوديه لدراسة الطيران لكن غاسل يدي يقولون الوضع واسطات وما يدخلونك الا ذا واحد من اقاربك كان موضف سابق في الخطوط السعوديه

والله الواسطات موجودة ومانختلف فيها
بس فيه اختبارات تختبرها واذا اجتزتها خلاص تنقبل لاتخاف اذا كان هذا السبب اللي خايف منه ادرس الطيران ولاتعطيه اهتمام
بس طبعا حسب رغبتك بالطيران

ماشاء الله تبارك الله ..

درجاتك جدا عالية ..

واذا تقدر تقدم على كلية الملك فيصل الجوية يوجد لديهم تخصص مراقبة جوية ,, راتب عالي وسكن مجانا ..

الله يوفقك ..

لا خلا ولا عدم ي الربع افدتوني بهالمعلومات جعل عمركم طويل

ان شاءالله بالتوفيق