الطريقة دي مضمونه 100% وتم تجربتها بنجاح
للاستماع لموجات الطيران لكل هواة الطيران

من نوع
Kchibo
KK-9913
ممكن تلاقي منه لون فضي مش مشكله المهم الموديل

المكان : شارع الازهر - القاهرة
شارع الازهر ده في العتبه جنب شارع عبد العزيز بتاع الموبايلات

ممكن تلاقي راديوهات غيروا كل الراديوهات تنفع عليها التعديل المهم يكون
1- فيه شاشة تظهر التردد
2- ديجيتال من النوع الرخيص
3- ما يكونشي فيه مثبت تردد

كلنا عارف انه موجات الطيران VHF بنظام اتساعى AM من 118-136 MHZ
استقبالها في الراديو هيكون عن طريق FM
يعنى الاف ام في الراديو بيكون لحد 108 احنا هنخليه لحد 140 او 150 مثلا

نيجي للتعديل على الراديو
فك الراديو بحرص وخلي بالك من الاسلاك ما تتقطعش منك

ملف اسمو L1
وده هتلاقيه مكون من اربع الى خمس لفات نحاسية بقطر خمسة مللي متر

وملف التانى اسمو L2
وده هتلاقيه مكون من تلات او اربع لفات نحاسية بقطر خمسة مللي متر

يعنى هتلاقي الملفات النحاسيه L1 جنب بعضها
انت وسعها ما بين بعضها اعمل مسافه مبين كل لفه والتانيه

وحاول وتوسعها على قد ما تقدر
اهم شيء التوسعه تكون بنفس المقدار بين كل لفه والتانيه على L1 وL2

خلف البورده هتلاقي الملفات
ودول اماكن الملفات L1 وL2

ركب الراديو من تانى وشغل وهات FM
وهات الموجات بعد 108 هتلاقيها زادت
انت اختار تردد برج المراقبه

اذا كان
دليفري كليرنس
جراوند
تاور
ابروتش
سنتر
كنترول

حسب المطار اللي انت قريب منه في حدود 50 كيلو منك
الاستقبال بيكون 10/10

الصور منقوله لانها موجوده في منتديات كتير للاسلكي مش منتدى معين
الطريقه من تجربتى الشخصيه ومش موجوده في اي مكان

كثره الحوائط تسبب التشويش للارسال
يعنى اي حد عنده تشويش في الارسال يحاول يحط الراديو في مكان في كويس بحيث يستقبل الارسال تمام

السبب في التشويش
1- الحوائط
2- اي جهاز بجانب الراديو يسبب التشويش مثلا
كمبيوتر - موبايل - راوتر

ياجماعة الارسال بيكون 10/10
بس اعملوا اللي بقولكم عليه

كل ما توسع المسافه بين الدوائر في L1 هتزيد استقبال التردد العالي
وكل ما توسعها في L2 هتزيد المذبذب المحلي اللي هو بمعنى اصح هتزيد رقم الموجه الى بعد 108

يعنى لو وسعت L2 لوحدها هتزيد رقم التردد الى بعد 108 لكن مش هيكون فيه استقبال نهائي

فلازم توسعه L1=L2
يعنى زي ما وسعت التردد وسع الاستقبال