|
استفسار عن طائرة سيسنا 182
اخواني الاعزاء اسعد الله ايامكم بالمسرات
عندي استفسار بخصوص طائرة سيسنا جديدة كان الريموت شغال مع الطائرة تمام وبديت اتعلم على المحاكي واعدل باعداداته واضن اني خبصت امه الحين الريموت لايتعرف على الطائرة ابدا ياليت تفيدوني ولكم كل الشكر والاحترام وهذي صور من الطائرة والريموت والوصلة اللي جات معها ومواصفاتها على الكرتون https://im79.gulfup.com/4qniwA.jpg https://im79.gulfup.com/fOpP8t.jpg https://im79.gulfup.com/fSL4EJ.jpg https://im79.gulfup.com/yf4AFw.jpg |
السلام عليكم ورحمة الله وبركاته
ما شاء الله تبارك الله. الله يحييك اخوي الصارم99 ,, الله يسعدك اضحكتني هههه,,, المشكله بسيطه باذن الله تعالى,, عموما , اعتقد ان برمجة الريموت مع الرسيفر اتلغت او سرلها لخبطه فتحتاج تعيد البرمجه ,,, وان شاء الله تكون بسيطه,, غالبا طريقة البرمجه تجي مع المانول تبع الطائره .,, لان صراحه كل ريموت طريقة برمجته مع الرسيفر مختلفه بعض الشي .. واعتقد ما دام الريموت تبعك بشاشه فطريقة البرمجه للرسيفر اسهل والله اعلم . عطني خبر اذا ما لقيت طريقة البرمجه او اذا موجوده وما عرفت الطريقه عطني صوره لو سمحت :) :) ... ااسف عالقصور. اتمنى لك التوفيق |
هههههه الله يسعدك دوووم
ابوعبدالله جتني ازمة نفسية من جد حاولت بكل طريقة وبحثت بالنت تقريبا من اسبوع وطيرت غبار المنتدى هنا مالقيت توجيه واضح ونسيت اخبرك في سيدي برضو مع الطياره علمني بس شو تحتاج وانا افصلك كل شي وبالصور |
ابوعبدالله لقطت منك كلمة مانول وقربعت فيها الين اشتغل الريموت ابشرك ولكن منحول اللي فوق تحت واللي تحت فوق ويمين يسار والعكس صحيح ومازالت المحاولات جارية
|
الحمد لله
البارح شفت موضوعك وبحثت في اليوتيوب وما وجدت تعليم لعملية التعريف على العموم الان باقي الاتجاهات المعكوسة وهذي بسيطة ابحث في الريموت او بالبرمجة في الكمبيوتر عن كلمة ( reverse ) ومن خلالها تختار الأشياء اللي تبي تعكس اتجاهها . بالتوفيق وفي انتظار فيديو الطيران |
الحمد لله على حل المشكله,, ما شاء الله عمل رائع صراحه .
بالنسبه للاتجاهات المعاكسه فهي مثل ما خبرك الاخ الغالي والحبيب بو عمار , ما قصر جزاه الله كل خير . تنبيه لا تحاول تضغط على كلمة RFS لان فائدتها ارجاع البرمجه مثل المصنع. بحثت لك ووجدت ان الحرفين CH هي لتغيير اتجاه كل سيرفو على حده : [CH]: Channel reverse switch over, Change single servo's movement direction. اتفضل هذا الفيديو يفيدك كثير جدا باذن الله تعالى (طريقة تغيير الاتجاه تبدأ من الدقيقه 4:15 ) : Skyartec Nano CPs 7CH Transmitter NASA 701 Introduction @RC-Fever.com - YouTube ومثل ما قال بو عمار لا تنسى فيديو الطيران باذن الله , تحمسنا معاك :) :) .. بالتوفيق في الطيران والهبوط وكل شي :) |
ابو عمار وابو عبدالله قبل كل شي اشكر لكم حسن تجاوبكم معي
حاولت بكل الطرق ومافي فايدة الجنيحات الامامية والخلفية حركتهم عكسية يعني لما اعطي امر اقلاع تتحرك جنيحات الجناح يمين ولما يكون هبوط تعطي يسار حاولت اعدلها وااقلع بالطيارة وفعلا اقلعت ولكن الهبوط كان ماساوي ولكن الحمد لله الاضرار بسيطة ووممكن اصلحها انا ولكن فعلا انا لااستغني عن توجيهاتكم لضبط التحكم ولو بيفيدكم ملفات فلاش جايه مع الطائرة نزلتها هنا وبيستفيد منها كل اعضاء المنتدى لان فيها شرح حاولت اطبقه وفعلا عن طريقة استعدت برمجة الريموت ولكن لم استطع تعديل التحكم تحياتي لكل اعضاء هذا المنتدى وعلى راسهم الاخوان بوعمار وابوعبدالله |
اذا تقدر تصور فيديو للمشكلة يكون افضل . وصور حركة الريموت مع حركة الطائرة علشان نعرف بالضبط الخلل وين .
|
ابشررر بصورها ونزلها لكم
|
|
هههههههههه احس اني عقدتكم بهالمشكله
نصيحة معلومة اي شي اسلك فيه حالي |
مافي تعقيد ان شاء الله
المشكلة ان ريموتك غير معروف عندي لذلك بنعطيك رؤوس اقلام وانت جرب اللي شفته من الفيديو ان الاليفيتور ( اللي في الخلف ) والاليرون ( اللي في الجناح ) يتحركون مع بعض في نفس الوقت مع انك تحرك العصا لواحد منهم بس .. وهذا خطأ ناتج من احد امرين : اما انهم مشبوكين بسلك واحد مع بعض والسلك موصل بقناة وحدة في الرسيفر او السبب الثاني من برمجة الريموت ، فيه خاصية اسمها ( المكس ) ( mixing) بالعربي الخلط ... يعني تدمج قناتين فيصيرون يشتغلون مع بعض في نفس الوقت ... ربما عندك في الريموت مكس بين قناة الاليرون وقناة الاليفيتور ... ابحث في الريموت او في المنويل والله يعينك وترى كثير من الامور بتلاقي فيها صعوبة في البداية ولكن مع الوقت تتسهل اذا ما ضبط هالحل في حل ثاني بس باجاله الى بعد ما نشوف ردك ونشوف اقتراحات الشباب لربما في شي انا غافل عنه بالتوفيق |
انت الغيت البرجمه و عكست القنوات
الله يعينك تقدر تمر تجمع الشباب في الرياض و نحل المشكله ان شاء الله |
الله يسعدكم جميعا وكلمة شكرا قليلة في حقكم
والمشكلة انحلت وهي بالاساس من المصنع والله اعلم هذي صورة توضح وين المشكلة https://im82.gulfup.com/1AWKdZ.jpg الازرار الاربعه اللي واضحة بالصوره كان اثنين فوق واثنين تحت نزلتهم كلهم تحت وضبطت الاعدادات والحين كل شي تمام تحياتي لكل اخواني اللي تفاعلوا معي واحترمي |
الف مبروك
وبالتوفيق في الطيران القادم |
ما شاء الله تبارك الله..
مبروووك اخوي الصارم , خصل خير وبسيط الترميم ان شاء الله :) :) اهم شي عرفت المشكله والطيران الجاي ابسط باذن الله تعالى .. اتمنى لك التوفيق |
تحياتي واحترامي لكم
|
الظاهر اني طلعت ما ادري شئ عن الطيران
|
اقسمت على كل كابتن يرى مشاركتي
ان يتواصل معي عبر سكايب000000000 حتى اسئلة اسئلة هامة وسوف احدد عليها مجرى حياتي |
اقتباس:
تكرار ذالك انذار بالتوفيق |
| الساعة الآن 11:48 AM. |
Powered by vBulletin® Version 3.8.11
Copyright ©2000 - 2024, vBulletin Solutions Inc.
